Mikas 2:2 - Marahay na Bareta Biblia

² Kun mawot ninda an kaomahan, inaagaw ninda iyan; kun mga harong an mawot ninda, kinukua ninda iyan. Bako nang ligtas an pamilya o pagsadiri nin sarong tawo.

Mikas 2:2 Iomraidhean Croise

1 Mga Hade 21:1

Harani sa palasyo ni Hadeng Ahab sa Jezreel igwa nin sarong ubasan na sadiri nin sarong lalaki na an ngaran Nabot.

2 Mga Hade 9:26

‘Nahiling ko kasuodma an paggadana ki Nabot asin sa saiyang mga aking lalaki. Nanunuga ako na papadusahan taka digdi sa lugar na ini.’ Kaya buhaton mo an saiyang bangkay asin itapok mo sa daga ni Nabot, tanganing maotob an tataramon nin Kagurangnan.”

An Libro ni Job 31:38

“Kun hinabonan an daga na sakong inooma asin inagaw ko iyan sa tunay na kagsadiri—

Exodo 20:17

“Dai kamo maara sa harong kan ibang tawo; dai kamo maara sa saiyang agom, sa saiyang mga oripon, asin sa saiyang mga baka, mga asno o sa ano man na pagsadiri niya.”

Isaias 3:14

Huhukoman nin Kagurangnan an mga pamayo saka an mga kamagurangan kan saiyang banwaan. Ini an pahayag nin Kagurangnan: “Kamo an nagsamsam kan mga ubasan; nasa saindong mga harong an mga nasamsam nindo sa mga dukha.

Isaias 5:8

Herak man sa mga tawong nagsusugpon nin harong sa dati na nindang harong, mga tawong nagdadagdag nin oma sa saindang oma sagkod na dai na nin ibang nag-eerok sa daga kundi sinda na sana.

Jeremias 22:17

Alagad mayo ka nin ibang hinihiling kundi an saimong sadiri; ginagadan mo an mayo nin sala asin madahas mong inaapi an saimong banwaan. An Kagurangnan an nagtaram.

Ezekiel 18:12

Dinadaya niya an mga dukha, nanghahabon siya asin dai niya ipinupuli an isinangra kan nag-utang saiya. Nagduduman siya sa mga paganong altar asin nagsasamba sa makauuyam na mga dios-dios,

Ezekiel 22:12

An iba sa sainda nagpapatandan tanganing manggadan. An iba nagpapautang sa kapwa Israelita na igwa nin dakulang tubo. Nalingawan na ninda ako.” An Kagurangnan Dios an nagtaram.

Ezekiel 22:13

“Kaya ngunyan, papadusahan ko kamo huli kan saindong mga panghahabon saka mga panggagadan.

Ezekiel 33:26

Nananarig kamo sa saindong mga espada. Makauuyam an saindong mga gawe, asin an lambang saro saindo nakikidorog sa bako niyang agom. Paano nindo naiisip na sadiri nindo an daga?

Ezekiel 45:9

Nagtaram an Kagurangnan Dios, “Nagkasala kamo sa haloy nang panahon, mga pamayo nin Israel! Ontoka nindo an kadahasan asin an pang-aapi. Giboha nindo an matanos asin tama. Dai na nanggad nindo pagpahaleon sa saindang daga an sakuyang banwaan. Ako, an Kagurangnan Dios, an nagtataram saindo kaini.

Ezekiel 46:18

An prinsipe dai dapat magkua kan arin man na pagsadiri kan mga tawo. An arin man na daga na ipapamana niya sa saiyang mga aking lalaki kaipuhan gikan sa daga na sadiri niya, tanganing dai niya maapi an siisay man sa sakuyang banwaan sa paagi kan pagkua niya kan saindang daga.”

Ezekiel 8:17

Sinabihan ako kan Kagurangnan, “Aki nin tawo, nahihiling mo iyan? An mga taga Judang ini dai pa nakokontento kan ginigibo nindang makauuyam na mga bagay na nahihiling mo digdi, asin kan pagpalakop nin kadahasan sa bilog na daga. Kundi digdi pa ninda ginigibo an mga iyan sa laog kan Templo asin orog na pinapaanggot ako. Hilinga an pag-olog-olog ninda sako sa paaging orog na nakakapaanggot sako!

Amos 2:7

Tinitimaktimakan ninda sa alpog an payo kan mga dukha asin itinutuklang ninda paluwas sa dalan an mga daing sukat. Dinodorogan nin mag-ama an babaeng oripon, kaya linalanghadan ninda an sakong ngaran.

Amos 4:1

Dangoga nindo ini, kamong mga babaeng taga Samaria, na nagtataraba arog kan mga baka sa Basan, na nag-aapi kan mga maluluya, nagpapasakit kan mga dukha, saka nagboboot sa mga agom tanganing danay kamong tawan nin arak!

Amos 8:4

Dangoga nindo ini, kamo na nagtitimaktimak sa mga daing sukat asin nagpapasakit sa mga dukha kan daga.

Mikas 3:9

Dangoga nindo ako, kamong mga pamayo nin Israel, na naoongis sa hustisya asin nagbibiko sa katanosan.

Mikas 6:12

An saimong mga mayaman na namamanwaan nang-aapi sa mga dukha asin gabos sinda putikon.

Malakias 3:5

Nagsasabi an Kagurangnan nin mga hukbo, “Madatong ako sa tahaw nindo sa paghukom, asin ako an masaksi laban sa mga parakulam, sa parasambay, sa mga nagsasaksi nin putik, sa mga nagdadaya kan bayad kan mga parapatandan, asin sa mga nang-aapi sa mga babaeng balo, mga ilo, asin mga dayuhan—sa gabos na dai minagalang sako.

Mateo 23:13

“Herak man saindo, mga paratukdo kan Katogonan asin mga Fariseo! Mga parasagin-sagin! Sineserahan nindo sa mga tawo an Kahadean nin langit. Kamo mismo dai minalaog asin inoolang pa nindo an boot lumaog! (

1 Timoteo 6:10

Huli ta an pagkamoot sa kwarta iyo an gamot kan gabos na karatan. Dahel sa pagkamoot sa kwarta dakul an nagbaya sa pagtubod asin nagtao iyan nin makuring kasakitan sa saindang mga puso.