1 CORINTO 3:17 - Maung A Balita Biblia

¹⁷ No deralen na sakey a too so timplo na Dios, sikatoy deralen na Dios. Ta masanto so timplo na Dios, tan sikayo so timplo to.

Maung a Balita Biblia

¹⁷ No deralen na sakey a too so timplo na Dios, sikatoy deralen na Dios. Ta masanto so timplo na Dios, tan sikayo so timplo to.

1 CORINTO 3:17 Iomraidhean Croise

Genesis 28:17

Tinmakot tan inkuanto, “Makapataktakot yan pasen! Talagan sikato yay abung na Dios tan puirtay tawen.”

1 Saray Awaran 29:3

Aliwan saraya labat so imparaan ko; angiter ak ni na saray dilin pilak tan balituk ko lapud panamablik ed Timplo na Dios ko.

Saray Salmo 74:3

Batak mo pa ra yay amin ya aderal-deral; dineral na saray kalaban mi iray amin a walad Timplo!

Saray Salmo 79:1

O Dios, say dalin mo et nilooban na saray pagano. Dinotakan day inkasanto na Timplom tan dineral-deral day Jerusalem.

Saray Salmo 93:5

Magnayon iray ganggan mo, Katawan, tan tuan masanto so Timplom ya anggad angga.

Saray Salmo 99:9

Idayew yoy Katawan a Dios tayo, tan igalang yo ed masanton palandey to! Masanto so Katawan a Dios tayo!

Exodo 3:5

“Ag ka onaasingger dia,” inkuan na Dios, “ekal mo ray sandalyam, ta masanto so dalin a kawalaan mo.

Isaias 64:11

tan aderal na apoy so Timplo mi, say masanto tan marakep a pasen ya angidayewan ed sika nen saman na saray lalaki mi. Aderal-deral ya amin iray pasen ya inararo mi nen saman.

Ezekiel 43:12

Sikato ya so ganggan na Timplo: Masanto ya amin iray pasen ed liber-liber na Timplo diad toktok na palandey.”

Ezekiel 5:11

“Ontan sirin, legan a mabilay ak a Dios—sikato yay salita na Katawan a Dios—andi-panangasiy pangipolisay kod sikayo lapud dinotakan yoy Timplok diad panamegley na saray kaogsan tan makapaingungot a ginagawa to.

Ezekiel 7:22

Anggapoy pibabalik no adotakan so pinablik a Timplo, no looban na saray matatakew insan da dotakan.

Levitico 15:31

Say Katawan imbaga tod kinen Moises a pasakbayan to ray totood Israel nipaakar ed inkarotak da, pian ag da nadotakan so Tulda a walad pegley na kampo. No dotakan da nepeg a pateyen ira.

Levitico 20:3

No walad sikayoy mangiter ed Moloc na sakey ed saray anak to tan dotakan toy masanton Tuldak tan ipelag ton kababaingan so masanton ngaran ko, sumpaen ko tan ag ko la ibilang a sakey ed saray totook.

Sofonias 3:4

Anggapoy kalakal, managtraidor iray propita; dodotakan na saray papari so bangatlan masanto, tan pipikeweten day ganggan na Dios, pian naala ray labay da.

Saray Bilang 19:20

Siopamay nagmaliw a marotak onung ed ganggan tan ag to linisan so sikaton dili, siansian marotak onung ed ganggan, lapud ag asiboan so laman to na danum a panaglinis. Dotakan to so Tulda na Katawan tan ag la nibilang a sakey ed saray totoo na Dios.

1 CORINTO 3:16

Ag yo ta amtan sikayoy timplo na Dios tan manaayam ed sikayo so Ispiritu na Dios?

1 CORINTO 3:18

Nepeg ya anggapoy toon tilaan toy sikaton dili. No abaloan na sakey ed sikayo a sikatoy makabat onung ed kakabatan na sankamundoan, nepeg a magmaliw a makulang-kulang, pian magmaliw a petepeteg a makabat.