Joel 2:27 - Manobo Western Bukidnon OT

²⁷ Ne egketuenan niw he ziyà a te keniyu te menge tig-Israel, ne iyan e zà Nengazen he Megbevayè niw ne wazè en duma pa. Ne sikiyu is menge etew ku ne kenè kew en egkepeel-elezan minsan keenu.”

Joel 2:27 Iomraidhean Croise

Salmo 46:5

Kayi he inged ed-ubpà is Megbevayà, umbe kenà heini egkezeetan. Kenà edlanganlangan is Megbevayà para te kedtavang kayi he inged.

Salmo 68:18

Hein mibpeketikang sikandin, mahabet he menge vihag is mid-uwit din, ne midawat din is menge gasa he ebpuun diyà te menge etew, minsan is ebpuun diyà te mesinupaken kandin. Ne kayi te kenitew ed-ubpà is Nengazen he Megbevayà.

Erubasa 1:23

Mebpezumazuma kew te kedawey ku keniyu. Guntaan, egkeǥiyen ku keniyu is egkeisip ku; ibpetuenan ku keniyu is egkeǥiyen ku keniyu.

Isaias 12:6

Ugyab kew wey megkanta te kelipey, is menge etew te Jerusalem. Su mekeǥeǥehem is Waǥas he Megbevayà te Israel he iyan duma niw.”

Isaias 44:3

Su ebeǥayan ku sikew te wahig he ebpekevawì te kegkemezahi nu wey edhames te memaza he tanè nu. Ebpeulinan ku te Mulin-ulin ku is menge kevuwazan nu wey edtuvazan ku sikandan.

Isaias 44:8

Kenè kew mahandek wey kulbai. Kenè be impezayag ku en keniyu zengan is menge tuyù ku keniyu? Ne iyan kew mismu menge tistiǥus ku is menge Israilihanen. Duen pe be selakew en he Megbevayà gawas kedì? Wazè en! Wazè en netuenan ku he endilungà he vatu gawas kediey.”

Isaias 45:18

Iyan ka Nengazen, kes Megbevayà. Midlimbag nu is langit wey is kelibutan. Wazè nu himuwa is kelibutan he mehiǥawan, kekenà, mibeelan nu heini su wey meubpai. Migkaǥi ka te, “Iyan a Nengazen, ne wazè en duma pa.

Isaias 45:5

Iyan a Nengazen, ne wazè en duma; gawas kediey ne wazè en duma he Megbevayà. Ebeǥayan ku sikew te zesen minsan wazà a kenikew mekilala,

Isaias 45:6

su para metueni te menge etew kayi te tivuuk he kelibutan he wazè en duma he Megbevayà gawas kedì. Iyan a Nengazen, ne wazè en duma.

Isaias 46:9

Tentenuzi niw zaan is menge mibeelan ku zutun te nengehuna he timpu. Su iyan e zà Megbevayà, ne wazè en duma. Iyan a Megbevayà ne wazà iring kediey.

Isaias 49:23

Ebpenilbi kenikew is menge hadì wey menge rayna. Iyan sikandan ed-atur kenikew. Edluhud sikandan is edtahud kenikew, ne ebpesakup dan kenikew. Ne zutun egketuenan nu he iyan a Nengazen, ne is edsarig kediey ne kenà egkepakyas.”

Isaias 53:6

Iring kiw is langun te nengetazin he menge kerehidu; is kada sevaha kenitew ne iyan en mibeelan din is egkesuatan din. Piru iyan sikandin impaantus te Nengazen te silut he para pezem kenitew te langun.

Ezekiel 37:6

Ebeǥayan ku sikiyu te menge uǥat wey menge sapù, ne edtengesen ku sikiyu te lundis. Ebeǥayan ku sikiyu te ǥehinawa ne egkeuyag kew. Ne egketuenan niw he iyan a Nengazen.’ ”

Ezekiel 39:22

Puun dutun he timpu, egketuenan te menge etew te Israel he iyan a is Nengazen Megbevayè dan,

Ezekiel 39:28

Ne egketuenan dan he iyan a Nengazen he Megbevayè dan. Su minsan impevihag ku sikandan pehendiyà te menge nasyun, piru ed-umanan ku sikandan edtiǥuma ziyà te keugelingen dan he tanà ne wazà minsan sevaha he egkesamà.

Ezekiel 39:29

Kenè ku en sikandan ebpesegdanen su edsuǥuen ku ziyà te kandan is Mulin-ulin ku. Iyan a, is Nengazen he MEGBEVAYÀ, is migkaǥi kayi.”

Joel 2:26

Ne ǥuntaan edekelè en is keenen niw ne egkengehantey kew. Ne tenged kayi, edeliǥen a keniyu is Megbevayè niw, he mibaal te egkein-inuwan he menge vaal diyà te keniyu. Ne kenè kew en egkepeel-elezan is menge etew ku minsan keenu.

Joel 3:17

Menge tig-Juda, egketuenan niw he iyan a, is Nengazen he Megbevayè niw, mid-ubpà a ziyà te Zion he segradu he vuvungan ku. Ne egkeuman en maan egkehimu he segradu is Jerusalem; kenè ne heini ed-umanan edsurunga te menge etew ziyà te zuma he menge nasyun.

Joel 3:21

Ibpenimales ku is kebpenhimetayi te menge etew ku; edsilutan ku is mibaal kayi ziyà te kandan. Iyan a, is Nengazen, ed-ubpà diyà te Zion.”

Zefanias 3:11

“ ‘Dutun te andew te kedsilut ku, sikiyu is menge tig-Jerusalem kenè kew egkepeel-elezan tenged te langun he salà he mibeelan niw kayi te kedì. Su id-awè ku ziyà te keniyu is menge etew he menge teruen wey mepelevawen. Ne kenè kew en ed-uman ebpehambug diyà te segradu he vuntud ku.

Zefanias 3:17

Su zuma niw is Nengazen he Megbevayè niw. Iring sikandin te mekeǥeǥehem he sundaru he edlibri keniyu. Igkelipey kew zin, ne pinaaǥi te kebmahala zin keniyu ebeg-uwen din is untung niw. Egkanta sikandin wey ed-ugyab te kegkelipey tenged keniyu,

Zacarias 2:9

“Edsilutan ku iyan sikandan; edsurungen sikandan te menge uripen dan ne egkuwaan is menge azen dan.” Emun egkehitavù en heini egketuenan niw he iyan is Nengazen he Mekeǥeǥehem midsuǥù kedì, migkaǥi si Zacarias.

Numero 11:29

Piru midtavak si Moises te, “Ingkeipeng nu ve he ebpekezezaat heini te kegkepengulu ku? Emun iyan e zà ebpekevayàbayà, egkesuat a he pudu veǥayi te keǥehem te Nengazen is menge etew zin su para pudu zan mekepenagnà iring te menge ebpeneuven.”

Numero 23:21

Wazè ku naahà he kezeetan etawa kelised he egkehitavù diyà te Israel. Mibpekiduma kandan is Nengazen he Megbevayè dan; egkilelaan dan sikandin he hadì dan.

Deuteronomio 23:14

Su is Nengazen he Megbevayè niw edliǥuyliǥuy ziyà te kampu niw te kedlibri keniyu wey ibeǥey zin diyà te keniyu is menge kuntada niw. Umbe kinahanglan he lumpiyu is kampu niw su para wazè din egkaahà he kenà meupiya, su para kenè kew zin ewai.