1 CORINTO 6:9 - Maung A Balita Biblia

⁹ Ag yo ta amtan saray makasalanan et ag da natawir so Panariay Dios? Ag kayo patitilaan! Saray managgaway inmoralidad, saray manangigalang ed saray talintaoy diriyos, saray managkaloguran, saray managliket ed laman na kapara ran laki o kapara ran bii,

Maung a Balita Biblia

⁹ Ag yo ta amtan saray makasalanan et ag da natawir so Panariay Dios? Ag kayo patitilaan! Saray managgaway inmoralidad, saray manangigalang ed saray talintaoy diriyos, saray managkaloguran, saray managliket ed laman na kapara ran laki o kapara ran bii,

1 CORINTO 6:9 Iomraidhean Croise

Genesis 19:5

Inkulyaot dad kinen Lot, “Kawalaan da ra may lalakin mioogip ed abung mo? Ipaway mo ra dia, ta labay mi ran piakdulan.”

Exodo 23:1

“Ag yo iwawakawak so tila-tilan balita, tan ag yo tutulongan so toon nankasalanan diad pantasi yo na tila.

Probirbio 11:1

Kabosul na Katawan so masaol a simbangan, balet maliket ed dugan simbangan.

Probirbio 22:8

No mantanem kay bokel na aliwan inkatonung, say deral so onsulming, tan ontonda lay panagpairap mod arum a totoo.

Probirbio 7:27

No onla kad abung to mamapaarap ka ed pasen a panaayaman da ray inaatey. Sikato yay antikey a dalan a mamaarap ed patey.

Isaias 55:7

Saray makasalanan a totoo et ibeneg da komun so kabibilay da tan omanen day panagnunot da. Ompawil ira komun ed Katawan a Dios tayo, ta mapangasi tan sipaparaan a mamirdona.

Ezekiel 18:11

ya ag balut ginawa na ama to. Mamangakan na saray imbagat ed saray aliwan manepeg ya altar tan pandadaleman to na aro so asawa na kapara ton lalaki.

Levitico 18:20

Ag ka miaakdul ed asawa na sananey a laki; pagmaliwen to kan marotak onung ed ganggan.

Levitico 18:22

Ag nepeg a say sakey a laki et miakdul ed kapara ton laki; kabosul ya na Dios.

Levitico 19:15

“Nepeg a maptek tan matonung so pangiter yoy sintinsia; ag yo kikilingan so toon mairap-bilay, ni tatakotan so toon mayaman.

Levitico 20:13

No say sakey a laki et miakdul ed kapara ton laki, nanggawa ran dua na kabandayan tan nepeg iran pateyen a dua. Sikaran dili so makasengeg na ipatey da.

Zacarias 5:3

Insan inkuantod siak, “Nisulat ed saman a babasaen so samba ya onsabi ed intiron dalin. Diad sakey a dapag na samay babasaen, ibabaga to a napagit ed dalin iray amin a matakew; tan diad sakey a dapag ibabaga to a napagit ya amin iray totoo a mansasambad pantitila ra.

Mateo 19:29

Tan siopamay taynan toy abung, saray agagin lalaki o bibii, say ama o ina, saray anak, o saray dalin lapud siak—sikatoy natumangan a maminlasus tan tawiren toy bilay ya andi-anggaan.

Mateo 25:34

Insan ikuay Ari ed saramay walad nikawanan, ‘Gali dia, sikayo ran binindisionay Amak! Tawir yoy panarian a niparaan a para sikayo, nanlapu lad inkiletneg na mundo.

Lucas 21:8

Inkuanen Jesus, “Manalwar kayo tan ag kayo palilingo ed siopaman! Ta amayamay iray onsabi tan ikana ray ngaran ko ya ikuanda, ‘Siak so Cristo!’ tan ‘Sinmabi lay panaon!’ Balet ag yo ra totombuken.

Saray Gawgawa 20:32

“Natan, ipia ta kayod panangasikasoy Dios tan diad salita ton mamapaneknek na baleg a panangaro to. Napabiskeg to kayo tan naitdan to kayoy amin a bindision ya igagana tod saray totoon pinasanto to.

Saray Gawgawa 24:25

Balet nen ituloy nen Pablo so mampaliwaway nipaakar ed kamaungan, panagadyad dilin laman, tan say okum ya onsabi, ataktakot si Felix tan inkuanto, “Alis ka ni, ta patawag ta ka no walay panaon ko.”

Saray Taga Roma 1:18

Ta nipaamta a manlapud tawen so sanuk na Dios ed amin a kasalanan tan kaogsan da ray totoon mamapaer na pangipakabat na katwaan, lapud kaogsan da.

1 CORINTO 15:33

Ag kayo patitilaan. “Saray maoges a kaolup deralen day maung a kagagawa.”

1 CORINTO 15:50

Sayay labay kon ibaga, agagi: say walay laman tan dala to, ag to natawir so Panariay Dios, tan say laman a naboluk, ag to natawir so ag naboluk.

1 CORINTO 3:16

Ag yo ta amtan sikayoy timplo na Dios tan manaayam ed sikayo so Ispiritu na Dios?

