1 CORINTO 11:4 - Maung A Balita Biblia

⁴ Kanyan say lakin akapandung no mampikasi o mampulong na salitay Dios, pabaingan toy Cristo.

Maung a Balita Biblia

⁴ Kanyan say lakin akapandung no mampikasi o mampulong na salitay Dios, pabaingan toy Cristo.

1 CORINTO 11:4 Iomraidhean Croise

2 Samuel 15:30

Tinmatdang si David ed Palandey na Kaolibaan; manakakis, akasali-sali tan sinakbungan toy olo to a pangipanengneng toy ermen to. Sinakbungan met na amin a totoo to so olo ra tan manakakis met ira.

2 Samuel 19:4

Sinakbungan na ari so lupa to tan inmeyag na maksil, “O anak ko! Anak kon Absalom! Absalom ya anak ko!”

Mikias 7:6

Diad sarayan panaon saray lalakin anak et ipapasen dan makulang-kulang iray kaamaan da, sumpaen na saray bibii so kainaan da, tan kolkolen na saray malangwer a bibii iray katolangan dan bibii; saray kalaban na sakey a laki et saray dilin kabyangan na pamilya to.

Saray Gawgawa 13:1

Wala ray propita tan mamaistro ed iglisiay Antiokia, a singa di Bernabe, Simeon ya apangaranay Negro, Lucio a taga Cirene, Manaen a kaogawan nen Herodes a gobirnador, tan Saulo.

1 CORINTO 11:14

Ag kasi natural a mabanday ed laki so mamparokey na buek?

1 CORINTO 11:5

Say biin ag akapandung a mampikasi o mampulong na salitay Dios, pabaingan toy asawa to; singa biin kiskis so olo to.

1 CORINTO 12:10

Say Ispiritu met so mangiiter ed sakey a too na pakayarin manggaway milagro; diad sananey a too, say langkap a mampulong na salitay Dios; tan diad sananey nin too, say pakayarin napambiigan to ray langkap a manlalapud Ispiritu tan saray manlalapud maoges ya ispiritu. Diad sakey a too iiter toy pakapansalitay nandoroman salita, tan diad sananey a too say pakapangipatalus ed sarayan nandoroman salita.

1 CORINTO 12:28

Impasen na Dios ed iglisia, onona, saray apostol; onkumadwa, saray propita; onkumatlo, saray bumabangat. Insan impasen to ray managgawa na milagro, saray walay pakayarin mamaabig na mansasakit, saray mananulong, saray inkargado na kimey, tan saray managsalitay nandoroman salita.

1 CORINTO 13:2

Anggaman a naitdan ak na pakayarin mampulong na salitay Dios; anggaman a walad siak so kakabatan tan pakatalus ed amin da ray niamut a katwaan; anggaman a walay mabiskeg a pananisiak pian nayarian kon paekalen iray palandey ed kawalaan da, no anggapo balet so arok, anggapoy kakanaan kon too.

1 TESALONICA 5:20

Ag yo babalawey antokaman a bangat a nanlapud Dios.