1 Juan 1:7 - Maung A Balita Biblia

⁷ Balet no mambilay itayo ed silew a singa sikato et walad silew, walay maung a pankakasakey tayo tan say dala na Anak ton Jesus et linisan to itayo ed amin a kasalanan.

Maung a Balita Biblia

⁷ Balet no mambilay itayo ed silew a singa sikato et walad silew, walay maung a pankakasakey tayo tan say dala na Anak ton Jesus et linisan to itayo ed amin a kasalanan.

1 Juan 1:7 Iomraidhean Croise

Saray Salmo 104:2

tan nilimbus moy sikan dili na liwawa. Inyaplag mon singa tulda iray katawenan,

Saray Salmo 51:2

Orasan mo ak pad amin a kaogsan ko tan linisan mo ak pad amin a kasalanan ko!

Saray Salmo 56:13

ta inlaban mo ak ed patey, tan ag mo inabuloyan a natalo ak. Kanyan mankukurang ak ed arap na Dios, diad silew ya onsisindag ed saray mabilay.

Saray Salmo 89:15

Agaylay liket da ray totoon mangigagalang ed sika diad panamegley na saray kanta, saray mambibilay onung ed panangasim!

Saray Salmo 97:11

Onsisinag so silew ed saray totoon matonung, ta onsisinag so gayaga ed saray maung a totoo.

Isaias 2:5

Sikayo ran kabyangay boleg nen Jacob, mankurang itayod liwawan iiter ed sikatayo na Katawan!

Isaias 33:24

Anggapoy too a manayam ed dalin tayo a manriklamod sakit; napirdona ya amin so kasalanan.

Isaias 6:7

Indelnet tod bibil ko may ngalab tan kuanto, “Nidelnet ya ed bibil mo, et natan naandi lay kaogsan mo tan apirdona la ray kasalanan mo.”

Amos 3:3

Makapambiahi kasin mambansag so duaran too no ag ni ra akapampaknan mambana ed sakey a pasen?

Zacarias 13:1

“No onsabiy tan a panaon,” kuay Katawan a Makapanyarin-amin, “nalokasan so subul a manlinis ed kasalanan tan panangigalang ed talintaoy diriyos iray kabyangay boleg nen David tan saray totood Jerusalem.

Mateo 6:12

Pirdonam pa iray kasalanan mi, a singa pamipirdona mid saray nankasalanan ed sikami.

Juan 1:29

Diad kaimbwasan, anengneng nen Juan si Jesus ya ondaragod sikato. Inkuanto, “Nia so Kordiro na Dios a mangekal na kasalanay sankamundoan.

Juan 12:35

Inmebat si Jesus, “Maganggano lan nakaiba yo niy silew. Manakar kayo legan a kaiba yo niy silew, pian ag kayo naabotay bilonget. Ta ag amta na toon manaakar ed ambilonget so lalaen to.

Saray Taga Roma 13:12

Ngalngali la mansamput so labi, tan ombubutay lay agew. Tondaan ti lay panggaway bengatlan kayaryay bilonget, tan egnaan ti la ray armas a kayaryay liwawa.

1 CORINTO 6:11

Ontan met iray arum ed sikayo nen saman. Balet naorasan ki lad kasalanan yo; apasanto ki lad Dios; nibilang ki lan anggapoy kasalanan ed arap na Dios diad panamegley na ngaran na Katawan tayon Jesu-Cristo tan lapud Ispiritu na Dios tayo.

TAGA-EFESO 1:7

Arondon itayo la diad panamegley na dala nen Cristo tan diad ontan, apirdona la ray kasalanan tayo. Agaylay kabaleg na panangaroy Dios,

TAGA-EFESO 5:8

Wala kayo nen saman ed bilonget, balet lapud totoo ki lay Katawan, wala ki lad silew. Kanyan mambilay kayo ed nepeg a pambilay da ray totoon walad silew.

1 Timoteo 6:16

Sikato labat so ag ompatey; manaayam ed liwawan anggapoy makaasingger. Anggapo niy akanengneng, anggapo ingey nayarin makanengneng ed sikato. Diad sikato labat komuy kawalaay galang tan andi-anggaan a pakayari! Amen.

Tito 2:14

Imbagat to para sikatayo so bilay to, pian narondon to itayod amin a kaogsan tan pagmaliwen to itayon malinis a totoo, totoon sikato labat so akankayaryan tan mapaga rad panggaway kamaungan.

Saray Hebreo 9:14

Lapud tua ya, lalon dakel niy nagawaay dala nen Cristo! Diad panamegley na andi-anggaan ya Ispiritu, imbagat tod Dios so sikaton dili ya anggapoy tilul. Linisan na dala to so konsinsia tayo tan ekalan to na saray andi-kakanaan a gawgawa, pian nalingkuran tayo so Dios a mabilay.

Santiago 1:17

Nanlapud tawen so balang maung tan nagnap a langkap; nanlapud Ama ya amalsad amin a liwawa. Sikatoy ag mangoman tan ag met panlapway bilonget diad ibeneg to.

1 Pedro 1:19

no ag ingen say mablin dala nen Cristo, a singa kordiron anggapoy deral o dotak to.

1 Juan 1:3

No antoy anengneng tan nadngel mi sikatoy ibaga mi met ed sikayo, pian nakaiba mi kayo ed pikakasakey mid Ama tan diad Anak ton Jesu-Cristo.

1 Juan 1:5

Saya so balitan nadngel mid Anak to, tan ipapakabat mid sikayo: Silew so Dios tan anggapon balut so kabilongetan ed sikato.

1 Juan 5:6

Si Jesu-Cristo so linma diad mundo, a sikatoy abinyagan ed danum tan angiterter na dala to diad impatey to. Linma dian ag labat abinyagan ed danum, no ag ingen interter to met so dala to. Say dilin Ispiritu so amaneknek a tua ya, ta say Ispiritu et katwaan.

1 Juan 5:8

say Ispiritu, say danum, tan say dala; et mankakasakey ira yan talo.

2 Juan 1:4

Ontan lay liket kon akarumog ed saray pigaran anak mon mambibilay ed katwaan, onung ed ingganggan na Ama ed sikatayo.

3 Juan 1:4

Anggapo lay makapaliket ed siak nen say pakarengel koy balitan mambibilay ed katwaan iray anak ko.

Puyan 1:5

tan manlapu met ed Jesu-Cristo, say matoor a tasi, say pangulowan ya Anak ya inmolid bilay, tan sikato so manoley ed saray arari diad tapew na dalin. Inaro itayo nen Jesu-Cristo tan diad panamegley na dala to, imbolus to itayod saray kasalanan tayo.

Puyan 12:11

Tinaloy agagi tayo so Diablo, diad panamegley na dala na Kordiro tan diad panamegley na impantasi rad katwaan; ag da kinawanay bilay da tan nilabay day anggan ompatey.

Puyan 7:14

“Ag ko amta,” ebat ko. “Sikayoy makaamta.” Inkuantod siak, “Sikara yay totoon akaliktar ed baleg a kairapan. Inorasan tan pinapoti ray kawes da ed dala na Kordiro.