Mikas 2:4 - Marahay na Bareta Biblia

⁴ Pag-abot kan panahon na iyan, gagamiton nin mga tawo an istorya dapit saindo bilang sarong arogan nin kapahamakan, dangan aawiton ninda ining awit nin mayong paglaom dapit sa nangyari saindo: Buminagsak na nanggad kita! Kinua nin Kagurangnan an satong daga Asin itinao sa mga nagbihag sa sato.”

Mikas 2:4 Iomraidhean Croise

2 Samuel 1:17

Dangan inawit ni David an panambitan na ini para ki Saul asin sa aki niyang si Jonatan.

2 Mga Cronica 35:25

Sarong panambitan an ginibo ni Jeremias para ki Josias. Poon kaidto nagin kaugalean na an pag-awit kan panambitan na ini kan parakantang mga lalaki saka mga babae, kun nagmomondo sinda para ki Josias; ginibo ining sarong pagboot sa Israel. An awit na ini makukua sa libro nin mga panambitan.

An Libro ni Job 27:1

Dangan pinadagos ni Job an saiyang pagtaram:

Isaias 14:4

Kun gibohon na niya ini, pag-oolog-ologon kan mga Israelita an hade nin Babilonia asin magsasarabi: “Buminagsak na an makuring hade! Dai na nanggad siya makakaapi sa kiisay man!

Isaias 24:3

Mararaot an daga asin magagaba, huli ta ini an itinaram nin Kagurangnan.

Isaias 6:11

Naghapot ako, “Sagkod nuarin ini magigin siring, Kagurangnan?” Nagsimbag siya, “Sagkod na magkararaot an mga syudad asin mayo nang mag-erok diyan, sagkod na an mga harong diyan mayo na nin nag-eerok—sagkod na an daga dai na mapakinabangan.

Jeremias 14:18

Kun minaduman ako sa kaomahan, nahihiling ko an mga nagadan sa gera. Kun minaduman ako sa mga banwa, nahihiling ko an mga tawong nagagadan sa gutom. Padagos sa pag-otob kan saindang katongdan an mga propeta saka mga padi, alagad dai ninda aram kun ano an saindang ginigibo.”

Jeremias 4:13

Hilinga nindo, nagdadangadang na garo mga panganoron an kaiwal. Garo aripuros an saiyang karwaheng panggera, asin marikas pa sa mga agila an saiyang mga kabayo. Herak man sato, huli ta iyo na ini an kataposan ta.

Jeremias 6:12

An saindang mga harong itatao sa iba, siring man an saindang mga oma saka mga agom na babae. Papadusahan ko an mga nag-eerok sa dagang ini.

Jeremias 8:10

Kaya itatao ko sa ibang lalaki an saindang mga agom, siring man an saindang mga oma. An lambang saro, poon sa kasaradayan sagkod sa haralangkaw na tawo, nandadaya tanganing yumaman; nandadaya maski an mga propeta saka mga padi.

Jeremias 9:10

Nagsabi ako, “Magmomondo ako para sa kabukidan asin magtatangis para sa mga pasabsaban, huli ta aralang na sinda, asin mayo na nin nag-aagi sainda. An inungal kan mga hayop dai na nadadangog; an mga gamgam saka mga lalaw na hayop nagdurulag saka nagharale na.”

Jeremias 9:16

Iwawarak ko sinda sa mga nasyon na dai pa lamang ninda nadangog, ni kan saindang mga ginikanan. Mapadara ako nin mga hukbo na masalakay sainda sagkod na maubos ko sinda.”

Ezekiel 16:44

Nagtaram an Kagurangnan, “Gagamiton kan mga tawo an talinhagang ini manongod saimo, Jerusalem: ‘Kun ano an ina, iyo man an aking babae.’

Ezekiel 2:10

Binukasan kan kamot an libro asin nahiling ko na an mag-ibong kaini pano nin surat—nasusuratan ini nin mga panambitan, mga pagmondo, asin mga pag-agrangay.

Joel 1:13

Pagsulot nin sako asin pagtangis, kamong mga padi na naglilingkod duman sa altar! Paglaog kamo sa Templo asin pagmondo sa bilog na banggi! Mayo nang trigo o arak na ikakadolot sa saindong Dios.

Joel 1:8

Pagtangis kamo, arog sa sarong daraga na ipinagmomondo an kagadanan kan lalaking saiyang magigin agom.

Amos 5:1

Banwaan nin Israel, dangoga ining panambitan na aawiton ko saindo:

Amos 5:17

Magkakaigwa man nin pagtangis sa mga ubasan huli ta madatong ako sa pagpadusa saindo.” An Kagurangnan an nagtaram.

Mikas 1:15

Mga taga Maresa, itatao kamo nin Kagurangnan sa kamot kan kaiwal, na masakop kan saindong banwa. An mga lider nin Israel madulag saka matago sa lungib sa Adullam.

Mikas 1:8

Dangan nagsabi si Mikas, “Huli kaini, magmomondo saka mananambitan ako. Malakaw akong nakabitis asin huba sa pagpahiling kan sakong kamondoan. Makurahaw ako arog sa sarong lalaw na ayam asin mahaya ako arog sa dakulang gamgam.

Mikas 2:10

Bangon kamo asin lakaw; mayo na nin kaligtasan digdi para sa saindo. Ipinahamak kan saindong mga kasalan an lugar na ini, kaya raraoton ini.

Habakkuk 2:6

Oolog-ologon kan mga nasakop na banwaan an mga nagsakop sainda asin papahilingan kan saindang pagkauyam. Masabi sinda, “Nangungua kamo kan bako saindo, alagad herak man saindo! Sagkod nuarin kamo magpapayaman huli sa pagpirit kan mga nagkautang saindo na magbayad na?”

Sofonias 1:2

Nagtaram an Kagurangnan, “Raraoton ko an gabos sa daga,

Mga Bilang 23:18

asin sinabi ni Balaam an propesiyang ini: “Madya Balak, aking lalaki ni Zippor, Asin hinanyoga an sakong sasabihon.

Mga Bilang 23:7

Sinabi ni Balaam an propesiyang ini: “Ipinaapod ako ni Balak na hade nin Moab Hale sa Siria, hale sa kabukidan sa sirangan. An sabi niya sako, ‘Madya, maldisyonon mo si Jacob. Madya, isikwal mo an banwaan nin Israel!’

Mga Bilang 24:15

Dangan sinabi niya an propesiyang ini: “An mensahe ni Balaam, na aking lalaki ni Beor, An mensahe kan tawong malinaw an panhiling;

Mga Bilang 24:3

asin sinabi niya an propesiyang ini: “An mensahe ni Balaam, na aking lalaki ni Beor, An mensahe kan tawong may malinaw na panhiling,

Markos 12:12

Hiningowa nindang dakopon si Jesus huli ta nasabotan ninda na sinda an pinapanongdan kan parabolang inosipon niya. Alagad takot sinda sa mga tawo, kaya binayaan ninda si Jesus saka nagharale.

Deuteronomio 28:29

Sa liwanag nin kaodtohan, makapkap kamo siring sa sarong buta. Dai kamo mauswag sa ano man na trabaho nindo. Padagos kamong aapihon saka hahabonan asin mayo nin siisay man na matabang saindo.