Marcos 10:6 - Manobo Western Bukidnon

⁶ iyan, is Megbevayà, dutun te kedlimbag̵a zin te menusiyà, mibeelan din is maama wey vahi.

Marcos 10:6 Iomraidhean Croise

Marcos 13:19

Su wazè en ebpekerepeng te kemeresayan he egkehitavù dutun he andew. Ne puun pa te aney en kedlimbag̵a te kelibutan wazè pa meeg̵iyi is iring dutun. Ne emun egkehitavù en haazà ne kenè en egkehitavù pa maan is iring dutun minsan keenu.

Ruma 1:20

Su is Megbevayà, minsan te kenà sikandin egkeahà, puun pa te kedlimbag̵a zin te kelibutan, egketuusan sikandin gihapun pinaag̵i te langun he midlimbag din, pinaag̵i te utew zekelà he g̵ehem din he wazè din pidtemanan, wey pinaag̵i te nekag̵i he kegkemegbevayè din. Ne tenged dutun kenà ebpekevarew is minsan hentei he kenè dan egketuenan he zuen Megbevayà.

2 Pedro 3:4

“Hendei vuwa si Kristu su impenaad din dengan he edlikù dini te kelibutan, iyan, kenè key ebpeketuu te iring dutun su puun pa te timpu zengan te kebpatey te menge tipehuna he kepuun tew taman en guntaan, wazà mahalin is minsan hengkey; iyan ded gihapun genat dà te kedtukuza te kelibutan taman en guntaan.”