1 CORINTO 8:1 - Maung A Balita Biblia

¹ Onya met so nibagak, nipaakar ed kakanen ya imbagat ed saray talintaoy diriyos. Amta tayon “walay pakaamta tayon amin.” Say pakaamta pagmaliwen ton mapaatagey so too; balet say aro mamabiskeg.

Maung a Balita Biblia

¹ Onya met so nibagak, nipaakar ed kakanen ya imbagat ed saray talintaoy diriyos. Amta tayon walay pakaamta tayon amin. Say pakaamta pagmaliwen ton mapaatagey so too; balet say aro mamabiskeg.

1 CORINTO 8:1 Iomraidhean Croise

Isaias 47:10

“Anggapoy kapagaan mo ed panggagawam na kaogsan; abaloan mon anggapoy makanenengneng ed sika. Pinalikdo ka na kakabatan tan pakatalus mo, tan inkuanmod sikan dili, ‘Siak so Dios— anggapo lay arum a singa siak.’

Isaias 5:21

Pakaskasi kayo la! Ipapasen yoy sikayon dili a makabat, mapalalon marunong a talaga.

Saray Bilang 25:2

Sarayan bibii iniimbitaan da ra yan lalaki a mipista ed pambagat dad dios na Moab. Saray Israelita angaakan ira tan inggagalang da so

Saray Gawgawa 15:10

No ontan sirin, akin et labay yon subokey Dios diad pamapasakbat yod saray disipulo na ambelat a sasakbaten ya ag ayarian na saray atateng tayo, ni anggan sikatayo?

Saray Gawgawa 15:29

ag kayo mangakay antokaman ya imbagat ed saray diriyos; ag kayo mangakay dala tan ayayep a tinikel; tan ag kayo manggagaway inmoralidad. Arawian yo ra ya et maung so pansumpalan yo. Mampatanir kami la.”

Saray Gawgawa 21:25

Nipaakar ed saray Hintil a mananisia, insulat mi lad sikaran nampapaknaan mi a nepeg day ag mangan na antokaman ya imbagat ed saray diriyos, nepeg day ag mangan na dala tan say ayep a tinikel, tan ag ira manggaway inmoralidad.”

Saray Taga Roma 11:25

Agagi, walay sakey a niamut a katwaan a labay kon ipaamtad sikayo, pian ag yo ipasen a makabkabat kayo. Say inkaawet na puso da ray Israelita et mansamput la no inmasingger lad Dios so nagnap a bilang da ray Hintil.

Saray Taga Roma 12:16

Pampapara yoy panangaro yod amin a too. Ag kayo mapaatagey, no ag ingen mikaaro kayod saray mapaabeba. Ag yo ipapasen a makabkabat kayo.

Saray Taga Roma 14:10

Akin et sintinsiaan mo sirin so agim? Tan akin et balawen moy agim? Onarap tayon amin ed panagsintinsiaan na Dios.

Saray Taga Roma 14:14

Lapud pikakasakey kod Katawan a Jesus, amtak tan sisiaen ko ya anggapoy nakan a gendat lan marotak. Balet no ipasen na sakey a too a walay nakan a marotak tan ag nayarin kanen, ag nayari sirin a kanen to.

Saray Taga Roma 14:19

Kanyan nepeg tin panseetan a gawaen iray makapangiter na kareenan tan makapabiskeg na sakey tan sakey.

Saray Taga Roma 14:22

Sika tan say Dios labat so nepeg a makaamtad pananisiam nipaakar ed saya. Maliket so toon ag nagoluy isip to diad panggawa toy bengatlan ipapasen ton maung!

Saray Taga Roma 14:3

Say toon mamangay amin a nakan ag to nepeg a balawey toon mamangay pising labat, tan say toon mamangay pising labat ag to nepeg a sintinsiaay toon mamangay amin a nakan, ta sikatoy inawat na Dios.

Saray Taga Roma 15:14

Agagi, anggapoy duaruwak met a napno kayoy kaabigan, amin a kakabatan, tan sarag yoy mansisimbawaan.

