Mikas 7:11 - Marahay na Bareta Biblia

¹¹ Mga taga Jerusalem, nagdadangadang na an panahon kan pagpakarahay kan kudal kan saindong syudad. Sa panahon na iyan, papadakulaon an saindong teritoryo.

Mikas 7:11 Iomraidhean Croise

Nehemias 2:17

Alagad ngunyan sinabihan ko sinda, “Nahiling nindo an kasakitan ta ngunyan huli ta rumpag pa an Jerusalem asin raot pa an mga trangkahan kaini! Kaya, patindogon ta giraray an kudal kan syudad tanganing matapos na an satuyang kasosopgan.”

Nehemias 2:8

Tawe man ako nin sarong surat para ki Asaf, na paraataman kan kadlagan kan hade, tanganing tawan niya ako nin kahoy para sa mga trangkahan kan bantayan kan Templo, asin para sa mga kudal kan syudad patin para sa harong na sakong eerokan.” Itinao kan hade an gabos kong hinagad huli ta inibahan ako nin Dios.

Nehemias 4:3

Nagsabi man si Tobias na Ammonita na nakatindog sa kataed niya, “Anong klaseng kudal an itutugdok ninda? Marurumpag sana iyan kun sakatan nin sarong lobo!”

Nehemias 4:6

Kaya ipinadagos mi an paghirahay kan kudal; dai nahaloy naabot mi an kabangaan kan langkaw kaini, huli ta bilog an boot kan mga tawo sa pagtrabaho.

Isaias 54:11

Nagsasabi an Kagurangnan, “O Jerusalem, nagtitios, makaheherak, asin mayong karangahan na syudad, papupusogon ko giraray an saimong mga pundasyon asin mahalagang bato an sakong gagamiton.

Isaias 54:2

Padakulaa an tolda na saimong pinag-eerokan; sugponi an mga lubid asin pakosoga an mga taldok kaiyan!

Isaias 58:12

Papatindogon giraray nindo an haloy nang nagkararaot na mga edipisyo sa dati kaining pundasyon. Mimidbidon kamo bilang mga tawong naghirahay kan mga kudal, mga tawong nagpakarhay kan raot na mga harong.”

Isaias 61:4

Papakarhayon ninda an mga syudad na haloy nang nagkararaot.

Daniel 9:25

Midbida kun siring asin sabota ini: Magpoon sa panahon na itao an pagboot na hirahayon an Jerusalem sagkod na umabot an pamayo na pinili nin Dios, maagi ngona an kwarenta y nuebeng taon. Hihirahayon giraray an Jerusalem. Magkakaigwa diyan nin mga tinampo saka makokosog na kudal, asin matindog iyan sa laog nin kwatro syentos treynta y kwatrong taon, alagad sarong panahon iyan nin kasakitan.