1 CORINTO 10:1 - Maung A Balita Biblia

¹ Labay kon nunoten yo, agagi, no antoy agawa ed saray lalaki tayo a tinmombuk ed kinen Moises. Tinarungan iran amin na lorem tan binaliw dan amin so Dayat ya Ambalanga.

Maung a Balita Biblia

¹ Labay kon nunoten yo, agagi, no antoy agawa ed saray lalaki tayo a tinmombuk ed kinen Moises. Tinarungan iran amin na lorem tan binaliw dan amin so Dayat ya Ambalanga.

1 CORINTO 10:1 Iomraidhean Croise

Nehemias 9:19

Balet ag mo ra inkaindan dimad kalawakan, lapud baleg so panangasim. Ag mo pinaandi imay lorem odino samay apoy ya angiwanwan ed sikara no labi tan no agew diad impankurang da.

Saray Salmo 105:39

Tinarungan na Dios iray totoo to na lorem, tan initdan to ray apoy a nanliwawad sikara no labi.

Saray Salmo 66:6

Impagmaliw ton amagan dalin so dayat; binaliw dan inakar so ilog iray lalaki tayo. Nanliket itayod man, lapud ginawa to.

Saray Salmo 78:53

Arawi rad kaatapan nen inwanwan to ra, kanyan ag ira tinmakot; balet tinabunay dayat iray kalaban da.

Exodo 14:29

Balet nanakar iray Israelita ed amagan dalin diad imbaliw dad dayat; dinmalan irad nanleetan na duaran padir a danum.

Exodo 40:34

Insan say lorem kinobutan to may Tuldan tan pinano na kagalangan na Katawan.

Saray Bilang 14:14

ibaga rad saray totoon manaayam ed sayan dalin so ginawam. Nadngelan la na sarayan totoo a sika, Katawan, et kaolup mi ka, mabatabatar kan nanengneng no ontonda kan ompetek ed sikami, tan wala kad onaan mi ed nengneng na sakey a lusek a lorem no agew tan sakey a lusek ya apoy no labi.

Saray Bilang 33:8

Tinaynan day Pihahirot tan binaliw day Dayat ya Ambalanga diad inyakar dad kalawakan na Sur; kayari na taloy agew ya impankurang da, nankampo ra ed Mara.

Juan 4:20

Saray lalaki mi inggalang day Dios ed sayan palandey; balet sikayo ran Judio kuanyon diad Jerusalem so nepeg a pangigalangad Dios.”

Saray Taga Roma 1:13

Agagi, nepeg yon amtaen a ginetmak lan amimpiga so onlad tan, balet anggad natan walan naynay so manesebel ed siak. Labay ko met so mananggoyur ditan na saray totoo pian manisia rad Cristo, a singa impananggoyur kod saray arum a Hintil.

Saray Taga Roma 11:21

Ta no ag pinalabas na Dios iray Judio ya aliling day peteg iran sanga, ag to ka met palabasen.

Saray Taga Roma 4:11

Sikatoy sinegat a tanday impamaandi na Dios ed kasalanan to lapud pananisia to nen ag ni asegat. Kanyan si Abraham et nagmaliw a maispiritun ama na amin da ray mananisian pinaandi na Dios iray kasalanan da, anggaman ya ag ira asegat.

1 CORINTO 12:1

Natan, ipaliwawak ed sikayo ray nipaakar ed saray langkap na Ispiritu Santo. Agagi, labay kon malinew ed sikayon amin ira ya.

1 CORINTO 14:38

Say toon ag mamirbir ed saya, ag yo nepeg a birbiren.

TAGA GALACIA 3:29

No kayaryan kayo nen Cristo, kabyangan ki sirin na saray apo nen Abraham, tan tumatawir kayoy insipay Dios.

Deuteronomio 1:33

anta lawas inonaan to kayo a mananap na pasen a pankampoan yo. Pian nanengneng yoy dalanen yo, nanayam ed onaan yo a sakey a lusek ya apoy no labi tan sakey a lusek a lorem no agew.

Saray Hebreo 11:29

Lapud pananisia, binaliw na saray Israelita so Dayat ya Ambalanga a singa ra dinmalan ed amagan dalin. Balet nen saray Egipsio so dinmalan, nalner ira.

Josue 4:23

Ibaga yod sikara a say Katawan a Dios yo pinaekat toy Jordan a singa samay impamaekat tod Dayat ya Ambalanga legan tayon dinmalan.