Mikas 7:9 - Marahay na Bareta Biblia

⁹ Nagkasala kami sa Kagurangnan, kaya kaipuhan tioson mi sa kadikit na panahon an saiyang kaanggotan. Alagad susurogon niya giraray kami asin babaloson an mga nagkasala samo. Dadarahon niya kami sa liwanag; mahihiling nyamo an pagligtas niya samo.

Mikas 7:9 Iomraidhean Croise

2 Samuel 24:17

Nahiling ni David an anghel na nanggagadan kan mga tawo, asin sinabihan niya an Kagurangnan, “Ako an nagkasala. Ako an nakaginibo nin maraot. Ano an naginibo kan mga tawong ini? Ako asin an sakong pamilya an padusahan mo.”

An Libro ni Job 23:10

Alagad aram niya an dalan na sakong linalakawan; kun baloon niya ako, makukua niya akong dalisay.

An Libro ni Job 35:14

“Nagsabi ka, Job, na an Dios dai mo nahihiling; alagad maghalat ka sana huli ta aram niya an kamugtakan mo.

Salmo 119:154

Suroga ako asin tubosa; tawe ako nin buhay sosog sa saimong panuga.

Salmo 37:6

Papaliwanagon niya an saimong katanosan arog kan liwanag sa kaodtohan nin aldaw.

Salmo 43:1

Tawe ako nin katanosan, O Dios, asin suroga ako tumang sa mga maraot; ligtasan ako sa mga tawong madaya asin bakong matanos!

Salmo 7:6

Sa kaanggotan, bumangon ka, Kagurangnan! Atubangon mo an kaanggotan kan sakong mga kalaban; pagmata, Dios ko, mawot mo an katanosan.

Salmo 94:15

An hustisya makakabalik sa mga hukoman, asin susunodon iyan kan mga matanos.

Isaias 42:16

“Papangenotan ko an sakong butang banwaan sa mga dalan na dai pa ninda inagihan. Gigibohon kong liwanag an saindang kadikloman asin sa saindang atubangan, sasaramahon ko an bakong saramang mga lugar. Iyo ini an mga bagay na gigibohon ko, asin dai ko iyan lilingawan.

Isaias 42:7

Bubukasan mo an mga mata kan buta asin tatalingkasan mo an mga nagtutukaw sa madiklom na mga bilanggoan.

Isaias 46:13

Irinarani ko an aldaw nin kapangganahan— bako na harayo iyan. Dai na mahahaloy an sakong kapangganahan. Ililigtas ko an Jerusalem asin an Israel dadarahan ko duman nin kamurawayan.”

Isaias 51:22

sinusurog kamo nin Kagurangnan na saindong Dios asin nagsasabi, “Uya, hinahale ko na sa saindong kamot an kalis nin sakong kaanggotan. Dai na kamo kaipuhan na mag-inom kan arak na sa saindo nakakapasayasay.

Isaias 56:1

Nagsasabi an Kagurangnan sa saiyang banwaan, “Giboha nindo an matanos asin tama, huli ta maabot asin mahahayag na an gigibohon kong pagligtas.

Jeremias 10:19

Nag-agrangay an mga taga Jerusalem, “Makulog nin marahay an samong padusa! Dai na mabobolong an samong mga lugad. Paghona mi matitios nyamo ini!

Jeremias 14:7

Nakimaherak sako an banwaan ko, ‘Maski nagsasaksi an samong mga kasalan tumang samo, tabangi kami, Kagurangnan, siring kan saimong panuga. Kadakul na beses kaming nagtalikod saimo; nagkasala kami saimo.

Jeremias 51:10

Nagsasabi an Kagurangnan, “Nagkukurahaw an sakong banwaan, ‘Ipinahiling nin Kagurangnan na tama kita. Magduman kita sa Sion saka ipahayag ta an ginibo nin Kagurangnan na satong Dios.’”

Mga Panambitan 1:18

“Alagad tama an Kagurangnan, huli ta dai ko siya kinuyog. Dangoga nindo ako, kamo gabos na banwaan, asin hilinga an sakong kasakitan; an gabos kong mga hoben na lalaki asin babae napaduman sa pagkabihag.

Levitico 26:41

kaya tinalikodan ko sinda asin ipinadarang mga bihag sa daga kan saindang mga kaiwal. Alagad kun magpakumbaba an saindong kapagarakian asin mabayadan na ninda an padusa kan saindang mga kasalan,

Malakias 3:18

Mahihiling giraray kan sakong banwaan an kalaenan kan nangyayari sa mga matanos asin sa mga tampalasan, sa tawong naglilingkod sa sako saka sa dai.”

1 Corinto 4:5

Kaya dai nindo dapat paghukoman an siisay man bago umabot an tamang panahon; halaton nindo an pag-abot kan Kagurangnan. Ihahayag niya sa liwanag an mga natatago sa kadikloman saka an mga natatagong kamawotan sa puso nin tawo. Dangan aakoon kan lambang saro hale sa Dios an kaomawan na maninigo saiya.

2 Timoteo 4:8

Kaya ngunyan naghahalat na sako an korona nin katanosan na itatao sako sa Aldaw na idto nin Kagurangnan, an matanos na hukom, itatao bako sana sako, kundi sa gabos na dahel sa pagkamoot naghahalat kan saiyang pagdatong.

Kapahayagan 18:20

Mag-ogma ka, O kalangitan, huli kan saiyang pagkarumpag! Mag-ogma kamo, mga banal, mga apostol asin mga propeta, huli ta hinukoman na siya nin Dios dahel kan ginibo niya saindo!

1 Samuel 24:15

An Kagurangnan iyo an maghuhukom, asin siya an masentensiya kun siisay sato an sala. Siyasaton logod niya an bagay na ini, surogon ako, asin iligtas saimo.”

1 Samuel 25:39

Kan mabaretaan ni David na gadan na si Nabal, nagsabi siya, “Pag-omawon an Kagurangnan! Siya an nagbalos ki Nabal huli kan pag-insulto niya sako asin ilinikay ako nin Kagurangnan sa pagkasala. Pinadusahan nin Kagurangnan si Nabal huli kan karatan na ginibo niya.” Dangan nagpatogon si David ki Abigail na boot niya ining magin agom.

1 Samuel 26:10

Siring na buhay an Kagurangnan,” an padagos ni David, “aram kong an Kagurangnan mismo an magadan ki Saul, magin iyan sa natural na paagi o sa gera.

1 Samuel 3:18

Kaya inistorya saiya ni Samuel an gabos; mayo siyang itinago. Dangan nagsabi si Eli, “Siya an Kagurangnan; gigibohon niya an pinaghohona niyang marahay.”