1 CORINTO 9:23 - Maung A Balita Biblia

²³ Gagawaen ko yan amin makasengeg ed Maung a Balita, pian makapinabang ak met ed saray bindision to.

Maung a Balita Biblia

²³ Gagawaen ko yan amin makasengeg ed Maung a Balita, pian makapinabang ak met ed saray bindision to.

1 CORINTO 9:23 Iomraidhean Croise

Marcos 8:35

Ta naandiay bilay so toon mangilaban na bilay to; balet nilaban so toon mangiter na bilay to makasengeg ed siak tan say Maung a Balita.

Saray Taga Roma 11:17

Saray pigaran sangay oliban intanem so apoter, tan sinoldungan na sangay oliban balang. Sikan Hintil, aliling moy oliban balang, tan natan minanabang kad biskeg tan maung a bilay da ray Judio.

1 CORINTO 9:12

No saray arum et walay onyan kanepegan dad sikayo, ag kasi nagkalalod sikami? Balet ag mi ya inkanan kanepegan. Intepel mi ingen iray amin a bengatla, pian ag kami makapangyay makasbel ed ikayat na Maung a Balitan nipaakar ed Cristo.

1 CORINTO 9:22

No kaibak iray makapoy, mampapakapoy ak met a singa sikara, pian natanggoyur ko ra. Mipapara ak ed amin a totoo diad amin a kipapasen da, pian nilaban ko ray arum ed sikara diad anggan anton pamaakaran.

1 CORINTO 9:24

Amta yon saray milulumba ombabatik iran amin, balet sakey labat ed sikara so makalay tumang. Batik kayo sirin a singa milulumba, pian makala kayoy tumang!

2 CORINTO 2:4

Baleg so pagak tan ermen ko nen sinulat ta kayo. Managagos so luak nen gagawaen ko man a sulat. Sinulat ta kayo ya aliwan say pamaermen kod sikayo, no ag say pangipaaamtak no panoy kabaleg na panangarok ed sikayo.

TAGA GALACIA 2:5

balet ag mi ran balut pinagustoan ed labay dan gawaen, pian mansiansian para sikayo so katwaan na Maung a Balita.

2 Timoteo 2:10

Lapud saya itetepel koy amin a bengatla, makasengeg ed saray pinilin totooy Dios, pian nagamuran da met komun so kilalaban a walad Cristo Jesus tan say andi-anggaan a kagalangan.

2 Timoteo 2:6

Say dumaralus a nansagput so walay kanepegan a mangalay onaan ya apag ed ani.

Saray Hebreo 3:1

Agagik irad pananisia, a tinawag met na Dios! Imano yo pay Jesus ya imbakiy Dios a magmaliw a Pangulon Pari ed pananisian ibabawag tayo.

Saray Hebreo 3:14

Ta kaiba to itayon amin nen Cristo, no pansiansiaen tayon malet ya anggad kaonuran so panagmatalek a wala lad sikatayo nen saman.

1 Pedro 5:1

Siak, a sakey a matakken na iglisia, tatawagen koy imano yo, sikayon mamatakken na iglisia. Naimatunan koy impanirap nen Cristo tan minabang ak ed kagalangan a nipaamta. Pikakasik ed sikayo:

1 Juan 1:3

No antoy anengneng tan nadngel mi sikatoy ibaga mi met ed sikayo, pian nakaiba mi kayo ed pikakasakey mid Ama tan diad Anak ton Jesu-Cristo.