Mateo 25:29 - Manobo Western Bukidnon

²⁹ Su sikan is egkeserig̵an te insarig kandin, ed-umanan pa. Iyan, sikan is kenà egkeserig̵an, edhewien diyà te kandin minsan is deisek he insarig kandin.

Mateo 25:29 Iomraidhean Croise

Mateo 13:12

Su is etew he neketuu wey zuen kedsavut din, ed-umanan pa te Megbevayà te kedsavut su wey mehustu is kedsavut din. Iyan, sikan is kenà edtuu, id-awà te Megbevayà diyà te kandin sikan is deisey he nesavut din.

Mateo 21:41

Ne midtavak dan te, “Iyan is: ebpenhimetayan din haazà is impemeelima zin ne ebpeelimahan din maan haazà is perasan te selakew en he menge etew he ebeg̵ey mulà te vahin ke egkeuma is tirag̵un.”

Mateo 25:28

Ne zutun migkag̵i sikandin diyà te selakew en he sulug̵uen te, ‘Kuwaa nu heeyan is nengkelibu he pisus keniyan te kandin ne iveg̵ey nu ziyà te nekekuwa te sepulù he libu.

Marcos 4:25

Su is etew he edewaten din is ibpesavut kandin te Megbevayà, ed-umanan pa te Megbevayà is kedsavut din, iyan, is etew he kenè din edewaten is ibpesavut te Megbevayà, id-awà diyà te kandin is deisek he nesavut din en.”

Lucas 10:42

Sevaha zà is dekelà is pulus din he iyan mibpilì ni Maria ne kenà heini igkeawà diyà te kandin.”

Lucas 8:18

Umba, purungi niw te ebpemineg is ibpenurù ku su is etew he edewaten din is ibpesavut kandin te Megbevayà, ed-umanan pa te Megbevayà is kedsavut din, iyan, is etew he kenè din edewaten is ibpesavut te Megbevayà, id-awà diyà te kandin haazà is kunaan din ke nesavut din en.”

Juan 11:48

Emun ebpesegdanen tew, edtuuwan te langun he menge etew he iyan sikandin sikan is mibpilì te Megbevayà he ibpahadì. Ne emun iyan en heini vag̵ad, ebeyaan kiw te menge sundaru te hadì tew ziyà te Ruma, ne edèdeetan dan is simbahan tew he Valey te Megbevayà wey is gubirnu tew.”

Juan 15:2

Ke zuen subpang ku he kenà ebpemeg̵as, id-awè din. Ne is langun he menge subpang ku he ebpemeg̵as, edlumpiyuwan din su wey mekesigudu mekepemeg̵as.

Impezayag 2:5

Tentenuzi niw sikan is kedekelaa niw zengan kediey ziyà te g̵ehinawa niw; iniyug̵i niw is mezaat he ulaula ne ul-ulaha niw is meupiya he mid-ulaula niw zengan su emun kenà, ebeyaan ku sikiyu. Ne id-awè ku is sulù niw ziyà te selevukè din emun kenè niw edlikuan is daan he ulaula niw.