1 CORINTO 1:5

Ta diad pikakasakey yod Cristo nagmaliw kayon mayaman ed amin a bengatla, anggan diad amin a panagsalita tan amin a karunongan.

1 CORINTO 10:15

Makakabat kayon totoo a susulaten ko, kanyan akaoley ki la no antoy pangipasen yod ibabagak.

1 CORINTO 10:28

Balet no walay mangikuan ed sikayo, “Imbagat yad saray talintaoy diriyos,” ag yo kakanen, makasengeg ed samay angipaamtad sikayo tan say konsinsia;

1 CORINTO 14:20

Agagi, ag kayo singa ogogaw diad panagnunot yo. Mipara kayod saray ogogaw no nipaakar ed kaogsan, balet singa kayo komun matakken diad panagnunot yo.

1 CORINTO 15:34

Pawil kayod maptek a panagnunot yo tan ibeneg yo la ray kasalanan yo. Pigarad sikayo so ag makapikabat ed Dios; ibabagak ya, pian nabaingan kayo.

1 CORINTO 4:10

Makulang-kulang kami nisengeg ed Cristo, balet makabat kayo diad pikakasakey ed Cristo! Makapkapoy kami, balet mabisbiskeg kayo! Nababalaw kami, balet napapagalangan kayo!

1 CORINTO 4:18

Wala rad sikayoy mapaatagey, ta abaloan dan ag ak la onlad tan.

1 CORINTO 4:6

Agagi, lapud sikayo, impasen kon alimbawa si Apolos tan siak, pian naaralan yoy kabaliksan na sayan balikas, “Ag yo pasosolukay nisulat.” Ag yo nepeg ya ipasirayew so sakey tan balawen so sananey.

1 CORINTO 5:2

Insan, mapasirayew kayo ni! Ingen manermen kayo komun tan paekal yo lad moyungan yo itay toon manggagaway inmoralidad.

1 CORINTO 5:6

Maoges itan so panagpasirayew yo! Ag yo ta amtay kabaliksan na sayan balikas, “Say daiset a libadura napaalsa toy masa?”

1 CORINTO 8:2

Say toon abaloan ton walay amta to, ag to ni amtay nepeg ton amtaen.

1 CORINTO 8:4

Kanyan nipaakar ed pangay kakanen a nibagat ed saray talintaoy diriyos: amta tayon anggapoy kabaliksan na talintaoy dios; kabat tayon saksakey labat so Dios.

1 CORINTO 8:7

Balet sayan katwaan ag amta na amin a katoowan. Wala ray niilwam lad saray talintaoy diriyos kanyan, anggad natan, no mangan iray imbagat ed talintaoy diriyos, abaloan dan kayaryan na talintaoy diriyos yan kakanen. Lapud makapoy so konsinsia ra, mapaga ra ta abaloan dan mankasalanan ira.

TAGA-EFESO 4:16

Lapud panangitonton to, maokoksuy ya amin iray kabyangay laman, tan say intiron laman et impampepeketan na saray langolangowan. No balang kabyangay laman et mankikimey onung ed kanepegan ton gawaen, ombaleg tan ombiskeg so intiron laman diad panamegley na aro.

COLOSAS 2:18

Ag kayo paibabalang ed siopaman a mangipapasen ed sikaton dili a matalonggaring, lapud inkapuyanan to kono tan ipapasoot toy tila-tilan panagpaabeba tan say pangigalang ed saray anghil, balet diad tuay tua, mampapasirayew labat, ta kanunotay too labat so kanunotan to.

Puyan 2:14

Balet wala ray pigaran bengatla ya ag ko labay ed sika: wala ray pigarad sikayon ontotombuk ed bangat nen Balaam ya angibangat ed kinen Balak na pankasalananan na saray Israelita. Lapud saya angan iray kakanen ya imbagat ed saray talintaoy diriyos, tan nankasalanan iray inmoralidad.

Puyan 2:20

Balet niay ag ko labay ed sika: papaolyan moy Jezebel, say biin ibabaga ton sikatoy sakey a propita. Ibabalang to ray aripen ko, ibabangat to ran mankasalanan na inmoralidad tan mangay kakanen a nibagat ed saray talintaoy diriyos.