1 CORINTO 15:32 - Maung A Balita Biblia

³² No say getmay too labat so makasengeg na impilaban ko diad Efeso, a singa ak milalaban ed masebesebeg iran ayayep, antoy nagunggonak? No ag met lamlamang naolid bilay iray inaatey, lalon maung nin onuren tayo may kuanda, “Mangan tan oninom itayo, ta nabwas ompatey itayo.”

Maung a Balita Biblia

³² No say getmay too labat so makasengeg na impilaban ko diad Efeso, a singa ak milalaban ed masebesebeg iran ayayep, antoy nagunggonak? No ag met lamlamang naolid bilay iray inaatey, lalon maung nin onuren tayo may kuanda, Mangan tan oninom itayo, ta nabwas ompatey itayo.

1 CORINTO 15:32 Iomraidhean Croise

Say Libro nen Job 35:3

odino tepeten mod Dios, “Antoy walad sika no mankasalanan ak? Anggapoy kaabigan a nalak diad ag ko impankasalanan.”

Saray Salmo 73:13

Anggapoy kakanaan sirin so impansiansiak a malinis tan anggapoy kasalanan?

Ecclesiastes 11:9

Tobun-balo, manliket kayo legan a wala kayo nid kalangweran. Gawa yo labat so labay yo tan tombuk yoy kaliktan yo. Balet nunot yo a say Dios sintinsiaan to kayod saray amin a gagawaen yo.

Ecclesiastes 2:24

Say sankaabigan a gawaen na sakey a too et say pangan, iyinom, tan say panliket tod saray nansagputan to. Balet abirbir ko met ya anggan saya et nanlapud Dios.

Isaias 22:13

Balet naneelek tan nanliliket kayo la laingen. Nampapatey kayo na saray karniro tan saray baka a kinakakan yo, tan naniinom kayo na alak. Inkuanyo, “Maung la laingen no mangan tan maninom tayo, ta nabwas ompatey itayo.”

Isaias 56:12

Sarayan bueken kuanda, ‘Mangala tayoy alak tan maninom tayoy laba-labay tayo! Nabwas lalon maliket tayo, ta dakel niy alak a nainom tayo nen say natan.’”

Lucas 12:19

Insan ikuankod siak a dili, Mapalpalar ka, ta ag ka la onkulang ed amin a nakaukolan mod pigapigan taon. Natan, nayarian mo lay manliket, mangan, tan oninom ya anggapoy pagpagam!’

Lucas 9:25

Antoy nagonggona na sakey a toon nakayaryan toy intiron mundo, no naderal o naandi lamlamang so bilay to?

Saray Gawgawa 18:19

Kasabi rad Efeso, tinaynan nen Pablo ra may duara, ta linmoob ed sinagoga tan akipalinewan ed saray Judio.

Saray Gawgawa 18:21

Anggaman ontan, inkuantod sikara nen onsisiput la, “Ompawil ak dia, no linaway Dios.” Tinmaynan ed Efeso tan linmogan ya ombaliw ed dayat.

Saray Gawgawa 19:1

Leleg a walad Corinto si Apolos, dinmalan si Pablo ed saray nipokdul a pasen tan sinmabid Efeso. Wala ray nalmo tod man a pigaran disipulo,

Saray Taga Roma 3:5

Balet antoy kuan tayo, no say panggagawa tayoy kaogsan so lalon mangipatnag a matonung so gagawaey Dios? Ibaga ti kasin makapoy so gagawaey Dios no dusaen to itayo? (Mansasalita ak dia a singa panangibagay too.)

Saray Taga Roma 6:19

Mainomay iray salitan ikakanak, ta mairap kin makatalus. No inyabuloy yo ray kabyangay laman yo a nikana ra ed karotakan tan ompapalalon kaogsan, ontan met natan, isaklang yoy intiron laman yo ya aripey katonungan tan nikana ed matonung a kipaakaran.

1 CORINTO 16:8

Balet getmak so manayam diad Efeso, anggad agew na Pinticostis.

TAGA GALACIA 3:15

Agagi, ikanak so alimbawan kabkabat na karaklan a totoo. No pinirmaan lay sakey a sipanan, anggapo lay makaderal ed satan a sipanan, tan ag met la nayarin aruman so insulat.

2 Pedro 2:12

Balet sarayan totoo et singa ra atap ya ayayep ya anggapoy kalakal, tan nianak iran eerelen tan papateyen. Dederalen da ray ag da natalusan. Kanyan naderal iran singa atap ya ayayep.

Judas 1:10

Balet lelemlemewen na sarayan totoo iray bengatlan ag da natatalusan. Saray bengatlan amta ra lapud inkatoo ra, a singa saray amtay ayayep ya atap, so mandederal ed sikara met lamlamang.