1 CORINTO 10:23 - Maung A Balita Biblia

²³ Walay mangikuan, “Nayarian kon gawaey antokaman.” On, balet aliwan amin et maung. “Nayarian kon gawaey antokaman.” On, balet aliwan amin et makatulong.

Maung a Balita Biblia

²³ Walay mangikuan, Nayarian kon gawaey antokaman. On, balet aliwan amin et maung. Nayarian kon gawaey antokaman. On, balet aliwan amin et makatulong.

1 CORINTO 10:23 Iomraidhean Croise

Saray Taga Roma 14:15

No napasakitan moy agim lapud bengatlan kanen mo, sumlang lad panangaro so gagawaen mo. Inatey para agim si Cristo, kanyan nepeg ya ag mo dederaley agim lapud bengatlan kanen mo!

1 CORINTO 14:12

Bangta pampilalekan yoy pakagamur yo ray maispiritun langkap, pampelengan yon maung iray langkap a makapabiskeg ed iglisia.

1 CORINTO 14:17

Maung a tua so pisasalamat mod Dios, balet ag to napabiskeg so maispiritun bilay na arum a too.

1 CORINTO 14:26

Anto sirin so labay kon ibaga ed sarayan amin, agagi? Diad pantitipon yo a mangigalang, walay manganta, walay mambangat, walay mangipaamta na puyan na Dios, wala met so mansalitay nandoroman salita, tan walay mangipatalus ed sarayan salita. Gawa yo ray amin a bengatlan makapabiskeg ed iglisia.

1 CORINTO 6:12

Walay mangibaga, “Nayarian kon gawaen so anggan anto.” On, nayari, balet aliwan amin et pankaabigan yo. Nayarian ko met ya ibaga, “Nayarian kon gawaen so anggan anto”; balet ag ak paoleyan ed anggan anto.

1 CORINTO 8:1

Onya met so nibagak, nipaakar ed kakanen ya imbagat ed saray talintaoy diriyos. Amta tayon “walay pakaamta tayon amin.” Say pakaamta pagmaliwen ton mapaatagey so too; balet say aro mamabiskeg.

1 CORINTO 8:9

Balet manalwar kayo, ta ompan lapud nayarian yoy mangan na antokaman et saya so makasengeg na pankasalanan da ray makapoy ed pananisia.

2 CORINTO 12:19

Abaloan yo lagi, nanlapud gapo ya anggad natan, iyaagel miy sikamin dili ed arap yo. Andi! Mansasalita kami diad arap na Dios onung ed labay nen Cristo. Amin a gagawaen mi, inararon agagi, et pankaabigan yo.

TAGA-EFESO 4:29

Ag kayo mansasalitay maoges. Nepeg a makatulong so pananalita yo, makapabiskeg, tan makapangiter na nakaukolan, pian napinabangan na saray ondengel.

1 TESALONICA 5:11

Kanyan ituloy yoy mansisimbawaan tan mantutulongan, a singa gagawaen yo natan.

1 Timoteo 1:4

Ibagam met ed sikara ya ag da la panaabalaay oras iray tongtong ya andi-kakanaan tan andorokey a listaan na kangaranay inmonan lalaki, ta panlapwan ira labat na sangsangan. Sakey ni, ag ira makatulong ed iyaligwas na planoy Dios, a nakabatay too diad panamegley na pananisia.