Mikas 4:13 - Marahay na Bareta Biblia

¹³ Nagsasabi an Kagurangnan, “Banwaan nin Jerusalem, lakaw asin padusahan mo an saimong mga kaiwal! Gigibohon takang makosog arog sa sarong torong baka na igwang lansang na sungay saka kuku na bronse. Roronoton mo an dakul na nasyon, asin an kayamanan na saindang kinua sa paagi nin dahas idodolot mo sako, an Kagurangnan kan bilog na kinaban.”

Mikas 4:13 Iomraidhean Croise

Salmo 24:1

Sadiri nin Kagurangnan an kinaban asin an kapanoan kaiyan, an daga saka an gabos na nag-eerok diyan;

Salmo 68:29

Huli kan saimong Templo sa Jerusalem, an mga hade nagdadara saimo nin mga regalo.

Salmo 72:10

Mga hade nin Espanya asin nin mga isla, magbayad logod nin mga buhis saiya. Mga hade nin Sheba asin nin Etiopia magdara logod nin mga dolot saiya.

Isaias 18:7

Maabot an panahon na an Kagurangnan nin mga hukbo maako nin mga dolot hale sa dagang ini na nababanga nin mga salog, sa makosog saka mapangyaring nasyon na ini, sa haralangkaw saka malinig an kublit na namamanwaan na kinakatakotan sa bilog na daga. Maduman sinda sa Bukid nin Sion, an lugar na pinagsasambahan sa Kagurangnan nin mga hukbo.

Isaias 21:10

Banwaan kong Israel, gininik kang arog sa trigo, alagad ipinapahayag ko saimo ngunyan an marahay na bareta na nadangog ko sa Kagurangnan nin mga hukbo, an Dios nin Israel!

Isaias 23:18

An kwartang makukua niya sa negosyo idudusay niya sa Kagurangnan. Dai niya iyan sasarayon o titiponon, alagad gagamiton iyan kan mga nagsasamba sa Kagurangnan sa pagbakal nin kakanon saka gubing na saindang kaipuhan.

Isaias 5:28

Matarom an saindang mga bosog, asin andam na an saindang mga pana. Garo matagas na gapo an mga kuku kan saindang mga kabayo, asin an mga rweda kan saindang mga karwahe magigin garo aripuros.

Jeremias 51:20

Nagsasabi an Kagurangnan, “Babilonia, ika an sakong martilyo asin armas sa gera. Ginamit taka sa pagsakop kan mga nasyon saka mga kahadean,

Jeremias 51:33

Dai na mahahaloy aanihon na sinda kan kaiwal saka titimaktimakan arog kan mga inani sa lugar na pinaggiginikan. Ako, an Kagurangnan nin mga hukbo, an Dios nin Israel, an nagtaram.”

Daniel 2:44

Sa panahon kan mga pamayong idto, matugdok an Dios nin langit nin sarong kahadean na daing kataposan. Dai nanggad iyan masasakop, alagad pupuhoon kaiyan an gabos na imperyo, asin magdadanay iyan sagkod lamang.

Oseas 10:11

“Kaidto an Israel nakakaagid sa sarong ogbon na babaeng baka na pinatood sa pagginik. Alagad sasakalan ko an magayon niyang liog para sa mas magabat na trabaho. Dapat na mag-arado an Juda saka magsurod an Israel.

Mikas 5:7

An mga matada sa mga Israelita magigin siring sa ambon na padara nin Kagurangnan para sa mga nasyon, arog sa tagiti sa mga nagtatalubong tinanom. Magsasarig sinda sa Dios, asin bakong sa tawo.

Habakkuk 3:12

Sa kaanggotan, naglakaw ka sa kahiwasan kan daga; sa labi-labi mong kaanggotan, tinimaktimakan mo an mga nasyon.

Zacarias 12:3

Alagad pag-abot kan panahon na iyan, an Jerusalem gigibohon kong arog sa sarong magabat na gapo—an arin man na nasyon na maghingowang alsahon iyan makukulogan. Pagsasaroon kan gabos na nasyon sa kinaban an saindang kosog tanganing salakayon an Jerusalem.

Zacarias 12:6

“Sa panahon na iyan, gigibohon ko an mga kamaganakan nin Juda na magin arog sa kalayo sa sarong kadlagan o sa sarong oma na madali nang anihon—raraoton ninda an gabos na nasyon sa palibot. An mga taga Jerusalem magdadanay na ligtas sa laog kan syudad.

Zacarias 4:14

Dangan nagsabi siya, “Iyo iyan an duwang lalaking pinili nin Dios asin linahidan tanganing maglingkod saiya, an Kagurangnan kan bilog na kinaban.”

Zacarias 6:5

Nagsimbag siya, “An mga iyan iyo an apat na doros; nag-abot pa sana sinda hale sa atubangan nin Kagurangnan kan bilog na kinaban.”

1 Corinto 16:2

Sa enot na aldaw kan lambang semana, an lambang saro saindo kaipuhan na maglaen nin kantidad, sosog sa saiyang hinanapan; damoton niya iyan, tanganing pag-abot ko diyan dai na kaipuhan pang mangolekta.

Deuteronomio 33:25

Mga banwa niya kudalon logod nin lansang; mag-erok logod siya na daing kahandalan.”

Josue 6:19

Lalaenon para sa Kagurangnan an gabos na bagay na gibo sa plata, bulawan, bronse o lansang. Ibubugtak iyan sa kaban nin yaman nin Kagurangnan.”