1 CORINTO 14:1 - Maung A Balita Biblia

¹ Pampirawatan yo sirin so aro. Pampelengan yo ray maispiritun langkap, nagkalalo lad pampulong na salitay Dios.

Maung a Balita Biblia

¹ Pampirawatan yo sirin so aro. Pampelengan yo ray maispirtun langkup, nagkalalo lad pampulong na salitay Dios.

1 CORINTO 14:1 Iomraidhean Croise

Probirbio 15:9

Kabosul na Katawan so kagagawa da ray totoon maoges, balet inaro to ray manggagaway kaptekan.

Probirbio 21:21

Mambilay kan mapangasi tan maptek, et andokey so bilay mo; pagalangan ka na arum a totoo tan ag da ka saolen.

Isaias 51:1

Say Katawan kuanto, “Dengel yo ak, sikayon malabay a nilaban, sikayo ran onsisingger ed siak ya onkerew na tulong. Nunot yoy baton-dampay a nanlapwan yo, say panagtabasan na bato ya akatabasan ed sikayo.

Saray Taga Roma 12:6

Kanyan ikana tayo ray langkap ya inter na Dios ed sikatayo, onung ed baleg a panangaro to. No say langkap na Dios ed sikatayo et say panagpulong na salita to, mampulong itayo, onung ed pananisian inter tod sikatayo;

Saray Taga Roma 14:19

Kanyan nepeg tin panseetan a gawaen iray makapangiter na kareenan tan makapabiskeg na sakey tan sakey.

Saray Taga Roma 9:30

Antoy ibaga tayo sirin ey? Saya: saray Hintil, anta ag da aanapey pakapaandi na kasalanan dad arap na Dios, apaandian iray kasalanan diad panamegley na pananisia.

1 CORINTO 12:1

Natan, ipaliwawak ed sikayo ray nipaakar ed saray langkap na Ispiritu Santo. Agagi, labay kon malinew ed sikayon amin ira ya.

1 CORINTO 12:31

Pampilalekan yo sirin iray lalon manonan langkap. Balet iparontal kod sikayo niy sankaabigan ed amin.

1 CORINTO 13:13

Mansiansia ra yan talo: say pananisia, ilalo, tan aro; balet say aro so sankabalgan ed saraya.

1 CORINTO 13:2

Anggaman a naitdan ak na pakayarin mampulong na salitay Dios; anggaman a walad siak so kakabatan tan pakatalus ed amin da ray niamut a katwaan; anggaman a walay mabiskeg a pananisiak pian nayarian kon paekalen iray palandey ed kawalaan da, no anggapo balet so arok, anggapoy kakanaan kon too.

1 CORINTO 14:22

Ontan sirin, say langkap na pakapansalitay nandoroman salita et sakey a tanda a para saray aliwan mananisia, aliwan para saray mananisia. Balet say langkap na pampulong na salitay Dios et sakey a tanda a para saray mananisia, aliwan para saray aliwan mananisia.

1 CORINTO 14:37

No nababaloan na siopaman a sikatoy managpulong na Dios o walay maispiritun langkap to, nepeg ton birbiren a saray isusulat kod sikayo et ganggay Katawan.

1 CORINTO 14:39

Kanyan, agagi, pampilalekan yoy pakapampulong yoy salitay Dios, balet ag yo sesebelay pansalitay nandoroman salita.

1 CORINTO 16:14

Amin a gawaen yo, gawa yo a katekep na aro.

TAGA-EFESO 1:3

Nagalang komuy Dios tan Ama na Katawan tayon Jesu-Cristo, ta initdan to itayo na amin a maispiritun bindision ed katawenan, lapud pikakasakey tid Cristo.

1 TESALONICA 5:20

Ag yo babalawey antokaman a bangat a nanlapud Dios.

1 Timoteo 4:14

Ag mo papaolyay maispiritun langkap a walad sika, a niiter ed sika nen nansasalita ray propita tan intapew na mamatakken ed sika iray lima ra.

1 Timoteo 5:10

kabkabat na karaklan a maung so ginagawa to, pinabaleg to ray anak to ed masimpit a panagbilay, sinasangkaili to ray anggan ag to kabat, nampaabeba diad impanlingkur tod kapara ton Cristiano, tinmutulong ed saray walad kairapan, tan insaklang toy bilay tod panggaway amin a kamaungan.

1 Timoteo 6:11

Balet sikan tooy Dios, paliisan mo ra yan amin. Seetan mon tombukey katonungan, kasantosan, pananisia, panangaro, panaganos, tan kinaoyamo.

2 Timoteo 2:22

Kanyan paliisan moy maoges iran pilalek na kalangweran. Manseet kan magmaliw a matonung, matoor, maaro, tan mambilay kan mareen, a kaibam iray totoon malinis so puso ran ontatawag ed Katawan.

Saray Hebreo 12:14

Gawa yoy anggaay nayarian yo a mikaarod amin a too tan mampasanto kayo, ta no ag ya gawaen na siopaman, ag to nanengneng so Katawan.

2 Pedro 1:7

inaagin panangasi ed inkatoor yod Dios, tan panangaro ed inaagin panangasi yo.

3 Juan 1:11

Pinablin kaarok, ag mo aaligen so maoges a kagagawa; say maung so alig mo. Say toon manggagaway kamaungan et kayaryan na Dios, balet say toon manggagaway kaogsan et ag to anengneng so Dios.

1 Samuel 10:5

Insan ka onla ed Pokdul na Dios diad Gabaa a kawalaay sakey a kampo da ray Filisteo. Kaloob mod baley, naabet moy sakey ya olup na saray propita ya onleleksab iran nanlapu ed altar a walad toktok na pokdul. Manotogtog ira na saray arpa, tambul, plauta, tan saray saltirio. Mansayaw-sayaw tan maneeyag-eyag ira.