Mikas 4:11 - Marahay na Bareta Biblia

¹¹ Dakul na nasyon an nagtiripon tanganing salakayon ka. Nagsasabi sinda, “Kaipuhan raoton an Jerusalem! Mahihiling ta an pagkaraot kan syudad na ini!”

Mikas 4:11 Iomraidhean Croise

Salmo 129:5

Magkasoropog logod asin magsiribog an gabos na naoongis sa Sion.

Salmo 83:5

Nagkakaoroyon sinda sa saindang plano; naggigibo nin tipan tumang saimo;

Isaias 10:7

Alagad igwa man nin sadiring plano an emperador nin Asiria. Boot niyang puhoon an dakul na nasyon.

Isaias 17:12

Nagkakariribok an mga mapangyaring nasyon; an ribok ninda arog sa hagubohob kan dagat, arog sa hampak nin dakulang mga alon.

Isaias 29:7

Dangan an gabos na hukbo kan mga nasyon na nagsasalakay sa syudad nin altar nin Dios, an saindang mga armas saka kagamitan—an gabos—mapapara siring sa sarong pangatorogan, siring sa sarong bisyon sa banggi.

Jeremias 52:4

kaya nag-abot si Nebukadnezzar kaiba an bilog niyang hukbo dangan sinalakay an Jerusalem kan ikasampolong aldaw kan ikasampolong bulan kan ikasiyam na taon kan paghahade ni Zedekias. Nagkampo sinda sa luwas kan syudad, nagtugdok nin panlaom na mga kudal sa palibot kaiyan,

Ezekiel 26:3

“Kaya iyo ini an itinataram ko, an Kagurangnan Dios: Kalaban mo ako, syudad nin Tiro, asin dadarahon ko an dakul na nasyon tanganing salakayon ka. Maabot sinda siring sa mga alon kan dagat.

Ezekiel 38:17

Ika an sinasabi ko kaidto, kan ipahayag ko sa paagi kan mga propeta nin Israel na sakuyang mga sorogoon, na sa maabot na aldaw dadarahon ko an sarong masalakay sa Israel.” An Kagurangnan Dios an nagtaram.

Obadias 1:12

Dai ka kutana nag-ogma sa kasakitan kan mga tugang mong lalaki sa Juda. Dai ka kutana nag-ogma sa aldaw kan saindang pagkarumpag. Dai ka kutana nagngisi sa aldaw nin saindang kasakitan.

Mikas 7:10

Dangan mahihiling iyan kan samong mga kaiwal asin mawawaraan sinda nin onra—an parehong mga kaiwal na nag-olog-olog samo sa pagsabing, “Haen an Kagurangnan na saindong Dios?” Mahihiling mi sindang daog, na tinitimaktimakan arog sa laboy sa mga tinampo.

Zacarias 12:3

Alagad pag-abot kan panahon na iyan, an Jerusalem gigibohon kong arog sa sarong magabat na gapo—an arin man na nasyon na maghingowang alsahon iyan makukulogan. Pagsasaroon kan gabos na nasyon sa kinaban an saindang kosog tanganing salakayon an Jerusalem.