1 CORINTO 10:32 - Maung A Balita Biblia

³² Mambilay kayo ya aliwan sikayoy panlapwan na pankasalanay siopaman—saray Judio, saray Grigo, o saray kabyangay iglisia na Dios.

Maung a Balita Biblia

³² Mambilay kayo ya aliwan sikayoy panlapwan na pankasalanay siopaman--saray Judio, saray Grigo, o saray kabyangay iglisia na Dios.

1 CORINTO 10:32 Iomraidhean Croise

Saray Gawgawa 20:28

Asikaso yoy sikayon dili tan amin a karniro, salanti saray kabyangay iglisia a sikaray impia ed sikayo na Ispiritu Santo. Asikaso yoy iglisia na Dios a dinondon to diad panamegley na dala ton dili.

Saray Gawgawa 24:16

Kanyan gagawaen koy anggaay nayarian ko a malinis lawas so konsinsiak ed arap na Dios tan saray totoo.

Saray Taga Roma 14:13

Ag tayo la mansisintinsiaan, no ag ingen saya lay talagan gawaen yo: ag kayo manggagaway pakatumbaan o pakapankasalanay agi yo.

1 CORINTO 1:2

Diad iglisia na Dios a walad Corinto, diad amin da ray tinawag na Dios a magmaliw a masanton totoo to, diad panamegley na pikakasakey ed Cristo Jesus, ontan met a diad saray amin a totood inerman a pasen, saray ontatawag ed ngaran na Katawan dan Jesu-Cristo a Katawan tayo met:

1 CORINTO 10:33

Gawa yoy gagawaen ko; papaliketen koy amin a katoowan tan ag ko nununotey pankaabigan ko, no ag say pankaabigan na amin pian nilaban ira.

1 CORINTO 11:22

Anggapo tay kaabungan yon panganan tan inoman yo? Odino lalon labay yon lemlemewey iglisiay Dios tan pabpabaingan iray mairap-bilay? Antoy ibagak ed sikayo natan? Idayew ta kayo kasi? Andi! Ag ta kayo nepeg ya idayew ed sayan gagawaen yo!

1 CORINTO 12:28

Impasen na Dios ed iglisia, onona, saray apostol; onkumadwa, saray propita; onkumatlo, saray bumabangat. Insan impasen to ray managgawa na milagro, saray walay pakayarin mamaabig na mansasakit, saray mananulong, saray inkargado na kimey, tan saray managsalitay nandoroman salita.

1 CORINTO 15:9

ta sankaabebaan ak ed saray apostol, ag ak ingen manepeg a tawagey apostol, ta pinapairap koy iglisia na Dios.

1 CORINTO 7:17

Nepeg a mambilay so balang sakey ed sikayo onung ed langkap na Katawan ed sikato tan onung ed kipapasen to nen tawagen na Dios. Onyay ibabangat kod amin ya iglisia.

1 CORINTO 8:13

Kanyan no kakanen so makasengeg na pankasalanan na agik, ag ak lan balut mangan na karni, pian ag ko la nalagyat a mankasalanan so agik.

2 CORINTO 1:1

Sayan sulat nanlapud kinen Pablo ya apostol nen Cristo Jesus lapud linaway Dios, tan nanlapu met ed agi tayon si Timoteo— Diad iglisia na Dios a walad Corinto, tan diad saray amin a totoon pinili na Dios a wala rad sakop na intiron Acaya:

2 CORINTO 6:3

Ag kami manggagaway antokaman a pakapankasalanay siopaman, pian ag nabalaw so kimey mi.

TAGA GALACIA 1:13

Abalitaan yo no panoy impambilay ko nen mabiskeg ak a kabyangay rilihion da ray Judio, no panoy impanpapairap kon andi-panangasi, tan no panoy impanggagawak na anggaay nayarian kon maneral ed iglisiay Dios.

FILIPOS 1:10

pian napili yoy sankamaungan ed amin a bengatla. Diad ontan nasabian kin malinis tan anggapoy pakabalawan no Agew nen Cristo.

FILIPOS 3:6

Tan lapud seseg ko, pinapairap koy iglisia. No nipaakar met ed pakapatonung na too, onung ed panangonur ed Ganggan, anggapoy pakabalawan ed siak.

1 TESALONICA 2:14

Say nagagawad sikayo, agagi, et kapara to may agawad saray iglisiay Dios a walad Judea, diad saray totoon wadman a manmamatalek ed Cristo Jesus. Papairapen kayo ray dilin kabandaan yo, a singa saray taga Judea a pinasegsegang na saray kapara ran Judio.

1 Timoteo 3:15

pian no bilang ta naabala ak tan ag ko makakar ditan a tampol, amtam no antoy nepeg a gawaey sakey a too ed pikakabyangan tod pamilyay Dios, salanti say iglisia na mabilay a Dios. Sayan iglisia et sikatoy lusek tan pundasion na katwaan.

1 Timoteo 3:5

Ta panon a maung so pangipanguloy sakey a too ed iglisia, no ag to amtan asikasoen so dilin pamilya to?

Ruth 3:14

Kanyan dinmokul ed saliyan nen Booz anggad kabwasan. Lapud ag labay nen Booz a walay makaamta a si Ruth et nanlapud man ed panagilikan, pinabangon to la nen ambilonget ni pian anggapoy makabirbir ed sikato.