Jeremias 26:5 - Manobo Western Bukidnon OT

⁵ wey emun kenè niw ebpemineǥen is mibpengaǥi te menge suluǥuen ku he menge mibpenaub ku, he layun ku ibpehendiyà te keniyu piru wazè niw gihapun pemineǥa,

Jeremias 26:5 Iomraidhean Croise

Jeremias 11:7

Puun pa te timpu te kebpeǥewasa ku te menge kepuun niw ziyà te Ehipto ne taman en guntaan, edsiguduwan ku en sikandan ebpetizeeni he pezumdumahi e zan.

Jeremias 7:25

Puun pa te ked-awà te menge kepuun niw ziyà te Ehipto ne taman en guntaan edsigudu ad edsuǥù diyà te keniyu te menge suluǥuen ku he ebpeneuven ku.

Jeremias 7:13

Dutun te kebeeli niw kayi te mezaat he menge vaal, edtulungan ku en sikiyu ebpetizeeni, piru wazè kew mebpemineg. Mid-umew ku sikiyu piru wazè kew medtavak.

Ezra 9:11

he imbeǥey nu kenami pinaaǥi te menge suluǥuen nu he menge ebpeneuven. Migkaǥi sikandan diyà te kenami he is tanà he zutun key ebpevayà su ed-engkenen dey, meremerik he tanà tenged te kelelalung te menge meǥinged duen. Midremerikan dan is minsan hendei he vahin kayi he tanà pinaaǥi te utew mezaat he menge vaal zan.

2 Hadì 9:7

Dezeeti nu is pemilya ni Ahab he egalen nu, su para mevelesi ku si Jezebel te kebpenhimetayi zin te menge suluǥuen ku he mibpenaub ku wey te zuma pa he menge suluǥuen ku.

Zacarias 1:6

Piru nehitavù diyà te menge kepuun niw is migkaǥi ku wey is menge petizaan he impekaǥi ku te menge suluǥuen ku he menge ebpemeneuven. Ne mid-iniyug te mezaat is menge kepuun niw he ke sikandan te, ‘Midsilutan kiw te Nengazen he Mekeǥeǥehem te ereg he vales te menge vaal tew, sumalà te pelanu zin.’ ”

Amos 3:7

Benar iyan, wazà minsan hengkey he ebeelan te Nengazen he MEGBEVAYÀ emun wazè din ikehuna ikepezayag diyà te menge suluǥuen din he menge ebpeneuven.

Ezekiel 38:17

Mibpedayun megkaǥi is Nengazen he MEGBEVAYÀ te, “Te nehuna he timpu impahayag ku pinaaǥi te ebpemeneuven diyà te Israel he menge suluǥuen ku, he ziyà te huziyan he menge andew duen edsurung diyà te Israel. Ne iyan ka ibpesavut ku he edsurung.

2 Hadì 24:2

Mibpengelinteuwan te Nengazen he surunga te menge tig-Babilonia, tig-Aram, tig-Moab, wey tig-Amon is Juda, sumalà te migkaǥi te Nengazen pinaaǥi te menge suluǥuen din he mibpenaub din.

2 Hadì 17:23

taman te impaawà sikandan te Nengazen diyà te lugar zan ne nekepekeziyù sikandan kandin, sumalà is impetizaan din kandan pinaaǥi te menge suluǥuen din he mibpenaub din. Umbe mibihag te menge tig-Asiria is menge etew ziyà te Israel ne ziyà sikandan mekeubpà taman en guntaan.

2 Hadì 17:13

Layun ebpetizeeni te Nengazen is Israel wey Juda pinaaǥi te menge ebpeneuven din wey menge menenagnà he edhenduen: “Engkezi niw en is mezaat he menge vaal niw. Tumana niw is menge suǥù ku wey menge sulunuzen he ziyà te tivuuk he Kesuǥuan he impetuman ku te menge kepuun niw ne imbeǥey ku ziyà te keniyu pinaaǥi te menge suluǥuen ku he mibpenaub ku.”

Jeremias 29:19

Su wazà sikandan mebpemineg te menge lalag ku he layun ku ibpetudtul ziyà te kandan pinaaǥi te menge suluǥuen ku he menge ebpeneuven ku, wey minsan sikiyu is nevihag en wazè kew ǥihapun mebpemineg.”

Jeremias 32:33

Mid-iniyuǥan e zan minsan layun ku sikandan ebpenurùa. Kenè dan ebpemineg wey kenè dan egkesuat he ebpenuruen.

Jeremias 35:15

pinaaǥi te menge ebpeneuven he menge suluǥuen ku. Migkeǥiyan kew zan te, ‘Engkezi niw en is mezaat he menge kineiya niw, ne veǥuwa niw en is menge vetasan niw, ne kenè kew en azap wey penilbi te zuma he menge ed-ezapen. Ne pengungubpaan kew ziyà te tanà he imbeǥey ku keniyu wey te menge kepuun niw.’ Wazè kew iyan mebpezumazuma wey mebpemineg kedì.

Jeremias 35:17

Umbe, siak, is Nengazen he Megbevayà he Mekeǥeǥehem, he Megbevayà te Israel, migkaǥi te: Pemineg kew! Is menge etew ziyà te Juda wey Jerusalem, ibpaaǥi ku ziyà te keniyu is langun he kezeetan he migkaǥi ku he idezaat keniyu. Mibpekidlalag a keniyu piru wazà a keniyu pemineǥa; mid-umew ku sikiyu piru wazè kew medtavak.”

Jeremias 44:4

Layun a edsuǥù diyà te kandan te menge ebpeneuven he menge suluǥuen ku te kegkaǥi ziyà te kandan he kenè dan beeli heini is utew mezaat he vaal he igkeepes ku,