1 CORINTO 8:9 - Maung A Balita Biblia

⁹ Balet manalwar kayo, ta ompan lapud nayarian yoy mangan na antokaman et saya so makasengeg na pankasalanan da ray makapoy ed pananisia.

Maung a Balita Biblia

⁹ Balet manalwar kayo, ta ompan lapud nayarian yoy mangan na antokaman et saya so makasengeg na pankasalanan da ray makapoy ed pananisia.

1 CORINTO 8:9 Iomraidhean Croise

Isaias 35:3

Itdan yo na biskeg iray naksawan a lima tan saray pueg a mankalog ed kapoy da.

Isaias 57:14

Say Katawan kuanto, “Papawil yod siak iray totook. Ekal yo ray amin a makasbel ed dalanen da! Manggawa kayoy dalan tan iparaan yo!

Ezekiel 14:3

“Sika a toon ompatey,” kuanto, “inter na sarayan totoo so puso ra ed saray talintaoy diriyos tan aabuloyan dan iwanwan irad kasalanan na saray talintao. Abaloan da sirin ya ebatan ko ra?

Ezekiel 44:12

Balet lapud impangulo ra nen saman so impangigalang na saray totood Israel ed saray talintaoy diriyos tan lapud saya inlagyat da ran nankasalanan, siak a Katawan a Dios; sasambaan ko a nepeg day dusaen.

Levitico 19:14

Ag yo aayewen so toon telek; ag kayo mangiiyan na antokaman a pakapateran na toon bulag. Takotan yo ak; siak so Katawan a Dios yo.

Mateo 18:10

“Imano yo ta ompan balawen yoy sakey ed sarayan ogogaw. Kuankod sikayo a diad tawen, saray anghil da ra yan ogogaw et wala ran naynay ed arap na Amak ed tawen.

Saray Taga Roma 15:1

Sikatayo ran mabiskeg ed pananisia nepeg tin tulongan iray makapoy ed pananisia diad panakbat dad saray pakabebelatan da. Ag tayo nepeg a paliketen so sikatayon dili.

1 CORINTO 10:24

Nepeg ya anggapoy mananap na pankaabigan ton dili, no ag say pankaabigan na arum.

1 CORINTO 10:28

Balet no walay mangikuan ed sikayo, “Imbagat yad saray talintaoy diriyos,” ag yo kakanen, makasengeg ed samay angipaamtad sikayo tan say konsinsia;

1 CORINTO 10:29

aliwan say konsinsia yo no ag say konsinsia to, so labay kon ibaga. Ta akin et dangkaan na konsinsiay arum so kanepegan kon manggaway labay kon gawaen?

1 CORINTO 10:32

Mambilay kayo ya aliwan sikayoy panlapwan na pankasalanay siopaman—saray Judio, saray Grigo, o saray kabyangay iglisia na Dios.

1 CORINTO 8:10

No bilang ta sikayon walay pakaamta et anengneng kayoy sakey a toon makapoy so konsinsia to, a mangakan kayod dalem na timploy dios, ag met kasi nadagdag a mangan na kakanen ya imbagat ed saray talintaoy diriyos?

1 CORINTO 8:12

Lapud saya, mankasalanan kayod Cristo, diad pankakasalanan yod agagi yo, tan diad pandederal yoy konsinsia ran makapoy.

1 CORINTO 9:22

No kaibak iray makapoy, mampapakapoy ak met a singa sikara, pian natanggoyur ko ra. Mipapara ak ed amin a totoo diad amin a kipapasen da, pian nilaban ko ray arum ed sikara diad anggan anton pamaakaran.

2 CORINTO 11:21

Ambaing ak a mamirbir ed saya, balet ag mi nitepel a gawaen itan! Balet no walay makapangitepel a mampasirayew na antokaman, makapampasirayew ak met. (Mansasalita ak a singa makulang-kulang.)

2 CORINTO 11:29

No walay onkapoy, milikna ak ed sikato; tan no walay mankasalanan, ontan lay isakit na pagew ko.

2 CORINTO 6:3

Ag kami manggagaway antokaman a pakapankasalanay siopaman, pian ag nabalaw so kimey mi.

TAGA GALACIA 5:13

Agagi, atawag kayon magmaliw a bolus. Balet ag yo ibabaraay inkabolus yo ed pangonur yod saray liket na laman. Mantutulongan kayo ingen lapud aro.

COLOSAS 2:8

Manasikaso kayo sirin, pian ag ki nasamsam na anggan siopa diad panamegley na andi-kakanaan tan makabalang a kakabatay too a manlalapud nipatawir iran bangabangat tan manlalapud saray manangiwanwan na sayan mundo, aliwan manlalapud Cristo.

1 Pedro 2:16

Bolus kayo, balet ag yo gagawaey inkabolus yo a panakbung na antokaman a kaogsan, no ag ingen mambilay kayon aripey Dios.

2 Pedro 2:19

Isisipan day kawayangan ed saray tatanggoyuren da, balet sikaran dili abalur iray makaderal a bisio—ta say too aripen na antokaman a matalona nen say sikato.

Puyan 2:14

Balet wala ray pigaran bengatla ya ag ko labay ed sika: wala ray pigarad sikayon ontotombuk ed bangat nen Balaam ya angibangat ed kinen Balak na pankasalananan na saray Israelita. Lapud saya angan iray kakanen ya imbagat ed saray talintaoy diriyos, tan nankasalanan iray inmoralidad.