Mikas 6:2 - Marahay na Bareta Biblia

² Kamong mga bukid, asin kamo na nagdadanay na mga pundasyon kan daga; dangoga nindo an reklamo nin Kagurangnan. An Kagurangnan igwa nin reklamo laban sa saiyang banwaan. Sasangatan niya nin kaso an Israel.

Mikas 6:2 Iomraidhean Croise

2 Samuel 22:16

Dangan nahiling an kairaroman nin kadagatan, asin nahayag an mga pundasyon kan kinaban, kan tuyawon nin Kagurangnan an saiyang mga kaiwal, asin kurahawan sinda sa kaanggotan.

2 Samuel 22:8

Dangan nagtakig asin natanyog an daga; nagtakig asin natanyog man an mga pundasyon kan kalangitan, huli ta naanggot an Dios.

Salmo 104:5

An daga masarig na pinatindog mo sa saiyang pundasyon, tanganing dai nanggad matanyog.

Mga Talinhaga 8:29

kan itao niya sa dagat an pagdolonan kaiyan, tanganing an katubigan dai maglapas sa saiyang pagboot, kan ibugtak niya an pundasyon kan daga.

Isaias 1:18

“Madya, mag-olay kita,” an sabi nin Kagurangnan. “Maski arog kapula sa dugo an saimong mga kasalan magigin maputi iyan siring sa nyebe; maski iyan arog kapula sa purpura, iyan magigin siring sa puting telang lana.

Isaias 3:13

Andam an Kagurangnan sa pagpahayag kan saiyang kaso; nagtitindog siya sa paghukom sa saiyang banwaan.

Isaias 43:26

“Maghampang kita sa hukoman; isangat mo an saimong kaso asin patotoohan mo na tama ka!

Isaias 5:3

Kaya ngunyan minataram an sakong katood, “Kamong mga nag-eerok sa Jerusalem saka sa Juda, hukoman nindo ako asin an sakong ubasan.

Jeremias 2:9

“Kaya ako, an Kagurangnan, mareklamo laban sa sakong banwaan. Irereklamo ko an saindang mga kapagarakian.

Jeremias 25:31

asin an tingog niya mag-aaniningal sa mga poro kan kinaban. An Kagurangnan igwa nin sumbong laban sa mga nasyon. Malaog siya sa paghukom sa gabos na tawo asin gagadanon niya an mga tampalasan. An Kagurangnan an nagtaram.’”

Jeremias 31:37

Kun masukol na an kalangitan saka masiyasat an pundasyon kan daga, dangan pa sana niya isisikwal an banwaan nin Israel, huli kan gabos nindang ginibo. An Kagurangnan an nagtaram.

Oseas 12:2

An Kagurangnan igwa nin reklamo laban sa mga taga Juda; papadusahan man niya an Israel huli kan mga gawe kan saiyang namamanwaan. Babalosan niya sinda sosog sa saindang mga gibo.

Oseas 12:3

An saindang ginikanan na si Jacob nakipaggumolan sa kakambal niyang si Esau kan sinda nasa tulak pa kan saindang ina; kan dakula na si Jacob, nakilaban siya tumang sa Dios—

Oseas 4:1

An Kagurangnan igwa nin reklamo laban sa mga tawo na nag-eerok sa dagang ini. Dangoga, Israel, an sinasabi niya: “Mayo nin kaimbodan o pagkaherak sa daga, asin dai ako inaako kan mga tawo bilang Dios.

Mikas 6:1

Dangoga an reklamo nin Kagurangnan laban sa Israel. Pagbangon, O Kagurangnan, asin pahayagan an saimong reklamo; padangoga an kabukidan saka kabubuldan kan sasabihon mo.

Deuteronomio 32:22

Siring sa kalayo, malaad an kaanggotan ko, na matutong kan gabos na yaon sa daga, sagkod sa kairaroman kan Sheol; matutong minsan kan mga gamot nin kabukidan.

Deuteronomio 4:26

Saksi ko an langit asin an daga laban saindo ngunyan na aldaw, na kun suhayon nindo ako, mapapara kamo sa daga. Dai maghahalawig an saindong buhay sa ibong kan Jordan, sa daga na saindong sasakopon. Magagadan kamo gabos.