1 CORINTO 7:11 - Maung A Balita Biblia

¹¹ No bilang ta gawaen to ya, nepeg ya ag miasawad sananey, odino andi mipulangad asawa to. Say laki ag to nepeg met ya isian so asawa to.

Maung a Balita Biblia

¹¹ No bilang ta gawaen to ya, nepeg ya ag miasawad sananey, odino andi mipulangad asawa to. Say laki ag to nepeg met ya isian so asawa to.

1 CORINTO 7:11 Iomraidhean Croise

Isaias 50:1

Say Katawan kuanto, “Abaloan yo amon pinataynan ko ray totook a singa sakey a lakin angisian na asawa to? Kawalaan sirin na saray kasulatan na impansian? Abaloan yo amon inlako ta kayo ed inkadakep a singa sakey a too ya inlako ton aripen iray anak to? Andi, adakep kayod arawi lapud saray kasalanan yo; apataynan kayod arawi lapud saray kaogsan a ginagawa yo.

Jeremias 3:1

Say Katawan kuanto, “No isian na sakey a laki so asawa to, tan ontaynan la may bii, insan naasawa na sananey a laki, samay angisian ag to la nababawi may insian to. Dotakan a sigput na onya so bansa. Balet, Israel, amayamay so kainarowan mo et, natan, labay moy ompawil ed siak!

Mateo 5:32

Balet ibagak ed sikayo natan: no say laki et isian toy ag mikakaloguran ya asawa to, mankasalanan yan laki no miasawa lamet imay bii, ta dadagdagen ton mikaloguran. Say mangasawad saman a bii mankasalanan met na pikakaloguran.”

Marcos 10:12

Mikaloguran met so biin mangisian na asawa to tan miasawad sananey.”

Marcos 10:2

Wala ray Pariseon sinmingger met ed kinen Jesus, ta labay da ya erelen ed salita to. “Ibagam ed sikami,” tinepet da, “iyabuloy kasi na Ganggan ya isian na sakey a laki so asawa to?”

Lucas 16:18

“Say lakin mangisiad asawa to tan mangasaway sananey a bii, mikaloguran. Mikaloguran met so lakin mangasaway biin insian.”

1 CORINTO 7:10

Walay ganggan kod saray walay asawa, ya ag nanlapud siak no ag diad Katawan: ag nepeg a misiyan so bii ed asawa to.

1 CORINTO 7:12

Diad saray arum, nia met so ibabagak, aliwan say Katawan: no say sakey a lakin mananisia et walay asawa ton aliwan mananisia ya ag to labay so misiyan, nepeg ya ag to isian.

Deuteronomio 22:19

Pambayaren da met na sanlasus a kuartan pilak tan iter da rad samay ama na bii, ta samay asawan laki et impelag tod kababaingan so sakey a biin Israelita. Sakey ni, mansiansian asawa to may bii, tan ag ton balut nisiyan legan ton mambilay.