1 CORINTO 13:7 - Maung A Balita Biblia

⁷ Say aro et ag balut onsuko, tan ag balut naandian na pananisia, ilalo, tan anos.

Maung a Balita Biblia

⁷ Say aro et ag balut onsuko, tan ag balut naandian na pananisia, ilalo, tan anos.

1 CORINTO 13:7 Iomraidhean Croise

Genesis 29:20

Nanlingkur sirin a pitoy taon si Jacob pian naasawa toy Raquel, balet singa pigpigaran agew imay pitoy taon, lapud panangaro tod kinen Raquel.

Say Libro nen Job 13:15

Nakal lamlamang so ilalok, kanyan anggapoy wala ed siak anggan pateyen ak na Dios. Isangsang kon siansia so katonungan ko ed arap to.

Saray Salmo 119:66

Itdan mo ak pay kakabatan tan pakatalus, ta manmamatalek ak ed saray ganggan mo.

Probirbio 10:12

Say bosul manangigapoy golo, balet say aro manamaandiy amin a kasalanan.

Mateo 10:22

Lapud itotombuk yod siak, bosulen kayoy amin a totoo. Balet nilaban so toon mansiansian anggad kasamputan.

Marcos 9:23

Inkuanen Jesus, “On, no sikan dili et nayarian mo! Siopamay manisia, nayarian ton gawaey amin a bengatla.”

Saray Taga Roma 15:1

Sikatayo ran mabiskeg ed pananisia nepeg tin tulongan iray makapoy ed pananisia diad panakbat dad saray pakabebelatan da. Ag tayo nepeg a paliketen so sikatayon dili.

Saray Taga Roma 8:24

Lapud ilalo nilaban iti la. No nanenengneng tiy iilaloan tayo, aliwan petepeteg ya ilalo. Siopay manilalo nid nanenengneng to la?

1 CORINTO 13:4

Say aro maanos tan mapangasi; aliwan maimon, o mapasirayew, o mapaatagey;

1 CORINTO 9:12

No saray arum et walay onyan kanepegan dad sikayo, ag kasi nagkalalod sikami? Balet ag mi ya inkanan kanepegan. Intepel mi ingen iray amin a bengatla, pian ag kami makapangyay makasbel ed ikayat na Maung a Balitan nipaakar ed Cristo.

TAGA GALACIA 6:2

Mantutulongan kayod saray sasakbaten yo, tan diad ontan naonur yoy ganggan nen Cristo.

Deuteronomio 1:9

Inkuanen Moises ed saray totoo, “Nen wala itayo nid man ed Palandey na Sinai, inkuankod sikayo, ‘Ag ko la nayarian a gawaen a bokur so pangipangulod sikayo.

Deuteronomio 22:27

Samay laki et pinasoot tod alog so biin akisipanan lan miasawa, et anggan inmeyag a kinmerew na tulong imay bii, anggapoy makatulong ed sikato.

2 TESALONICA 1:4

Kanyan sikamin dili ikikinun mi kayod saray iglisiay Dios, lapud pansiasiansiay tepel tan pananisia yo, anggaman a dakel iray segsegang tan kairapan a liliknaen yo.

2 Timoteo 2:24

Ag nepeg a mikolkol so kumikimey na Katawan, no ag ingen nepeg a mapangasid amin a katoowan, maung a mambangat, maanos,

2 Timoteo 3:11

Amtam so impanpapairap dad siak, ontan met ed impantetepel koy kairapan diad Antiokia, Iconio, tan Listra. Balet diad amin da ra ya, inyagel ak na Katawan.

2 Timoteo 4:5

Balet nepeg a maadya ka lawas. Itepel mo ray kairapan ya onsabid sika. Gawam so kimey na sakey a managpulong na Maung a Balita, tan say amin a kimey na sakey a managlingkur na Dios.

Saray Hebreo 13:13

Kanyan onla itayod sikato diad paway na kampo tan minabang ti met ed kababaingan to.

Santiago 1:12

Maliket so toon mansiansian matoor anggaman a wala ray subsubok ya onsabid sikato, ta no nilabas to ra awaten toy tumang, salanti say bilay ya insipay Dios ed saray mangaarod sikato.

1 Pedro 2:24

Diad impatey nen Cristo ed tagey na krus, sinakbat tod laman to ray kasalanan tayo, pian taynan ti lay kasalanan tan mambilay ti la onung ed linaway Dios. Inmabig kayo diad panamegley na saray sugat to.

1 Pedro 4:8

Manonad amin, manaarowan kayon maung, ta sakuban na aro so dakerakel a kasalanan.