1 CORINTO 2:4 - Maung A Balita Biblia

⁴ Aliwan diad panamegley na makaayayat iran balikas a nanlapud kakabatay too so inkanak ed impansalitak tan impanpulong ko, no ag ingen diad panamegley na paneknek na Ispiritu tan say pakayari na Dios.

Maung a Balita Biblia

⁴ Aliwan diad panamegley na makaayayat iran balikas a nanlapud kakabatay too so inkanak ed impansalitak tan impanpulong ko, no ag ingen diad panamegley na paneknek na Ispiritu tan say pakayari na Dios.

1 CORINTO 2:4 Iomraidhean Croise

Probirbio 20:19

Say managtalabutob ag balut makaamut. Arawian mo ray totoon mapalalon malabir.

Probirbio 7:21

Atukso tod limgas to tan atanggoyur tod panamegley na malamlamuyot a panagsalita to.

Jeremias 20:10

Narerengel koy paneesaesan na saray karaklan, “Makapataktakot ed anggan iner a pasen! Kanyan idalem tayod saray makankanepegan!” Anggan saray kakaarok a malet aalagden day kapelag ko. “Angangko nayarin palikdoen,” kuanda; “naerel tayo sirin tan makabawi tayo.”

Ezekiel 13:6

Tila ray pasingayew tan saray pasakbay da. Ibabaga ra a saray salitak so ibabawag da, balet diad tuay tua ag ko ra imbaki. Balet iilaloan dan ontua ray salita ra.

Saray Gawgawa 20:27

Ta imbagak ed sikayoy amin a linaway Dios.

Saray Gawgawa 26:28

Inkuanen Agripa ed kinen Pablo, “Diad sayan tikey na panaon, inisip mo amon napagmaliw mo ak a Cristiano!”

Saray Taga Roma 15:13

Say Dios a manangiter na ilalo panoen to kayo komuy liket tan kareenan lapud pananisia yod sikato, pian ombiskeg so ilalo yo diad panamegley na pakayariy Ispiritu Santo.

Saray Taga Roma 15:19

say pakayari da ray tanda tan milagro, tan say pakayari na Ispiritu Santo. Kanyan diad impambiahik nanlapud Jerusalem ya anggad Ilirico, nipulong ko lan sigput so Maung a Balitan nipaakar ed Cristo.

Saray Taga Roma 16:18

Saratan a klasiy totoo et ag da panlilingkuray Criston Katawan tayo, no ag say dilin pilalek da. Lapud malamlamuyot tan masamsamit a pananalita ra, ibabalang da so kanunotan da ray totoon mainomay a natanggoyur.

1 CORINTO 1:17

Ta si Cristo ag to ak imbaki a maminyag, no ag ingen mangipulong, na Maung a Balita. Mampupulong ak, aliwan diad panamegley na panagsalitan manlapud kakabatan na sankamundoan, pian ag naekalay pakayari so impatey nen Cristo ed krus.

1 CORINTO 2:1

Agagi, nen linma ak ditan a mangipulong ed sikayo na niamut a katwaan na Dios, ag ko inkanay araralem iran salita odino atatagey a kakabatan.

1 CORINTO 2:13

Kanyan diad pampapaliwawa miy maispiritun katwaan ed saray totoon walad sikaray Ispiritu, ag mi ikakana ray salitan ibabangat na kakabatay too, no ag ingen saray salitan ibabangat na Ispiritu.

1 CORINTO 4:20

Ta say Panarian na Dios aliwan diad salita, no ag diad pakayari.

2 CORINTO 6:6

Impaamta min kumikimey kamiy Dios diad panamegley na malinis a panagbilay, diad kakabatan, anos, tan panangasi; ontan met diad panamegley na Ispiritu Santo, matwan panangaro,

TAGA GALACIA 1:10

Say labay to ya kasin ibaga et aanapen koy pangidayew na too? Andi! Say pangidayew na Dios so aanapen ko. Aanapen ko kasiy pamaliket kod too? Na sayay anapen ko, aliwa ak komun a manepeg ya aripen nen Cristo.

COLOSAS 2:4

Ibabagak ya, pian ag kayo nibalang na anggan siopa, diad panamegley na makaayat a pananalita.

1 TESALONICA 1:5

Ta say Maung a Balita et impulong mid sikayo aliwan diad panamegley na salita labat, no ag ingen nantekep na pakayari, tan diad tulong na Ispiritu Santo, tan ag min balut nanduaruwaan so katwaan to. Anengneng yo no panoy impanbilay mi nen wadtan kami. Ginawa mi man a pankaabigan yo.

1 Pedro 1:12

Nen ipakabat na saray propita ira yan katwaan a nadngel yo natan, impaamta na Dios ed sikara ya aliwan para kaabigan da so kimey da, no ag ingen para sikayo. Saray managpulong na Maung a Balita imbabaga rad sikayo ra yan katwaan, tan nampupulong iran napnoy pakayariy Ispiritu Santo a nibakin nanlapud tawen. Anggan saray anghil ed tawen nampilalekan da a natalusan ira yan katwaan.

2 Pedro 1:16

Nen impaamta mid sikayoy nipaakar ed pakayari tan say ipawil na Katawan tayon Jesu-Cristo, ag mi inagamil iray andi-kakanaan a tongtong na saray totoo. Naimatunan miy atagey a kipapasen to

2 Pedro 2:18

Mapaatagey irad pananalita, balet anggapoy kabaliksan so ibabaga ra. Ikakana ray maoges iran liket na laman, pian napapawil dad kaogsan iray niniarawiy daiset ed saray totoon pikewet so kabibilay da.

Saray Huis 14:15

Diad kumapat ya agew inkuandad samay asawa nen Samson, “Palikdom so asawam ya ibaga tod sika so ebat na samay pabitla to. No ag ka, poolan miy abung nen amam legan a wala kad dalem. Sikamiy inimbitaan yon dua, pian natakewan yo kami, anto?”

Saray Huis 16:5

Linmad samay bii iray limaran arari na saray Filisteo tan kuanda, “Tanggoyur moy Samson ya ibaga tod sika no akin et mabisbiskeg tan no panon min natalo, nabalur, tan napagmaliw min anggapo lay nagawaan to. Balang sakey ed sikami et itdan mi kad satan na sanlibo tan sanlasus a kuartan pilak.”