1 CORINTO 10:18 - Maung A Balita Biblia

¹⁸ Imano yo pa ray Israelita: ag ta minanabang ed panlilingkur ed Dios diad altar iray mangakay imbagat?

Maung a Balita Biblia

¹⁸ Imano yo pa ray Israelita: ag ta minanabang ed panlilingkur ed Dios diad altar iray mangakay imbagat?

1 CORINTO 10:18 Iomraidhean Croise

Levitico 3:11

Say parin mangibabagat poolan to ra yan amin ed tapew na altar a sakey a bagat a popoolan ed Katawan.

Levitico 7:6

Siopamay lakin kabyangan na pamilyay pari et nayarian toy mangan ed sayan bagat, balet nepeg a kanen ed sakey a masanton pasen, lapud masanton tuloy yan bagat.

Levitico 7:7

Walay sakey a totontonen a nepeg a sumpalen ed pangisaklang na bagat a para kasalanan tan diad bagat a pambayar: say karni kayaryan na pari ya angibagat.

Saray Taga Roma 1:3

et nipaakar ed Anak na Dios a si Jesu-Cristo a Katawan tayo. No nipaakar ed inkatoo to, sikatoy nianak a kabyangay boleg nen David;

Saray Taga Roma 4:1

Anto sirin so nibaga tayon nipaakar ed kinen Abraham a sengeg na boleg tayo? Antoy agamuran to?

Saray Taga Roma 4:12

Ontan met a sikatoy ama da ray asegat, aliwan lapu labat ta asegat ira, no ag lapud anisia ran singa si Abraham kasakbayan ya asegat.

1 CORINTO 9:13

Ag yo ta kabat a saray manlilingkur ed Timplo et diad Timplo met so pangaalaan day kakanen da, tan saray mangibabagat ed altar et minanabang irad saray ibabagat?

TAGA GALACIA 6:16

Diad amin a mambibilay onung ed sayan totontonen, tan pati amin a totooy Dios—nawalaan ira komuy kareenan tan panangasiy Dios!

Deuteronomio 12:17

Ag yo kakanen ed pasen a panayaman yo so dinan man ya ibagat yod Katawan: saray kakaplo na trigo yo, say alak yo, odino say larak na oliba yo, odino saray besag ya anak na saray baka tan saray karniro yo, saray rigalon isipan yon iter ed Katawan, saray bagat yon manlapud mabolus a linawa, odino saray arum a bagat.

Saray Hebreo 13:10

Saray paparin manlilingkur ed panangigalangan da ray Judio et anggapoy kanepegan dan mangan ed saray bagat diad altar tayo.