Mikas 2:7 - Marahay na Bareta Biblia

⁷ Sa paghona mo daw, nasa irarom nin maldisyon an banwaan nin Israel? Naubos na daw an pasensya nin Kagurangnan? Gibohon daw niya an mga bagay na iyan? Bakong may pagkaherak na tinataraman niya an mga naggigibo nin tama?”

Mikas 2:7 Iomraidhean Croise

Salmo 119:65

Pinapangagin mong marahay an saimong sorogoon, Kagurangnan, sosog sa saimong tataramon.

Salmo 119:68

Marahay ka asin naggigibo nin karahayan; tukdoe ako kan saimong mga kabotan.

Salmo 15:2

An makinuyog-kuyog sa Dios sa gabos na bagay asin naggigibo nin katanosan, an nagtataram nin katotoohan

Salmo 18:26

Mabini ka sa mga tawong mabini, alagad makuri ka sa mga tawong maraot.

Salmo 84:11

An Kagurangnan iyo an samong parasurog asin mamurawayon na hade; benebendisyonan niya kami nin karahayan asin onra. Karahayan dai niya isasayuma sa mga naggigibo nin matanos.

Mga Talinhaga 10:29

Iniingatan nin Kagurangnan an mga matanos, alagad ginagadan niya an mga naggigibo nin karatan.

Mga Talinhaga 10:9

An naglalakaw sa katanosan naglalakaw na matiwasay, alagad madadakop an may bikong pamumuhay.

Mga Talinhaga 14:2

An naglalakaw sa katanosan natatakot sa Kagurangnan, alagad an may bikong pamumuhay minasikwal saiya.

Mga Talinhaga 2:7

Siya an nagtatabang asin nag-iingat sa mga matanos saka onestong mga tawo.

Mga Talinhaga 28:18

An naglalakaw sa katanosan makakaligtas, alagad matutumba an may bikong pamumuhay.

Isaias 50:2

“Tadaw ta dai nakakasimbag an sakong banwaan kan dumanon ko sinda tanganing iligtas? Tadaw ta dai sinda nagsimbag kan ako nag-apod? Maluya daw ako kaya dai ko sinda kayang iligtas? Sa sarong pagboot mapapaalang ko an dagat. Magigibo kong desyerto an mga salog, tanganing an mga sira na yaon duman magadan sa paha.

Isaias 58:1

Nagsasabi an Kagurangnan, “Pagkurahaw nin makosog! Sabihi an sakong banwaan na Israel dapit kan saindang mga kasalan!

Jeremias 15:16

Nagtaram ka sako, asin dinangog ko an lambang tataramon mo. Sadiri mo ako, Kagurangnan Dios nin mga hukbo, kaya an saimong tataramon kaogmahan asin kagayagayahan kan sakong puso.

Jeremias 2:4

Hinanyoga nindo an mensahe nin Kagurangnan, mga kapagarakian ni Jacob, mga tribu nin Israel.

Oseas 14:9

An nakasurat digdi masabotan logod kan mga madonong asin itanom logod ninda sa saindang puso. Matanos an mga paagi nin Kagurangnan, asin nabubuhay an mga matanos na tawo huli sa pagsunod kan mga iyan, alagad nasisingkog saka natutumba an mga parakasalang minasuway kaiyan.

Mikas 3:9

Dangoga nindo ako, kamong mga pamayo nin Israel, na naoongis sa hustisya asin nagbibiko sa katanosan.

Zacarias 4:6

Tinaraman ako kan anghel na itao ki Zerubabel an mensaheng ini na hale sa Kagurangnan: “Magigin mauswag ka, bakong huli sa kosog nin hukbo o huli sa sadiri mong kosog, kundi huli sa sakong espiritu.

Mga Bilang 11:23

Tinaraman nin Kagurangnan si Moises, “Igwa daw nin kasagkoran an sakong kapangyarihan? Mahihiling mo ngunyan kun mangyayari an sakong itinaram o dai!”

Mateo 3:8

Ipahiling nindo sa gibo na kamo nagbakle na.

Juan 8:39

Nagsimbag sinda, “Si Abraham an samong ama.” “Kun mga aki kamo ni Abraham, naggigibo man kutana kamo kan mga bagay na ginibo ni Abraham,” an sabi ni Jesus.

Roma 7:13

Nangangahulogan daw iyan na an marahay nagin dahelan kan sakong kagadanan? Dai! An kasalan an nagin dahelan kan sakong kagadanan sa paagi kan karahayan, tanganing ikapahiling an tunay na kolor kan kasalan. Kaya sa paagi nin togon ipinapahiling na maraot na gayo an kasalan.

2 Corinto 6:12

Mayo kaming tinatago saindo; kamo an may tinatago samo.

2 Timoteo 3:5

magsusunod kan panluwas na tanda kan satong relihiyon, alagad nenegaran ninda an tunay na kapangyarihan kaiyan. Likayan mo an siring na mga tawo.