Mikas 6:4 - Marahay na Bareta Biblia

⁴ Ako an nagluwas saimo sa Egipto; ilinigtas taka sa kaoripnan; ako an nagsugo ki Moises, ki Aaron saka ki Miriam tanganing pangenotan ka.

Mikas 6:4 Iomraidhean Croise

2 Samuel 7:23

Mayo nin ibang nasyon sa kinaban arog kan Israel, na saimong ilinigtas sa kaoripnan tanganing gibohon na sadiri mong banwaan. An darakula asin makangangalas na mga bagay na ginibo mo para sainda nakapabantog saimo sa bilog na kinaban. Pinalayas mo an ibang nasyon asin an saindang mga dios-dios mantang nagdadangadang an saimong banwaan, an banwaan na saimong pinatalingkas sa Egipto tanganing saimong masadirihan.

Salmo 77:20

Siring sa sarong pastor, pinangenotan mo an saimong banwaan, sa pamamahala ni Moises saka ni Aaron.

Exodo 12:51

Kan aldaw na idto, ilinuwas nin Kagurangnan sa Egipto an mga tribu nin Israel.

Exodo 20:2

“Ako an Kagurangnan na saindong Dios na nagdara saindo sa luwas kan daga nin Egipto, sa luwas kan harong nin kaoripnan.

Exodo 3:10

Ngunyan susugoon taka sa hade tanganing ikaluwas mo sa Egipto an mga Israelita na sakong banwaan.”

Exodo 4:10

Alagad nagsabi si Moises, “Hare ako pagsugoa, Kagurangnan. Maluya asin kamol akong magtaram. Dati akong maluyang magtaram poon kaidto sagkod ngunyan na makipag-olay ka sako.”

Exodo 4:16

Siya an magigin ngoso mo sa mga tawo, an saimong tagapagtaram sa sainda; asin ika an magigin bilang Dios na mataram sa saiya kan mga isasabi niya.

Exodo 6:27

Sinda an mga tawong nagsabi sa hade nin Egipto na patalingkason an mga Israelita.

Jeremias 32:21

Sa paagi nin mga tanda saka ngangalasan na natakotan kan samong mga kaiwal, ginamit mo an saimong kapangyarihan saka kosog tanganing iluwas sa Egipto an saimong banwaan.

Amos 2:10

Ilinuwas ko kamo hale sa Egipto, pinangenotan sa desyerto sa laog nin kwarentang taon, dangan tinawan kan daga na pagsadiri kan mga Amoreo.

Mga Bilang 12:1

Taga Cus an naagom ni Moises kaya binasol siya ni Miriam asin ni Aaron.

Mga Bilang 33:1

An minasunod na kasaysayan nagtatao kan ngaran kan mga lugar na pinagkampohan kan mga Israelita pakahale ninda sa Egipto sosog sa saindang mga tribu sa pangengenot ni Moises saka ni Aaron.

Mga Gibo 7:36

Pinangenotan niya an mga Israelita paluwas sa Egipto; naggibo siya nin mga milagro saka mga ngangalasan duman sa Egipto, sa Pulang Dagat asin duman sa kalangtadan sa laog nin kwarentang taon.

Deuteronomio 15:15

Giromdoma nindo na mga oripon man kamo kaidto duman sa Egipto, asin tinalingkasan kamo nin Kagurangnan na saindong Dios; kaya ngunyan itinatao ko saindo ining pagboot.

Deuteronomio 24:18

Giromdoma na nagin oripon man kamo sa Egipto, asin ilinigtas kamo nin Kagurangnan na saindong Dios kaya itinatao ko saindo ining pagboot.

Deuteronomio 4:20

Alagad kamo an banwaan na ilinigtas niya sa Egipto, an nagkakalayong horno, tanganing gibohon niyang sadiring banwaan, na iyo kamo ngunyan.

Deuteronomio 4:34

Igwa daw nin dios na nangahas na magduman asin magkua nin sarong banwaan hale sa ibang nasyon dangan gibohon na saiyang sadiri, arog kan ginibo saindo nin Kagurangnan na saindong Dios duman sa Egipto? Sa atubang nindo, ginamit niya an saiyang kosog asin kapangyarihan huli sa mga helang saka gera, sa mga tanda sagkod ngangalasan patin sa mga mangirhat na bagay.

Deuteronomio 5:6

‘Ako an Kagurangnan na saindong Dios na nagdara saindo sa luwas kan harong nin kaoripnan.

Deuteronomio 7:8

Alagad namotan kamo nin Kagurangnan asin boot niyang otobon an panuga niya sa saindong mga ginikanan. Ini an dahelan kun tano ta huli kan saiyang mapangyaring kamot, ilinigtas niya kamo asin binalukat sa kaoripnan sa kamot kan hade nin Egipto.

Deuteronomio 9:26

Namibi ako, ‘O Kagurangnan Dios, hare pagtunawa an saimong sadiring banwaan na ilinigtas mo asin ilinuwas hale sa Egipto huli kan saimong dakulang kosog asin kapangyarihan.

1 Samuel 12:6

Nagpadagos si Samuel, “An Kagurangnan an nagpili ki Moises saka ki Aaron; siya an nagluwas kan saindong mga ginikanan hale sa Egipto.