Mikas 4:4 - Marahay na Bareta Biblia

⁴ Matoninong na mamumuhay an lambang saro sa tahaw kan sadiri niyang ubasan saka mga kahoy na higera, asin mayo nang magpapatakot saiya. An Kagurangnan nin mga hukbo an nanuga kaini.

Mikas 4:4 Iomraidhean Croise

1 Mga Hade 4:25

Mantang nabubuhay pa siya, ligtas na namuhay an mga tawo sa Juda asin sa Israel. An lambang pamilya igwa nin sadiring mga poon nin ubas asin higera.

1 Mga Hade 5:5

An Kagurangnan nanuga sa ama kong si David, ‘An saimong aki na gigibohon kong hade bilang kasalihid mo iyo an mapatugdok nin templo para sako.’ Kaya nagdesider akong magpatindog nin templo para sa ngaran nin Kagurangnan na sakong Dios.

An Libro ni Job 11:19

Dai ka matatakot sa saimong mga kaiwal; dakul na tawo an mahagad saimo nin tabang.

Salmo 72:3

Magin mauswag logod an daga, asin makanamit nin katanosan.

Mga Talinhaga 3:25

An mga kasakitan na biglang minaabot dai mo dapat ikahandal, na arog sa bagyong minaabot sa tampalasan.

Isaias 1:20

Alagad kun maghabo ka asin magrebelde, an espada an magadan saimo, huli ta ako, an Kagurangnan, an nagtaram.”

Isaias 17:2

Mawawaraan nin namamanwaan an mga syudad nin Siria sagkod pa man. Ini magigin mga pasabsaban para sa karnero saka baka, asin mayo nin maalaw sa sainda.

Isaias 22:25

Sa aldaw na iyan, an pako na marahay an pakamugtak, mabubulnot asin mahuhulog. Iyan an magigin kataposan kan gabos na nakabitay diyan.” An Kagurangnan an nagtaram.

Isaias 26:16

Pinadusahan mo an saimong banwaan, Kagurangnan, asin namibi sinda saimo sa kahorasaan.

Isaias 32:17

asin an magigin bunga kan katanosan iyo an katoninongan, katiwasayan asin an paglaom sagkod lamang.

Isaias 36:16

Dai kamo magdangog ki Ezekias. Nagboboot saindo an emperador nin Asiria na magluwas kamo sa syudad asin sumuko saiya. Dangan tutugotan niya kamong magkakan nin mga ubas hale sa sadiri nindong mga ubasan, asin nin mga higera hale sa sadiri nindong mga kahoy patin mag-inom nin tubig hale sa sadiri nindang bubon

Isaias 40:5

Dangan mahahayag an kamurawayan nin Kagurangnan, asin mahihiling iyan kan gabos na katawohan. An Kagurangnan mismo an nagtaram kaini.

Isaias 54:14

Papakosogon ka kan hustisya asin katanosan. Magigin ligtas ka sa nang-aapi asin sa takot.

Isaias 58:14

dangan makukua nindo an kaogmahan na minadatong huli sa paglingkod sako. Itatao ko saindo an kaomawan sa bilog na daga, asin papakinabangan nindo an daga na itinao ko sa saindong ginikanan na si Jacob. Ako, an Kagurangnan, an nagtaram.”

Jeremias 23:4

Mapili ako nin mga pamayo na mag-aataman sainda. An sakong banwaan dai na nanggad matatakot ni matitikbahan; mayo na nin mawawara sainda. Ako, an Kagurangnan, an nagtaram.”

Jeremias 30:10

“Banwaan ko, dai kamo matakot; mga taga Israel, dai kamo makubhanan. Ililigtas ko kamo hale sa harayong daga na iyan, hale sa daga na pinagbilanggoan saindo. Mapuli kamo saka mamumuhay sa katoninongan; magigin matiwasay kamo, asin mayong mapatakot saindo.

Ezekiel 34:25

Makikipagtipan ako sainda nin sarong tipan nin katoninongan asin hahaleon ko an mga lalaw na hayop sa daga, tanganing an sakong mga karnero matiwasay na mag-erok sa kaomahan asin magkatorog sa mga kadlagan.

Ezekiel 34:28

Dai na sinda hahabonan kan ibang mga nasyon, asin dai na sinda gagadanon dangan kakakanon kan mga lalaw na hayop. Matoninong sindang mag-eerok asin mayo nin magpapatakot sainda.

Ezekiel 38:11

Madesisyon kang salakayon an sarong mayong laban na banwaan, na an mga tawo matoninong asin matiwasay na namumuhay sa mga banwaan na mayo nin mga kudal o mga trangkahan.

Ezekiel 39:26

Kun toninong na giraray sindang nag-eerok sa sadiri nindang daga, asin mayo na nin magpatakot sa sainda, malilingawan ninda kun paano sinda nawaraan nin onra huli kan pagpasaluib ninda sako.

Levitico 26:6

“Tatawan ko nin katoninongan an daga asin magkakatorog kamo na dai matatakot sa kiisay man. Hahaleon ko an mga maringis na hayop sa daga asin dai na diyan magkakaigwa nin ralaban.

Mikas 5:3

Kaya papabayaan nin Kagurangnan sa saindang mga kaiwal an saiyang banwaan sagkod na umabot an panahon na an babae mangaki nin aking lalaki. Dangan an saiyang kapwa mga Israelita na itinapok mabalik sa saindang banwaan nin Israel.

Sofonias 3:13

An matatada sa banwaan nin Israel dai magibo nin maraot sa kapwa, dai magpuputik o mandadaya. Magigin mauswag sinda asin matiwasay, dai sinda matatakot sa kiisay man.”

Zacarias 3:10

Pag-abot kan aldaw na iyan, aalokon kan lambang saro saindo an saiyang kanatad na makisumaro saindo sa kaogmahan huli kan katoninongan asin katiwasayan, sa lindong kan saindong mga ubasan saka mga kahoy na higera.”