1 CORINTO 8:12 - Maung A Balita Biblia

¹² Lapud saya, mankasalanan kayod Cristo, diad pankakasalanan yod agagi yo, tan diad pandederal yoy konsinsia ran makapoy.

Maung a Balita Biblia

¹² Lapud saya, mankasalanan kayod Cristo, diad pankakasalanan yod agagi yo, tan diad pandederal yoy konsinsia ran makapoy.

1 CORINTO 8:12 Iomraidhean Croise

Genesis 20:9

Insan tinawag nen Abimelec si Abraham tan inkuanto, “Antoy ginawam ed sikami? Antoy maoges a ginawak ed sika, et inter mo yan segsegang ed siak tan say nanarian ko? Aliwan manepeg so ginawam ed siak!

Genesis 42:22

Inkuanen Ruben, “Imbagak ed sikayon ag yo didiwiten, et ag yo ak met dinengel. Natan nadudusa itayo, lapud impatey to.”

Exodo 16:8

Insan inkuanen Moises, “Diad labi say Katawan so mangiter ed sikayo na karnin kanen yo tan diad kabwasan, say tinapay ya anggan anto lay karakel na labay yo, lapud nadngel to no panoy impanriklamo yo sumpad sikato. Say katwaan to, no manriklamo kayo sumpad sikami manririklamo kayo sumpad Katawan.”

Exodo 32:21

Inkuantod kinen Aaron, “Antoy ginawa na sarayan totoo ed sika, et impanggawam ira na ontan lan belat na kasalanan?”

Mateo 18:10

“Imano yo ta ompan balawen yoy sakey ed sarayan ogogaw. Kuankod sikayo a diad tawen, saray anghil da ra yan ogogaw et wala ran naynay ed arap na Amak ed tawen.

Mateo 18:21

Sinmingger ed satan si Pedro ed kinen Jesus tan tinepet to, “Katawan, mamimpigan pirdonaen koy agik ed pankasalanan tod siak? Mamimpito?”

Mateo 18:6

“Magmaung nin bitinay baleg a gilingan so beklew na sakey a too tan ipalner ed kaaralmay dayat nen say sikatoy pansengegay pankasalanan na sakey ed sarayan ogogaw a manisiad siak.

Mateo 25:40

Onebat so Ari ed sikara, ‘Kuankod sikayo: nen ginawa yo yad anggan sakey a sankamelagan ed sarayan agagik, ginawa yod siak!’

Mateo 25:45

Onebat so Ari ed sikara, ‘Kuankod sikayo: nen ag yo tinulongan so sakey a sankamelagan ed saraya, ag yo ak tinulongan.’

Marcos 9:42

“Magmaung nin bitinay baleg a gilingan so beklew na sakey a too insan ibontuk ed dayat, nen say sikato so pansengegay pankasalanan na sakey ed sarayan ogogaw a manisiad siak.

Lucas 17:2

Magmaung nin bitinay baleg a gilingan so beklew na sakey a too insan ibontuk ed dayat, nen say sikato so pansengegay pankasalanan na sakey ed sarayan ogogaw.

Saray Taga Roma 14:20

Ag yo dederaley kimey na Dios lapu labat ed kakanen. Amin a nakan nayarin kanen, balet maoges so pangan mo na pansengegay pankasalanan na sakey a too.

1 CORINTO 12:12

Si Cristo et singa sakey a laman ya amayamay so kabyangan to; anggaman a titibokeley nandoroman kabyangan, saksakey ni lamlamang yan laman.

1 Samuel 2:25

No say sakey a too et mankasalanan ed kapara ton too, nayarin iyagel na Dios; balet siopay nayarin mangyagel ed toon mankasalanan ed Katawan?” Balet ag ira dinmengel ed ama ra, ta ginetma la na Katawan a pateyen to ra.

1 Samuel 24:11

Nengneng mo, ama, nengneng mo yay sankabembenan kon parti na saloy na kawes mo! Apatey ta ka la komun, balet saya labat lay ginerger ko. Diam nanengneng ya anggapoy kanunutan kon onlaban ed sika o pasakitan ka. Aanapen mo ak a pateyen anggaman ya anggapoy ginawak a maoges ed sika.