Numero 19:2 - Manobo Western Bukidnon OT

² “Heini pa is sulunuzen he egkesuatan ku he tumana niw: Keǥiyi niw is menge Israilihanen he uwiti kew zan te sevaha he behiyan he vaka he meriǥà he wazè din sazir he wazè pa keenu meǥamit te ked-eradu.

Numero 19:2 Iomraidhean Croise

Exodus 12:5

Iyan niw pilia is menge meemahan he uyaǥen niw he senge-tuig pa is keǥurang din wey wazè din sazir, egkehimu ke kerehidu, ne egkehimu zaan emun kambing.

Isaias 1:18

Migkaǥi pa is Nengazen te, “Hendini kew, su edhusayen tew heini. Minsan sengemenu keremerik is menge salè niw, edlumpiyuwan ku heeyan su wey kew mehimu he lumpiyu.

Penhulùhulù 1:14

Mid-amur-amur zin is menge salè ku ne iring te mibeelan din heini he hiket. Inhiket din kedì heini he iyan ingkeǥuyuza kedì diyà te kegkevihag. Iring a te mid-eyuǥuwan. Impemeluya a te Nengazen ne imbeǥey e zin diyà te menge kuntada ku he kenè ku egkegaga.

Leviticus 1:10

Emun kerehidu etawa kambing is ibpemuhat te etew he iyan pemuhat he edtutungen, kinahanglan he meemahan heini he wazè din sazir.

Leviticus 1:3

Emun baka is ibpemuhat din he iyan pemuhat he edtutungen, kinahanglan he meemahan heini he wazè din sazir, ne ipemuhat din heini ziyà te ǥemawan te Tulda he Edtelevukaayan, su para zewata sikandin te Nengazen.

Leviticus 14:6

Ne egkuwaan din sikan is sevaha pa he uuyag he tagbis, kes kayu he sidru, kes merudtem he hulibis wey kes hisupu, ne ibpevudseng din haazà is langun duen te wahig he zuen duen lengesa te tagbis he midhimetayan.

Numero 19:1

Migkeǥiyan te Nengazen si Moises wey si Aaron te,

Numero 19:6

Ne egkuwa si Eleazar te tamped te kayu he sidru, sengerupung te pinemula he isupu, wey meriǥà he hiket ne idtimbag heini is langun dutun te ebinsulan he vaka.

Numero 31:21

Ne migkeǥiyan ni Eleazar he memumuhat is menge sundaru he ebpuun diyà te tebek te, “Iyan heini sulunuzen diyà te kesuǥuan he imbeǥey te Nengazen diyà te ki Moises:

Deuteronomio 21:3

Ne zutun haazà is ebpemendumala te inged he kineuvayan te nesevukan dutun te nepatey, megkuwa sikandan te vehiyan he vaka he wazè pa iketerebahu.

1 Samuel 6:7

Ne guntaan, baal kew te veǥu he kerumata wey kuwa kew te zezuwa he vehiyan he vaka he wazè pa keenu mesengeni te eyuǥu. Ne sengeni niw te kerumata, piru kenè niw en ipezuma kes menge nati zan, kekenà, durengè niw heini ziyà te tudil.