Mikas 4:6 - Marahay na Bareta Biblia

⁶ Nagsasabi an Kagurangnan, “Maabot an panahon na titiponon ko an mga tawong sakong pinadusahan, an mga nagtios sa pagkatapokan.

Mikas 4:6 Iomraidhean Croise

Salmo 147:2

Pinapatindog nin Kagurangnan an Jerusalem; ibinabalik niya an mga nabihag na Israelita.

Salmo 38:17

Madali na akong matumba, asin an kulog danay kong namamatean.

Isaias 56:8

An Kagurangnan Dios, na nagdara pabalik kan saiyang banwaan hale sa pagkatapokan, nangako na dadarahon pa niya an ibang tawo tanganing makaiba kan saiyang banwaan.

Jeremias 3:18

Makikiayon an Israel sa Juda, dangan magkaibahan na mabalik sinda hale sa amihan saka mag-eerok sa daga na itinao ko sa saindang mga ginikanan bilang pamana sagkod lamang.”

Jeremias 31:8

Dadarahon ko sinda hale sa amihan saka titiponon hale sa mga poro kan kinaban. Magigin kaiba ninda an mga buta saka mga pilay, an mga bados asin an mangangaki na. Mabalik sinda na sarong dakulang nasyon.

Ezekiel 36:24

Hahaleon ko kamo sa lambang nasyon asin daga dangan ibabalik ko kamo sa sadiri nindong daga.

Mikas 2:12

“Alagad titiponon ko kamo, kamo gabos na natada sa Israel. Sarabay ko kamong dadarahon siring sa mga karnero na nagbabalik sa toril. Arog sa pasabsaban na pano nin karnero, magigin pano giraray nin tawo an saindong daga.”

Sofonias 3:19

Maabot an panahon na papadusahan ko an nag-api saimo; ililigtas ko an mga lopog asin ibabalik ko sa saindang mga harong an mga itinapok. An saindang kasosopgan riribayan ko nin kaomawan asin kabantogan sa bilog na daga.

Lukas 19:10

Dahel ta an Aki nin Tawo nagdigdi sa paghanap asin sa pagligtas kan nawawara.”

Juan 10:16

Igwa akong ibang mga karnero na mayo sa toril na ini. Kaipuhan na ilaog ko man sinda; madangog sinda sa tingog ko. Kaya magigin saro an ariponpon asin saro an pastor.