1 CORINTO 5:8 - Maung A Balita Biblia

⁸ Kanyan pistaan tayoy Paskua, aliwan diad panamegley na tinapay a walay lauk ton daan a libaduray kasalanan tan kaogsan, no ag diad panamegley na tinapay ya anggapoy libadura, say tinapay na katooran tan katwaan.

Maung a Balita Biblia

⁸ Kanyan pistaan tayoy Paskua, aliwan diad panamegley na tinapay a walay lauk ton daan a libaduray kasalanan tan kaogsan, no ag diad panamegley na tinapay ya anggapoy libadura, say tinapay na katooran tan katwaan.

1 CORINTO 5:8 Iomraidhean Croise

Saray Salmo 32:2

Maliket so too a say Katawan et ag to aakusaen a nanggaway kaogsan tan anggapod puso to so antokaman a panamalingo.

Saray Salmo 42:4

Onsasakit so pusok kapag nanununotan ko ray agawa nen saman, nen kaibak iray karaklan a linmad abung na Dios, tan inwanwan ko rad panaakar da; malikeliket iran mankankanta tan maneeyag na dayew ed Dios.

Exodo 12:15

Say Katawan kuanto, “Diad loob na pitoran agew ag kayo mamangan na tinapay a pinaalsad libadura—saray tinapay ya anggapoy libadura labat so kanen yo. Diad ononan agew ibantak yoy amin a libaduran narumog yo ed kaabungan yo, ta no walay Israelitan mangan na tinapay a nanlibadura legan na sarayan agew, ag la nibilang a sakey ed saray totook.

Exodo 12:19

Diad loob na pitoran agew nepeg ya anggapoy libaduran narumog ed kaabungan yo, ta siopaman ed sikayon Israelita odino sangkailin mangan na tinapay a pinaalsad libadura, ag la nibilang a sakey ed saray totook.”

Exodo 12:8

Diad satan a labi ikalut so laman na ayep insan ipangan ed ampait a pising tan diad tinapay ya anggapoy libadura.

Exodo 13:6

Diad loob na pitoran agew say kanen yon tinapay say ag pinaalsad libadura, tan diad kumapiton agew nepeg a walay pista a pamagalang ed Katawan.

Exodo 13:7

Diad loob na pitoran agew ag kayo mamangan na antokaman a tinapay a pinaalsad libadura; nepeg ya anggapoy narumog a libadura odino tinapay a pinaalsad libadura ed inerman a pasen ed dalin yo.

Isaias 25:6

Diad Palandey na Sion say Katawan a Makapanyarin-amin et mangiparaan na baleg a ponsia a para saray bansa ed intiron mundo—sakey a ponsian sankananaman iray kakanen tan sankaabigan iray alak ya isaklang.

Isaias 30:29

Balet sikayo ran totoo na Dios, manliket tan mankanta kayo a singa gagawaen yo no labi no masanton pista. Manliket kayon singa saray manaakar legan a totogtogen iray plauta diad pamapaarap dad Timplo na Katawan a manangyagel na Israel.

Levitico 23:6

Diad kumalabinliman agew say Pista na Tinapay ya Anggapoy Libadura et onggapo, tan diad loob na pitoy agew nepeg ya anggapoy libaduran tinapay so kanen yo.

Mateo 16:12

Insan atalusan na saray disipulo ya aliwan samay libaduran ikakanad tinapay so imbaga ton alwaran da, no ag say bangat da ray Pariseo tan saray Saduseo.

Mateo 16:6

Inkuanen Jesus ed sikara, “Manalwar kayod libadura na saray Pariseo tan saray Saduseo.”

Marcos 8:15

Binilin nen Jesus iray disipulo to, “Manasikaso kayo! Alwaran yoy libadura na saray Pariseo tan say libadura nen Herodes.”

Lucas 12:1

Nen libo-libon totooy nantitipon, a diad karakel da et makapanggagatinan la ra, inkuanen Jesus ya onona ed saray disipulo to, “Manalwar kayod libadura na saray Pariseo, salanti say pansimpisimpitan da.

Juan 1:47

Nen anengneng nen Jesus si Nataniel ya ondaragod sikato inkuanto, “Niay tuan Israelita ya ag manasaol na kapara ton too.”

1 CORINTO 3:3

ta minumundo niy panagbilay yo. Maniimonan tan mankokolkol kayo ni. Ag ta ra ya mangipatnag a minumundo kayo ni, tan say panagbilay yo et onung na panagbilay na karaklan?

1 CORINTO 5:1

Nibabalitan walay inmoralidad a nagagawa ed sikayo, gawan sankabandayan a tuloy tan ag gagawaen na anggan saray Hintil. Nibabalitad siak ya iyaamung na sakey ed sikayo so asawan pidwa na ama to!

1 CORINTO 5:6

Maoges itan so panagpasirayew yo! Ag yo ta amtay kabaliksan na sayan balikas, “Say daiset a libadura napaalsa toy masa?”

2 CORINTO 1:12

Sikato yay nayarian mi ya ikinon: paneknekan na konsinsia mi a masanto tan anggapoy pankonkonwari so pipiolup mid sankamundoan, lautlad pipiolup mid sikayo. Onyay pambibilay mi, lapud baleg a panangaroy Dios, aliwan lapud kakabatay too.

2 CORINTO 2:17

Aliwa kamin singa saray amayamay a totoon panninigosioan day salitay Dios. Ingen, lapud imbaki kamiy Dios tan aripen kami nen Cristo, matoor kamin mansalita diad arap na Dios.

2 CORINTO 8:8

Ag ko igaganggan yad sikayo; balet labay kon nipatnag, diad panamegley na pangipanengneng koy pananulong na saray arum, so katooran met na panangaro yo.

TAGA-EFESO 6:24

Nawalaan kayo komuy bindisioy Dios, amin yon say panangaro yod Katawan tayon Jesu-Cristo et ag ompatey.

Deuteronomio 16:16

“Amin da ray lalakin totood bansa yo et nepeg ya onla ran mamitlod sakey taon ed samay pasen a panangigalangan ta igalang day Katawan: no Paskua, no Pista na Panagani, tan no Pista na saray Abung-abung. Balang sakey a laki et nepeg a mangawit na nayarian ton iter a rigalo

Deuteronomio 16:3

No kanen yo yan panangan, ag kayo mangakan na tinapay a walay libadura. Ta pitoy agew mangan kayo na tinapay ya anggapoy libadura to, a singa samay ginawa yo nen tinaynan yon magangganat so Egipto. Akan yo yan tinapay, say tinapay na kairapan, pian legan na pambilay yo nanunotan yo may agew ya impaway yod Egipto, saman a pasen a nanirapan yo.

Josue 24:14

“Natan sirin,” intuloy nen Josue ya inkuan, “pagalangan yo so Katawan tan masimoon tan matoor yon panlingkuran. Ibantak yo ray diriyos ya inggagalang nen saman na saray lalaki yo diad Mesopotamia tan diad Egipto. Say Katawan labat so panlingkuran yo.

1 Pedro 4:2

Kanyan manlapud natan ya anggad arapen a panaon, pampelengan yo lan onurey linaway Dios, aliwan saray maoges a pilalek na laman.