Mikas 7:2 - Marahay na Bareta Biblia

² Mayo na minsan sarong onestong tawo sa daga, mayo maski sarong maimbod sa Dios. An gabos naghahalat kan tamang panahon tanganing manggadan. An lambang saro naghahanap kan saiyang kapwa tanganing gadanon.

Mikas 7:2 Iomraidhean Croise

Salmo 10:9

siring sa sarong leon sa saiyang pinagtatagoan. Minahipa siya tanganing madakop an mga dukha; sinisiod niya sinda dangan ginuguyod sa harayo.

Salmo 12:1

Tabangi kami, Kagurangnan; huli ta mayo nang natatadang banal! An mga maimbod napara na sa mga aki nin tawo.

Salmo 12:2

An lambang saro nagpuputik sa saiyang kapwa; an saindang dila asin puso pano nin kaputikan.

Salmo 57:6

Mga kaiwal ko nag-andam nin litag sa sakuyang agihan, an kalag ko napapano nin kapurisawan. Nagkalot sinda sa sakuyang lalakawan, alagad sinda man sana an nahulog duman.

Mga Talinhaga 1:11

Kun magsabi sinda, “Madya, maghipa kita nin tawong magagadan! Maski mayo nin dahelan, salakayon ta an tawong mayo nin kasalan.

Mga Talinhaga 12:6

An mga tataramon kan maraot nakakagadan, alagad an mga tataramon kan matanos minaligtas nin mga tawo.

Isaias 3:5

Dangan aapihon kan lambang saro an saiyang kapwa, an lambang tawo mang-aapi kan saiyang kataed. An mga hoben magigin matumang sa saindang mga kamagurangan, asin an mga mayong halagang tawo sa mga ginagalangan.

Isaias 57:1

Nagagadan an mga matanos na tawo, asin mayong nakakasabot o nagmamakulog. Alagad pagkagadan ninda mayo na nin kasakitan na makakadotdot sainda.

Isaias 59:7

Danay kamong nagpaplano nin maraot; naghihidali kamo sa paggibo kaiyan. Dai lamang kamo nagduduwa-duwa sa paggadan kan mga mayong sala. Kapahamakan saka pagkagaba an nawawalat saen man kamo magduman,

Isaias 9:19

Huli ta anggot an Kagurangnan nin mga hukbo, an padusa niya maglalaad siring sa kalayo na matutong kan daga asin magadan sa mga tawo; kaya an lambang saro dai maheherak maski sa saiyang tugang.

Jeremias 16:16

Nagtataram an Kagurangnan, “Mapadara ako nin dakul na parasira tanganing dakopon an mga tawong ini. Dangan mapadara ako nin dakul na paraayam tanganing hanapon sinda sa lambang bukid asin bulod, saka sa mga lungib sa kagapoan.

Jeremias 5:16

An saindang mga parapana maiisog na soldados asin mayong herak kun manggadan.

Jeremias 5:26

“Nag-eerok sa tahaw kan sakong banwaan an mga maraot na tawo; nanghihipa sinda arog kan mga tawong nagbibiklad nin hikot tanganing magdakop nin mga gamgam, alagad an litag na ibinugtak ninda pandakop nin tawo.

Jeremias 8:6

Hininanyog ko kamo nin marahay alagad dai kamo nagsabi kan totoo. Mayo maski saro saindo nin nagsosolsol kan saiyang katampalasanan; mayo saindo nin naghahapot, ‘Anong kasalan an sakong ginibo?’ An lambang saro padagos sa sadiri niyang dalan, arog sa kabayo na pasiring sa ralaban.

Mga Panambitan 4:18

Binantayan kami kan mga kaiwal, kaya dai kami nakalakaw sa samong mga tinampo; bilang na an samong mga aldaw, huli ta uminabot na an samong kataposan.

Ezekiel 22:12

An iba sa sainda nagpapatandan tanganing manggadan. An iba nagpapautang sa kapwa Israelita na igwa nin dakulang tubo. Nalingawan na ninda ako.” An Kagurangnan Dios an nagtaram.

Ezekiel 24:6

Ini an itinataram nin Kagurangnan Dios, “Herak man sa syudad nin mga paragadan! Arog iyan sa sarong tinataklang kaldero na dai lamang linilinigan. Hinahale diyan an lambang pedaso nin karne asin mayo nin itinatada.

Oseas 5:1

“Mga padi, dangoga nindo ini! Paghinanyog kamo, banwaan nin Israel! Paghimate kamo, kamo na kaayon sa pamilya kan hade! Dapat ipinahiling nindo an hustisya sa saindong paghukom—kaya kamo an huhukoman! Nagin sarong siod kamo sa Mizpa, sarong hikot na nabibiklad sa Bukid nin Tabor,

Oseas 6:9

An mga padi garo sarong grupo nin mga parahabon na naghihipa sa pagsalakay sa sarong tawo. Maski sa dalan pasiring sa banal na lugar sa Shekem, nanggagadan sinda; tuyo nindang ginibo an mga karatan na ini!

Mikas 2:8

Nagsisimbag an Kagurangnan, “Sinasalakay nindo an sakong banwaan siring sa mga kaiwal. Minapuruli an mga lalaki hale sa pakilaban, naghohona na ligtas sinda sa saindang harong, alagad yaon kamo duman, naghahalat tanganing habonon an saindang gubing.

Mikas 3:10

Kamo an nagpapatindog kan syudad nin Dios, an Jerusalem, sa pundasyon nin panggagadan saka inhustisya.

Mikas 3:2

alagad naoongisan nindo an matanos asin namomotan an karatan. Inaanitan nindo an sakong banwaan dangan hinahaklas an laman hale sa saindang mga tolang.

Zacarias 11:6

Nagtaram an Kagurangnan, “Dai na ako maheherak sa kiisay man sa kinaban. Ako mismo an mabugtak kan gabos na banwaan sa kapangyarihan kan saindang mga pamayo. An mga pamayong ini an maraot kan kinaban, asin dai ko iyan ililigtas sa saindang kapangyarihan.”)

Mga Gibo 24:9

An mga Judio na yaon duman nagsabi man na an gabos na sumbong totoo.

1 Samuel 24:11

Hilinga, sakong ama, hilinga an sadit na pedasong ini kan saimong gubing! Pwede taka kutanang gadanon, alagad iyo sana ining pedaso kan saimong gubing an tinabas ko. Katunayan ini na mayo akong isip na magrebelde laban saimo o magkasala. Pinaghahanap mo ako tanganing gadanon maski mayo ako nin naginibong maraot saimo.

1 Samuel 26:20

Hare pagtugotan na magadan ako sa dayuhan na daga, harayo sa atubangan nin Kagurangnan. Tano ta magdigdi an hade nin Israel sa paggadan nin sarong purgas na arog sako? Tano ta pinaglalamag niya ako na garo sarong lalaw na gamgam?”