1 Juan 3:11 - Maung A Balita Biblia

¹¹ Say bangat a nadngel yon nanlapud gapo et saya: nepeg a manaarowan itayo.

Maung a Balita Biblia

¹¹ Say bangat a nadngel yon nanlapud gapo et saya: nepeg a manaarowan itayo.

1 Juan 3:11 Iomraidhean Croise

Juan 13:4

Kanyan nen mamandem ira, inmalagey si Jesus, inekal toy akakolibemben a kawes to tan angibariber na tualya ed awak to.

Juan 15:12

Sikato yay ganggan ko: manaarowan kayo a singa panangarok ed sikayo.

TAGA GALACIA 6:2

Mantutulongan kayod saray sasakbaten yo, tan diad ontan naonur yoy ganggan nen Cristo.

TAGA-EFESO 5:2

Mambilay kayon maaro a singa si Cristo; lapud panangaro tod sikatayo, inter ton para sikatayo so bilay to, sakey ya ambalingit a bagat tan rigalo a makapaliket ed Dios.

1 TESALONICA 4:9

Nipaakar ed pangarod agagid pananisia, ag la nakaukolan ya isulat ed sikayo, ta imbangat lad sikayo na Dios no panoy panaarowan yo.

1 Timoteo 1:5

Say getma na sayan ganggan mi et say pamawala na panangaron manlapud puson malinis, malinew a konsinsia, tan tuan pananisia.

1 Pedro 1:22

Natan ta alinisan yo lay sikayon dili lapud itotoluk yod katwaan, tan diad ontan et wala lad sikayoy puron panangaro ed saray agagi yod pananisia, papetang tan manlapud otel na puso yoy panaarowan yo.

1 Pedro 3:8

Kaonuran, nepeg a mankakasakey kayod kanunotan tan liknaan. Nepeg a panaaroway sanaagi so panaarowan yo; mapangasi tan mapaabeba kayo.

1 Pedro 4:8

Manonad amin, manaarowan kayon maung, ta sakuban na aro so dakerakel a kasalanan.

1 Juan 1:5

Saya so balitan nadngel mid Anak to, tan ipapakabat mid sikayo: Silew so Dios tan anggapon balut so kabilongetan ed sikato.

1 Juan 4:11

Inararo, no onyay impangaro na Dios ed sikatayo, nepeg met sirin a manaarowan itayo.

1 Juan 4:21

Saya sirin so ganggan ya inter nen Cristo ed sikatayo: say mangarod Dios nepeg met ya aroen toy agi to.

1 Juan 4:7

Inararo, manaarowan itayo, ta say aro manlalapud Dios. Siopamay mangaaro et anak na Dios tan kabat toy Dios.

2 Juan 1:5

Et natan kekerewen kod sika, apilin Bii, a manaarowan itayo. Aliwa yan balon ganggan so isulat kod sika, no ag ta saya la may ganggan a walad sikatayo nanlapud gapo.