1 CORINTO 12:2 - Maung A Balita Biblia

² Amta yo a nen aliwa ki nin mananisia, tinmotombuk kayod saray ag makasalitan talintaoy diriyos a lawas angibabalang ed sikayo.

Maung a Balita Biblia

² Amta yo a nen aliwa ki nin mananisia, tinmotombuk kayod saray ag makasalitan talintaoy diriyos a lawas angibabalang ed sikayo.

1 CORINTO 12:2 Iomraidhean Croise

Saray Salmo 115:5

Walay sangi ra, balet ag ira makasalita; walay mata ra, balet ag ira makanengneng.

Saray Salmo 115:7

Walay lima ra, balet ag ira makabemben; walay sali ra, balet ag ira makaakar; ag da anggan napaungol so kolukolung da.

Saray Salmo 135:16

Walay sangi ra, balet ag ira makasalita; walay mata ra, balet ag ira makanengneng.

Isaias 46:7

Sasakbaten tan aawiten da; ililira rad sakey a pasen, tan manalagey diman, ag makaalis ed kawalaan to. No walay mampikasi ed sikato ag makaebat odino makapangilaban ed gunigon to.

Jeremias 10:5

Saratan a talintaoy diriyos et singa ra totoon panagabul na saray manok ed katrigowan; tan ag ira makasalita; nakaukolan a sakbaten ira ta ag ira makaakar. Ag kayo natatakot ed sikara: ag da kayo nayarin pasakitan, tan anggapoy niiter dad sikayon kaabigan.”

Mateo 15:14

Paolyan yo ra labat. Bulag iran manangiwanwan; et no itabin na bulag so kapara ton bulag, napelag iran duad banawang.”

1 CORINTO 6:11

Ontan met iray arum ed sikayo nen saman. Balet naorasan ki lad kasalanan yo; apasanto ki lad Dios; nibilang ki lan anggapoy kasalanan ed arap na Dios diad panamegley na ngaran na Katawan tayon Jesu-Cristo tan lapud Ispiritu na Dios tayo.

TAGA GALACIA 4:8

Nen ag yo ni kabat so Dios, aripen kayo ni na saray aliwan diriyos.

1 TESALONICA 1:9

Sikara lan diliy mangibabalita no panoy impangawat yod sikami, tan no panoy impangibeneg yod panaglingkur ed saray talintaoy diriyos, pian makapanlingkur kayod tua tan mabilay a Dios.

Tito 3:3

Ta nen saman makulang-kulang itayo met, benger, tan apalingo. Naaripen itayoy maoges a pilalek na laman tan minumundo ran likeliket. Nambilay itayon maoges so kanunotan, maimon itayo; binobosul da itayo tan binobosul tayo ra.

1 Pedro 1:18

Amta yo no antoy impanondon ed sikayo ed andi-kakanaan a kabibilay a tinawir yod saray lalaki yo. Say impanondon ed sikayo et aliwan bengatlan naderal, a singa say balituk, o pilak,

1 Pedro 4:3

Duga la may panaon a dinarak yo nen saman diad impanggagawa yoy labalabay a gawaen na saray Hintil; mabambanday a kagagawa, maoges a pilalek na laman, panagbuanges, alablabas a panagliket, panaginom na sankakaaro, tan say makarimdimlan panagdayew ed saray talintaoy diriyos.