1 CORINTO 5:1

Nibabalitan walay inmoralidad a nagagawa ed sikayo, gawan sankabandayan a tuloy tan ag gagawaen na anggan saray Hintil. Nibabalitad siak ya iyaamung na sakey ed sikayo so asawan pidwa na ama to!

1 CORINTO 5:10

Aliwan saray totoon pagano a manggagaway inmoralidad so labay kon ibaga, odino saray maagom, saray matakew odino saray manangigalang ed saray talintaoy diriyos. Ta napaliisan yo ra ya labat no andi ki lad sayan mundo.

1 CORINTO 5:11

Say labay kon ibaga, ag yo pipiolupan so toon ipapasen toy sikaton dili a Cristiano, balet manggagaway inmoralidad, maagom, manangigalang ed saray talintaoy diriyos, managpabaing, buanges, odino matakew. Ag kayo anggan mirorongod satan a klasiy too.

1 CORINTO 6:10

saray matakew, saray managlames, saray buanges, saray managpabaing, tan saray maagom—anggapod sarayan totoo so makatawir ed Panarian na Dios.

1 CORINTO 6:18

Ag kayo manggagaway inmoralidad. Say toon manggaway inmoralidad mankasalanan ed laman ton dili. Say toon manggaway arum nin kasalanan, anggapoy nagawad laman to.

1 CORINTO 6:19

Ag yo ta amtan say laman yo et timplo na Ispiritu Santo a manaayam ed sikayo tan inter na Dios ed sikayo? Ag yo kayaryay laman yo; say Dios so makankayaryan, ta

1 CORINTO 9:24

Amta yon saray milulumba ombabatik iran amin, balet sakey labat ed sikara so makalay tumang. Batik kayo sirin a singa milulumba, pian makala kayoy tumang!

2 CORINTO 12:21

Mapaga ak, ta ompan diad ontombuk ya iyakar kod tan et say Dios ko paabebaen to ak ed arap yo, tan pannangisan kod satay impankasalanan na saray dakel ya ag da ni nagbabawian iray ginagawa ran karotakan, saray ginagawa ran inmoralidad tan pilalawanan.

TAGA GALACIA 6:7

Ag yo titilaay sikayon dili: anggapoy makapantila ed Dios. No antoy intanem na too, sikato met so anien to.

Deuteronomio 22:22

“No narel a miaakdul so sakey a laki ed asawa na sakey a laki, nepeg a pateyen ira tan a duan nanakdul. Diad ontan, napaandipat yo yan kaogsan.

Deuteronomio 22:5

“Saray bibii et ag ira nepeg a mansolung na kawes da ray lalaki, tan saray lalaki et ag ira nepeg a mansolung na kawes da ray bibii; kabosul na Dios iray totoon manggawa na ontan.

Deuteronomio 23:17

“Sebel ed siopaman ya Israelita, bii may laki, so magmaliw a babayaran a too ed timplo.

COLOSAS 3:5

Kanyan ibantak yo la ray mangaraldalin a pilalek yo, a singa saraya: inmoralidad, kabandayan, maoges a pilalek na laman, maoges a getma, agom (ta say kinaagom et sakey a klasiy panangigalang ed talintaoy dios).

Saray Hebreo 12:14

Gawa yoy anggaay nayarian yo a mikaarod amin a too tan mampasanto kayo, ta no ag ya gawaen na siopaman, ag to nanengneng so Katawan.

Saray Hebreo 12:16

Manalwar kayo, ta ompan mankasalanan kayoy inmoralidad o murmuraen yo ray bengatlan maispiritu, a singa ginawa nen Esau. Insalat tod sakey a panangan so kanepegan na inkapangulowan to.

Saray Hebreo 13:4

Nepeg a galangen na amin a katoowan so panaasawa, tan nepeg met a matoor ed sakey tan sakey iray sanaasawa. Ta say Dios sintinsiaan to ray manggagaway inmoralidad tan saray mikakaloguran.

Santiago 1:16

Ag kayo patitilaan, inararok iran agagi!

1 Juan 3:7

Anak, ag kayo papaibalang ed siopaman! Siopamay manggaway katonungan sikatoy matonung, a singa si Cristo et matonung

Puyan 21:8

Balet saray matakot, saray aliwan mananisia, saray marotak so panagbilay da, saray managpatey na too, saray managkasalanan na inmoralidad, saray managanito, saray manangigalang ed saray talintaoy diriyos, tan amin iray matitila—nibantak ira yan amin ed samay dayat a manliub ya apoy tan asupri, a sikatoy kumadwan patey.”

Puyan 22:15

Balet natilak ed paway na siudad iray marotak so panagbilay da, saray managanito, saray managkasalanan na inmoralidad, saray managpatey na too, saray manangigalang ed saray talintaoy diriyos, tan saray matitila diad salita tan gawa.

Saray Huis 19:22

Manliliket ira nen kabebekta walay ray pigaran lalakin marotak so inkatoo ra a sinmabi ran nanlapud baley. Niliktub da may abung tan ginapwan day nantoktok ed kaput. Inkuandad samay masiken, “Ipaway mo dia tay lakin kaibam a sinmempet! Labay miy miakdul ed sikato!”