Mikas 1:7 - Marahay na Bareta Biblia

⁷ Maroronot an gabos na mahalagang mga ladawan, masusulo an gabos na tandan sa mga maraot na babae sa templo, asin magigin sarong tambak nin ati an gabos na dios-dios. Huli ta tinipon nin Samaria an mga bagay na ini hale sa mga tandan sa mga maraot na babae sa templo, kaya dadarahon sinda kan saindang mga kaiwal sa ibang lugar bilang mga maraot na babae sa templo.”

Mikas 1:7 Iomraidhean Croise

2 Mga Cronica 31:1

Pakatapos kan pyesta, naglibot an mga Israelita sa mga syudad nin Juda asin pinaralod an mga harigi saka mga simbolo kan diosang si Asera saka rinaot an mga paganong altar asin mga lugar na pagsasambahan sa bilog na Juda, sa Benjamin, sa Efraim asin sa Manases. Pakatapos nagpuruli sinda gabos sa saindang harong.

Isaias 2:18

Dangan magkakawarara an mga dios-dios.

Isaias 23:17

Pakalihis kan setentang taon, aatamanon man giraray nin Kagurangnan an Tiro, asin makikipagnegosyo giraray siya sa gabos na kahadean kan kinaban.

Isaias 27:9

Alagad papatawadon sana an kasalan nin Israel kun an mga gapo sa paganong mga altar maronot na arog sa tisa, asin mayo nang nagtitindog na altar nin insenso o simbolo kan diosang si Asera.

Ezekiel 6:6

An gabos na syudad nin Israel marurumpag, tanganing an gabos nindang altar saka mga dios-dios magkaroronot, an saindang mga altar nin insenso magkararaot asin mapapara an gabos nindang ginibo.

Oseas 2:12

Raraoton ko an saiyang tinanom na mga ubas asin mga kahoy na higera, na sinabi niyang ibinayad saiya kan mga namomoot saiya karibay kan saiyang paglingkod sainda. An saiyang mga ubasan saka mga kahoy na higera gigibohon kong sarong kalangtadan; raraoton an mga iyan kan mga lalaw na hayop.

Oseas 2:14

Kaya ipag-iiba ko giraray siya sa desyerto; duman bibihagon ko giraray siya sa paagi nin mga tataramon nin pagkamoot.

Oseas 8:5

Ikinakaongis ko an bulawan na baka na sinamba kan mga taga Samaria. Naglalaad an sakong kaanggotan laban sainda. Nuarin ninda babayaan an pagsamba sa mga dios-dios?

Oseas 8:6

Sarong Israelitang panday an naggibo kan ladawan; bako iyan Dios! Maroronot an bulawan na baka na sinamba sa Samaria!

Joel 3:3

Nagripa sinda tanganing aramon kun kiisay mapapaduman an mga bihag. Ipinabakal ninda bilang mga oripon an hoben pang mga lalaki saka mga babae tanganing magkaigwa nin pambayad para sa maraot na mga babae saka arak.

Levitico 26:30

Raraoton ko an mga lugar na saindong pinagsasambahan sa kabubuldan, gagabaon ko an mga altar nin insenso, dangan itatapok ko an saindong mga bangkay sa ibabaw kan tumba nindong mga dios-dios. Sa kaanggotan,

Deuteronomio 23:18

An kwartang kabayadan kan siring na karigsokan dai dapat pagdarahon sa templo nin Dios bilang pag-otob nin sarong panuga; ikinakaongis nin Kagurangnan an siring na mga tawo.

Deuteronomio 9:21

Kinua ko an makasalan na bagay na iyan, an metal na baka na ginibo nindo, isinugba ko sa kalayo asin pinasa, giniling ko siring sa alpog, dangan ipinaanod an alpog duman sa sapa na nagbubulos sa bukid.

Kapahayagan 18:3

Huli ta an gabos na nasyon nag-inom kan arak nin saiyang karigsokan. An mga hade sa kinaban nakipagdorogan saiya asin an mga negosyante sa daga nagyaman huli kan sobra niyang kapasloan sa laman.”

Kapahayagan 18:9

Pagtatangisan asin paghahayaan siya kan mga hade sa kinaban na nakipagdorogan saiya asin nagpalabi sa kaibahan niya, kun mahiling ninda an aso nin saiyang pagkasulo.

1 Samuel 5:4

Kan sunod na aldaw, nahiling ninda na nakadapa na naman sa atubangan kan Kaban nin Tipan an estatwa ni Dagon. Putol an payo asin mga kamot kaini na nagkakurua ninda sa may pintoan; an hawak na sana kan estatwa an natada ki Dagon. (