1 CORINTO 4:17 - Maung A Balita Biblia

¹⁷ Lapud saya, ibakik ditay Timoteo a matoor tan inararok ya anak ed Katawan. Sikatoy mangipanunot ed sikayo na panagbilay a totombuken ko, diad pikakasakey kod Cristo Jesus. Ibabangat ko met yan panagbilay ed amin ya iglisiad inerman a pasen.

Maung a Balita Biblia

¹⁷ Lapud saya, ibakik ditay Timoteo a matoor tan inararok ya anak ed Katawan. Sikatoy mangipanunot ed sikayo na panagbilay a totombuken ko, diad pikakasakey kod Cristo Jesus. Ibabangat ko met yan panagbilay ed amin ya iglisiad inerman a pasen.

1 CORINTO 4:17 Iomraidhean Croise

Probirbio 13:17

Panlalapwan na gunigon iray manangibalitan ag napanmatalkan, balet kareenan so iiter da ray napampiaan.

Saray Bilang 12:7

Doma balet no misalita ak ed aripen kon Moises; impasen ko a makaoley ed amin a totook ya Israelita.

Mateo 24:45

“Siopa sirin so napanmatalkan tan marunong ya aripen? Say aripen ya ipasen na amo to a sikatoy pangulo da ray kapara ton aripen tan mangiter na kanen da diad manepeg ya oras.

Mateo 25:21

Inkuanto may amo, ‘Maabig so ginawam, maung tan matoor ya aripen! Lapud napampiaan kad melag a kantidad, ipiak ed sikay baleg a kantidad. Gala, ta miliket kad amom!’

Mateo 25:23

Inkuanto may amo ‘Maabig so ginawam, maung tan matoor ya aripen! Lapud napampiaan kad melag a kantidad, ipiak ed sikay baleg a kantidad. Gala, ta miliket kad amom!’

Saray Gawgawa 16:1

Linma met si Pablo ed Derbe tan Listra. Walad may sakey a disipulon manngaray Timoteo; mananisian Judio so ina to, tan Grigo so ama to.

1 CORINTO 11:16

Balet no walay labay toy misangsangan nipaakar ed saya, anggapoy nibagak no ag saya: anggapoy arum ya ogali mi tan saray iglisia na Dios.

1 CORINTO 11:2

Idadayew ta kayo, ta nununoten yo ak lawas tan oonuren yo ray bangabangat kod sikayo.

1 CORINTO 11:34

No walay narasan, nepeg a mangad abung, pian ag mansumpal ed panusay Katawan so pantitipon yo. Nipaakar ed saray arum a bengatla, arigloan ko la no onsabi ak ditan.

1 CORINTO 14:33

Ta say Dios aliwan Dios na golo, no ag ingen Dios na kareenan. Onung na nepeg a nagawad amin da ray iglisia na totooy Dios,

1 CORINTO 16:1

Natan, nipaakar met ed kuarta ya itulong ed saray totooy Dios ed Judea, gawa yoy singa imbagak ed saray iglisia ed Galacia.

1 CORINTO 16:10

No onsabid tay Timoteo, paliket tan pabiskeg yoy loob to diad pilimug tod sikayo, ta kaparak a manlilingkur ed Katawan.

1 CORINTO 4:14

Isusulat ko ra ya, aliwan lapud labay ta kayon pabaingan, no ag ingen lapud labay ta kayon simbawaan, a singa ta kayo inararon anak.

1 CORINTO 4:15

Ta anggan samplon liboy managbangat yon nipaakar ed pambibilay yon Cristiano, saksakey labat so ama yo. Ta diad pikakasakey yod Cristo Jesus anak ta kayo, diad panamegley na Maung a Balitan impupulong kod sikayo.

1 CORINTO 4:2

Nakaukolan a matoor ed amo to so toon managasikaso.

1 CORINTO 7:17

Nepeg a mambilay so balang sakey ed sikayo onung ed langkap na Katawan ed sikato tan onung ed kipapasen to nen tawagen na Dios. Onyay ibabangat kod amin ya iglisia.

1 CORINTO 7:25

Nipaakar ed saray totoon anggapoy asawa, anggapoy niiter kon ganggan a manlapud Katawan. Balet siak a napanmatalkan lapud panangasiy Katawan, ibabagak iray walad kanunotan ko.

2 CORINTO 8:18

Pilaen mid sikato so agin gagalangen na amin day iglisia, lapud pangipupulong toy Maung a Balita.

TAGA-EFESO 6:21

Si Tikico, ya inararon agi tan matoor a managlingkur na Katawan, so mangibalitad sikayoy amin a nipaakar ed siak, pian nakabatan yoy kipapasen tan gagawaen ko.

FILIPOS 2:19

Maniilalo ak ed Katawan a Jesus a nibakik lad tan a tampol si Timoteo, pian napabiskeg so linawak no naamtaan kod sikatoy kipapasen yo.

FILIPOS 2:22

Sikayo lay mamaneknek ed katooran nen Timoteo. Tinulongan to ak ed impangikayat na Maung a Balita; singa anak a tinmulong ed ama to.

COLOSAS 1:7

Nadngel yo yad kinen Epafras, say pinabli min kumikimey nen Cristo tan matoor a kakimeyan a mangilalaman ed sikami.

COLOSAS 4:9

Kaiba toy Onesimo, matoor tan inararon agi, a kabyangan met na moyung yo. Ibalita ra so amin a nagagawad dia.

1 Timoteo 1:18

Anak kon Timoteo, imatalek kod sika yan ganggan, onung ed saramay abayag lan propisiyan nipaakar ed sika. Saraman a salita so ikanam ya armas diad pibakal mod maung a laban,

1 Timoteo 1:2

Diad kinen Timoteo, say anak kon peteg ed pananisia: Itdan kayo komun na Dios ya Ama tayo tan say Katawan a Jesu-Cristo na bindision tan kareenan.

2 Timoteo 1:2

Diad kinen Timoteo ya anak kon inararo: Itdan ka komun na Dios ya Ama tayo tan say Katawan a Jesu-Cristo na bindision tan kareenan.

2 Timoteo 2:2

Saray salitan nadngel mod siak diad arap na amayamay a tasi so ibangat mod saray totoon napanmatalkan tan nayarian day mangibangat met ed arum.

2 Timoteo 3:10

Balet sika, tinombuk moy bangat, ogali, tan getmak ed bilay. Inalig moy pananisiak, panaganos ko, panangarok, tan panagtepel ko.

Tito 1:5

Intilak ta kad Creta a mangoksuy ed saray bengatlan nepeg nin oksuyen, tan mamili na saray mamatakken na iglisia ed balang baley. Tandaan moy bilin ko:

Puyan 2:10

Ag mo tatakotan iray kairapan ya asingger mo lan sakbaten. Dengel ka! Diad panubok na Diablo, paipriso toy pigarad sikayo; nairapan kayon samploy agew. Mansiansia kan matoor ed siak ya anggad patey, et iter kod sikay korona na bilay.

Puyan 2:13

Amtak a manaayam kad kawalaan na trono nen Satanas. Anggaman ontan, siansian matoor kad siak. Ag mo binenegay pananisiam ed siak ya anggan nen si Antipas a matoor kon tasi et pinatey dad kawalaan mo a panaayaman nen Satanas.