1 CORINTO 10:22 - Maung A Balita Biblia

²² Labay tayo kasin pangimoney Katawan? Mabiskeg itayo ta nen say sikato?

Maung a Balita Biblia

²² Labay tayo kasin pangimoney Katawan? Mabiskeg itayo ta nen say sikato?

1 CORINTO 10:22 Iomraidhean Croise

1 Saray Arari 14:22

Nankasalanan ed Katawan iray totood Juda tan lalon maoges iray ginagawa ra nen saray ginagawa da ray lalaki ra. Sikaray akasonglur na baleg a pasnuk na Katawan ed sikara.

Say Libro nen Job 9:4

Ontan lay kakabatan tan biskeg na Dios; anggapoy makasumlang ed sikato.

Saray Salmo 78:58

Pinasanuk day Dios lapud saray paganon pasen a panangigalangan, tan pinapetang dan maung so olo to lapud saray talintaoy diriyos da.

Exodo 20:5

Ag ka ondadakmomo odino mangigagalang ed saraya, ta siak, say Katawan a Dios mo, et maimon ak. Dusaen ko ray mamosul ed siak tan saray kabyangay boleg da ya anggad kumatlo tan kumapat a kailalakan.

Exodo 34:14

“Ag kayo mangigagalang ed arum a diriyos ta siak a Katawan et maimon ak a Dios.

Ecclesiastes 6:10

Amin a nagagawa natan et abayag lan nigetar nen saman nin panaon, tan amta tayo a say too et ag nayarin misangsangan ed mabiskeg nen say sikato.

Isaias 45:9

Makasopyat kasiy banga ed nanggawad sikato, say banga ya iyaliling to ray arum? Nayari kasin tepeten na banga no antoy gagawaen na dumadamilid sikato? Nayari kasin manriklamoy banga ya aliwan marunong so nanggawad sikato?

Jeremias 44:8

Akin et pampapasnuken yo ak diad pangigagalang yod saray talintaoy diriyos tan diad pangibabagat yod saray arum a diriyos diad Egipto a nila yon panaayaman? Gagawaen yo ya a paneral ed sikayon dili, pian ludlureyen kayo na amin iray bansa diad tapew na dalin tan ikana ray ngaran yo a sakey a samba?

Jeremias 7:19

Balet siak kasiy napapasakitan da? Andi, say sikaran dili so papasakitan da, tan ipepelag day sikaran dili ed kababaingan.

Ezekiel 22:14

Abaloan mo wala niy nakdaan a biskeg na linawam odino wala niy biskeg mon mangitagey na limam no dusaen ta ka? Siak a Katawan so nansalita, tan totooren koy imbagak.

Sofonias 1:18

Diad agew a pangidapoy Katawan na pasnuk to, ag ira nilaban na anggan amin a pilak tan balituk da. Deralen na apoy na sanuk to so intiron mundo. Bigla ton panganggaen so balang sakey a manaayam ed tapew na dalin.

Deuteronomio 32:16

Lapud impangigalang dad saray arum a diriyos angimon so Katawan; akapasnuk lapud saray ginagawa ran kaogsan.

Deuteronomio 32:21

Lapud saray talintaoy diriyos da pinapetang day olok; pinaimon da ak lapud saray ipapasen dan diriyos da, saray aliwan peteg a diriyos. Kanyan ikanak so sakey a paganon bansa a mamapetang na olo ra; paimonen ko ra lapud sakey a bansan makulang-kulang iray totoo to.

Deuteronomio 4:24

lapud maimon tan singa manliub ya apoy so Katawan a Dios yo.

Deuteronomio 6:15

No mangigalang kayod arum a diriyos, ondalang a singa apoy so pasnuk na Katawan ed sikayo tan sigput to kayon pateyen, ta say Katawan a Dios yo a kaolup yo et maimon.

Saray Hebreo 10:31

Makapataktakot so napelag ed limay Dios a mabilay!

Josue 24:19

Inkuanen Josue ed saray totoo, “Balet ompan ag yo nayarian a panlingkuran so Katawan? Sikato so masanto a Dios tan ag to pirdonaen iray kasalanan yo. Maimon a Dios