Mikas 4:12 - Marahay na Bareta Biblia

¹² Alagad dai aram kan mga nasyon na ini kun ano an nasa isip nin Kagurangnan. Dai ninda aram na tiniripon sinda tanganing padusahan siring na an trigo tinitipon tanganing ginikon.

Mikas 4:12 Iomraidhean Croise

Salmo 147:19

An saiyang tataramon ipinapahayag niya ki Jacob, ki Israel an saiyang mga togon asin pagboot.

Salmo 147:20

Dai niya iyan ginigibo sa ibang nasyon; an mga ini mayo nin pakaisi kan saiyang kabotan. Omawon an Kagurangnan!

Isaias 10:7

Alagad igwa man nin sadiring plano an emperador nin Asiria. Boot niyang puhoon an dakul na nasyon.

Isaias 21:10

Banwaan kong Israel, gininik kang arog sa trigo, alagad ipinapahayag ko saimo ngunyan an marahay na bareta na nadangog ko sa Kagurangnan nin mga hukbo, an Dios nin Israel!

Isaias 29:7

Dangan an gabos na hukbo kan mga nasyon na nagsasalakay sa syudad nin altar nin Dios, an saindang mga armas saka kagamitan—an gabos—mapapara siring sa sarong pangatorogan, siring sa sarong bisyon sa banggi.

Isaias 55:8

Nagsasabi an Kagurangnan, “An sakong kaisipan bakong arog kan saindong kaisipan, asin an sakong mga paagi iba man kan sa saindo.

Jeremias 29:11

Ako sana an nakakaaram kan mga plano ko para saindo, mga plano na darahan kamo nin kaginhawahan asin bakong karatan, mga plano na tawan kamo nin paglaom sa saindong huring mga aldaw.

Jeremias 51:20

Nagsasabi an Kagurangnan, “Babilonia, ika an sakong martilyo asin armas sa gera. Ginamit taka sa pagsakop kan mga nasyon saka mga kahadean,

Jeremias 51:33

Dai na mahahaloy aanihon na sinda kan kaiwal saka titimaktimakan arog kan mga inani sa lugar na pinaggiginikan. Ako, an Kagurangnan nin mga hukbo, an Dios nin Israel, an nagtaram.”

Joel 3:2

Titiponon ko an gabos na nasyon asin dadarahon ko sinda sa Kapantayan nin Paghukom. Huhukoman ko sinda duman huli kan gabos na ginibo ninda sa sakong banwaan. Iwinarak ninda an mga Israelita sa dayuhan na mga nasyon asin binanga ninda an Israel, an sakong daga.

Lukas 3:17

May dara siyang saligsigan nganing saligsigon an gabos na inani. An trigo titiponon niya sa saiyang harong-harong, alagad an ata susuloon sa kalayong dai nasisigbo!”