Mikas 3:2 - Marahay na Bareta Biblia

² alagad naoongisan nindo an matanos asin namomotan an karatan. Inaanitan nindo an sakong banwaan dangan hinahaklas an laman hale sa saindang mga tolang.

Mikas 3:2 Iomraidhean Croise

1 Mga Hade 21:20

Kan mahiling ni Ahab si Elias, nagsabi siya, “Nanumpongan mo na naman ako, sakong kaiwal?” Nagsimbag si Elias, “Iyo, huli ta ipinabakal mo na an saimong sadiri sa paggibo nin karatan sa atubang nin Kagurangnan.

2 Mga Cronica 19:2

Alagad sarong propeta, si Jehu na aking lalaki ni Hanani, an nagsabat sa hade asin nagsabi, “Kaipuhan daw na tabangan mo an mga tampalasan asin apilan an mga naoongis sa Kagurangnan? Huli kan ginibo mong ini, maabot saimo an kaanggotan nin Kagurangnan.

Salmo 15:4

Ikinakaongis niya an mga isinisikwal nin Dios, alagad ginagalangan niya an mga may pagkatakot sa Kagurangnan. Inootob niya an saiyang panuga anoman an mangyari.

Salmo 53:4

Dai daw nakakasabot an mga tampalasan, na garo tinapay na kinakakan an sakuyang banwaan, asin dai nag-aapod sako?

Mga Talinhaga 28:4

An tampalasan inoomaw kan mga tawong nagpapabaya kan katogonan, alagad laban sainda an mga tawong nagkukuyog kaiyan.

Isaias 3:15

Mayo kamong deretso sa pagronot kan sakong banwaan, sa pag-api kan mga dukha. Ako, an Kagurangnan, an Dios nin mga hukbo, an nagtaram.”

Isaias 5:20

Herak man sa nagsasabing marahay an maraot asin maraot an marahay, sa mga tawong an kadikloman ginigibong liwanag, asin an liwanag ginigibong kadikloman, sa mga tawong an kapaitan ginigibong kahamisan asin an kahamisan ginigibong kapaitan!

Isaias 57:12

Naghohona kamong tama an saindong ginigibo, alagad ihahayag ko an saindong mga gawe, asin dai kamo matatabangan kan saindong mga dios-dios.

Ezekiel 11:7

“Kaya ini an tataramon ko saindo, ako an Kagurangnan Dios. Totoo man nanggad na an syudad na ini iyo an kaldero, alagad arin an karne? An mga bangkay kan saindong mga ginadan! Dai na kamo mag-eerok digdi—itinapok ko kamo sa luwas kan syudad!

Ezekiel 22:27

An mga opisyal kan gobyerno garo mga lobo na nagroronot kan mga hayop na saindang ginadan. Minagadan sinda tangani sanang yumaman.

Ezekiel 24:4

Bugtakan mo kan pinakamarahay na karne— an kawkawan asin an pata— saka an piling mga tolang na may laman.

Ezekiel 34:3

Iniinom nindo an gatas, ginigibong gubing an balukag asin binubuno nindo an pinakamarahay na mga karnero, alagad dai nindo sinda inaataman.

Amos 4:1

Dangoga nindo ini, kamong mga babaeng taga Samaria, na nagtataraba arog kan mga baka sa Basan, na nag-aapi kan mga maluluya, nagpapasakit kan mga dukha, saka nagboboot sa mga agom tanganing danay kamong tawan nin arak!

Amos 5:15

Kaongisan nindo an maraot, kamotan an tama, asin papagdanayon an hustisya sa mga hukoman; tibaad pa maherakan nin Kagurangnan an mga tawo sa nasyon na ini na nagkakaburuhay pa.

Mikas 2:8

Nagsisimbag an Kagurangnan, “Sinasalakay nindo an sakong banwaan siring sa mga kaiwal. Minapuruli an mga lalaki hale sa pakilaban, naghohona na ligtas sinda sa saindang harong, alagad yaon kamo duman, naghahalat tanganing habonon an saindang gubing.

Mikas 7:2

Mayo na minsan sarong onestong tawo sa daga, mayo maski sarong maimbod sa Dios. An gabos naghahalat kan tamang panahon tanganing manggadan. An lambang saro naghahanap kan saiyang kapwa tanganing gadanon.

Mikas 7:3

Gabos sinda eksperto sa paggibo kan maraot. An mga opisyal saka mga hukom naghahagad nin suhol. Sinasabihan sinda kan mapangyaring tawo kan saiyang kamawotan, asin tarabang sindang minagibo nin plano.

Sofonias 3:3

An mga opisyal niya arog sa nag-uungal na mga leon; an saiyang mga hukom arog sa paslong mga lobo, na minaubos sagkod kan tolang bago mag-abot an aga.

Lukas 19:14

Alagad ikinakaongis siya kan mga kahimanwa niya, kaya nagpadara sinda nin mga sugo tanganing magsabi, ‘Habo ming magin hade an tawong ini.’

Juan 18:40

Nagkurahaw sinda, “Bakong siya kundi si Barrabas!” (Ining si Barrabas sarong tulisan.)

Juan 7:7

Dai kamo ikakaongis kan kinaban, alagad ikinakaongis ako, huli ta pinapatotoohan ko an mga maraot na gibo kan kinaban.

Roma 1:32

Aram nindang sinasabi sa katogonan nin Dios na maninigong gadanon an mga tawong arog kaiyan an ginigibo, alagad padagos pa sinda sa paggibo nin maraot asin inooyonan pa ninda an mga naggigibo nin siring.

Roma 12:9

Dapat tunay an pagkaminorootan nindo. Ikaongis nindo an karatan asin magdanay kamo sa karahayan.

2 Timoteo 3:3

sinda magigin makuri, mayo nin pagkaherak, parapakaraot, maisog, saka maringis; ikakaongis ninda an marahay;