Mikas 7:10 - Marahay na Bareta Biblia

¹⁰ Dangan mahihiling iyan kan samong mga kaiwal asin mawawaraan sinda nin onra—an parehong mga kaiwal na nag-olog-olog samo sa pagsabing, “Haen an Kagurangnan na saindong Dios?” Mahihiling mi sindang daog, na tinitimaktimakan arog sa laboy sa mga tinampo.

Mikas 7:10 Iomraidhean Croise

2 Samuel 22:43

Rinonot ko sindang pino arog sa alpog kan daga, tinimak-timakan ko sinda siring sa laboy sa mga tinampo.

Salmo 109:29

Mapano logod nin disonra an sakong mga kaiwal; mapatos sinda nin sopog na garo tamong.

Salmo 115:2

Tadaw ta nagsasabi an mga nasyon, “Haen an saindong Dios?”

Salmo 18:42

Rinonot ko sinda, kaya nagin sindang arog sa alpog na ipinapadpad kan doros; tinimaktimakan ko sinda siring sa laboy sa mga tinampo.

Salmo 35:26

Magkasoropog logod asin magkarilibong an mga nag-oogma sa sakong kasakitan. Mapano logod nin sopog asin disonra an mga mapaabaw-abaw sa sakong atubang.

Salmo 42:10

An mga pag-olog-olog kan sakong mga kaiwal garo mga lugad na minapasakit sako, mantang padagos sindang naghahapot, “Haen an saimong Dios?”

Salmo 42:3

Sakong mga luha an sakuyang pagkakan sa aldaw asin sa banggi; mantang danay na minahapot sako an mga kaiwal, “Haen an saimong Dios?”

Salmo 58:10

An matanos mag-oogma kun mahiling niya an pagpadusa sa makasalan; mahanaw siya kan saiyang mga bitis sa dugo kan tampalasan.

Salmo 79:10

Tano ta maghapot an mga nasyon, “Haen an saindang Dios?” Mahiling mi logod an pagsingil asin pagpadusa mo sa mga nasyon, huli ta pinabulos ninda an dugo kan saimong mga sorogoon.

Salmo 92:12

Siring sa palma mauswag an mga matanos na tawo; matalubo sinda arog kan sedro sa Lebanon.

Isaias 26:11

Dai naaaraman kan saimong mga kaiwal na papadusahan mo sinda. Sopogon mo sinda, Kagurangnan, asin patiosa sinda; patiosa sinda kan padusa na saimong inandam. Pahilingan sainda kun gurano an pagkamoot mo sa saimong banwaan.

Isaias 41:25

“Nagpili na ako nin sarong lalaki na nag-eerok sa sirangan; pinapasalakay ko siya hale sa amihan. Tinitimaktimakan niya an mga pamayo na garo sinda laboy, siring kan paragibo nin koron na nagtitimaktimak kan laboy.

Jeremias 49:15

Gigibohon ka nin Kagurangnan na sarong maluyang nasyon, na pagtutuyatuyaon kan mga tawo.

Jeremias 51:24

Nagsasabi an Kagurangnan, “Papadusahan ko sa atubangan nindo an Babilonia saka an mga namamanwaan niya huli kan gabos na karatan na ginibo niya sa Sion.

Jeremias 51:51

Nagsasabi kamo, ‘Napasopog kami huli ta nakadangog kami nin pagtuyatuya; namatean mi an pagkawara kan samong onra huli ta nagdatong an mga dayuhan saka naglaog sinda sa mga banal na lugar sa Templo.

Ezekiel 7:18

Magubing sinda nin sako, asin matatakot nin labi-labi. Aarisan ninda an saindang payo asin masosopog sinda gabos.

Daniel 3:15

Ngunyan pagkadangog nindo kan tanog kan trompeta, plawta, lira, gimbal, arpa, asin kan gabos na instrumento, magduko kamo asin magsamba sa estatwa. Kun dai kamo magsamba, itatapok kamo tolos sa nagkakalayong horno. Sa paghona nindo igwa nin dios na maligtas saindo?”

Joel 2:17

An mga padi, na naglilingkod sa Kagurangnan sa pagultanan kan altar asin kan pintoan kan Templo, kaipuhan na magtangis saka magpamibi: “Maherak ka sa saimong banwaan, Kagurangnan. Hare pagtugote an ibang nasyon na pagngisihan kami dangan pag-olog-ologon sa pagsabing, ‘Haen an saindong Dios?’”

Obadias 1:10

“Huli ta hinabonan mo asin ginadan an mga tugang mong lalaki, an mga kapagarakian ni Jacob, gagadanon ka asin sosopogon sagkod lamang.

Obadias 1:12

Dai ka kutana nag-ogma sa kasakitan kan mga tugang mong lalaki sa Juda. Dai ka kutana nag-ogma sa aldaw kan saindang pagkarumpag. Dai ka kutana nagngisi sa aldaw nin saindang kasakitan.

Mikas 4:11

Dakul na nasyon an nagtiripon tanganing salakayon ka. Nagsasabi sinda, “Kaipuhan raoton an Jerusalem! Mahihiling ta an pagkaraot kan syudad na ini!”

Mikas 7:8

Mayong dahelan tanganing pagngisihan kami kan samong mga kaiwal. Nagkaturumba kami, alagad mabangon giraray kami. Nasa kadikloman kami ngunyan, alagad tatawan kami nin liwanag kan Kagurangnan.

Sofonias 3:15

Inontok nin Kagurangnan an pagpadusa saimo; hinale niya an gabos mong kaiwal. An Kagurangnan, an Hade nin Israel, kaibahan mo; mayo ka na nin dahelan tanganing matakot.

Zacarias 10:5

Magigin mapanggana an banwaan nin Juda arog sa mga soldados na nagtitimaktimak kan saindang mga kaiwal sa laboy kan mga tinampo. Makikilaban sinda huli ta kaiba ninda an Kagurangnan, asin dadaogon ninda maski an mga kaiwal nindang parakabayo.

Malakias 1:5

Mahihiling iyan mismo kan mga Israelita, asin masabi sinda, “Mapangyari an Kagurangnan maski sa luwas kan daga nin Israel!”

Malakias 4:3

Sa aldaw na humiro ako, madadaog nindo an mga maraot na tawo, asin makakaagid sinda sa alpog sa irarom kan saindong mga bitis.

Mateo 27:43

Nagsasarig siya sa Dios asin sinasabi niya na Aki siya nin Dios; hilingon ta daw kun baga iligtas siya nin Dios ngunyan!”

Josue 7:9

Mababaretaan ini kan mga Cananeo asin kan iba pang nag-eerok sa daga. Papalibotan ninda kami asin gagadanon an lambang saro samo. Ano an gigibohon mo para sa saimong dakulang ngaran?”

Kapahayagan 18:20

Mag-ogma ka, O kalangitan, huli kan saiyang pagkarumpag! Mag-ogma kamo, mga banal, mga apostol asin mga propeta, huli ta hinukoman na siya nin Dios dahel kan ginibo niya saindo!