Mikas 1:6 - Marahay na Bareta Biblia

⁶ Kaya nagsasabi an Kagurangnan, “Raraoton ko an Samaria sagkod na magin sarong tambak iyan nin daga sa kaomahan, sarong lugar na pagtatanoman nin ubas. An mga gapo kan syudad iuula ko sa kapantayan, asin mahahayag an mga pundasyon kan syudad.

Mikas 1:6 Iomraidhean Croise

2 Samuel 17:13

Kun magsibog siya sa sarong syudad, madara an satong mga tawohan nin mga pisi, dangan satong guguyodon an syudad pasiring sa kapantayan sagkod na mayo ni sarong gapo na matada sa dating namumugtakan kaiyan.”

2 Mga Hade 18:10

Pakalihis nin tolong taon, nasakop niya an Samaria. Ikaanom na taon na kaidto kan paghahade ni Ezekias asin ikasiyam na taon na ni Oseas.

2 Mga Hade 18:9

Kan ikaapat na taon nin paghahade ni Ezekias sa Juda asin ikapitong taon nin paghahade ni Hadeng Oseas sa Israel, sinalakay ni emperador Salmaneser nin Asiria an Israel asin pinalibotan an Samaria.

2 Mga Hade 19:25

“Dai mo pa nanggad nabaretaan na ako an nagplano kan gabos na ini kaidto? Ngunyan ginibo ko na! Tinawan taka nin kapangyarihan sa pagrumpag nin mga pinapusog na mga syudad.

Isaias 17:1

Nagtaram an Kagurangnan, “An Damasco dai na magigin sarong syudad, kundi magigin sarong tambak nin mga gaba.

Isaias 25:12

Raraoton nin Dios an mga bantayan nin Moab kaiba kan mga halangkaw na kudal kaini asin tutumbahon niya an mga iyan sa daga.

Isaias 25:2

Ginaraba mo an mga syudad asin rinaot mo an mga pampapusog kaiyan. Mayo na an mga palasyo na itinugdok kan samong mga kaiwal; dai na nanggad iyan hihirahayon.

Jeremias 31:5

Matanom giraray kamo nin mga ubas sa kabubuldan nin Samaria, asin an mga nagtanom kaiyan makakan kan mga bunga kaiyan.

Jeremias 51:25

Babilonia, arog ka sa sarong bukid na nagraraot kan bilog na kinaban, alagad ako, an Kagurangnan, iyo an saimong kalaban. Tutupagon taka, papatagon, asin babayaan na abo na sana.

Jeremias 51:37

An nasyon na iyan magigin sarong tambak nin mga raot, na pag-eerokan nin mga lalaw na hayop. Siya magigin sarong tanawon na nakakatakot; mayo na nin mag-eerok duman, asin an gabos na makahiling saiya magkakamorongnan.

Jeremias 9:11

Nagtataram an Kagurangnan, “An Jerusalem gigibohon kong sarong tambak nin mga raot, sarong lugar na eerokan nin mga lalaw na ayam; an mga syudad nin Juda magigin sarong desyerto, lugar na mayong nag-eerok na tawo.”

Mga Panambitan 4:1

Nag-itom na nin marahay an dating nagkikinang na bulawan! An mga gapo kan Templo nagkawararak na sa mga tinampo.

Ezekiel 13:14

Rurumpagon ko an kudal na tinapalan nindo nin karboro, tanganing mahiling an mga pundasyon. Marurumpag iyan asin magagadan kamo gabos. Dangan maaaraman nindo na ako an Kagurangnan.

Oseas 13:16

Kaipuhan na padusahan an Samaria huli ta nagrebelde iyan sako. Magagadan sa gera an saiyang mga namamanwaan; roronoton sa daga an saiyang mga omboy asin lalaslason an mga tulak kan mga bados na babae.”

Amos 5:11

Inapi nindo an mga dukha saka hinabonan kan saindang kakanon, kaya dai kamo mag-eerok sa pinatindog nindong magayon na mga harong na gibo sa gapo, ni mag-iinom kan arak hale sa magagayon nindong ubasan.

Amos 6:8

Itinao na nin Kagurangnan, an Dios nin mga hukbo, an patanid na ini: “Ikinakaongis ko an kapalangkawan kan banwaan nin Israel; ikinakauyam ko an magagayon nindang mga harong. An saindang pangenot na syudad saka an gabos na yaon diyan itatao ko sa kaiwal.”

Mikas 3:12

Kaya, huli sa saindo, aaradohon an Sion arog sa sarong oma, magigin sarong tambak nin raot an Jerusalem, asin magigin sarong kadlagan an bulod na natitindogan kan Templo.

Habakkuk 3:13

Nagluwas ka sa pagligtas kan saimong banwaan, sa pagligtas kan hadeng saimong pinili. Ginadan mo an pamayo kan mga maraot asin pinuho an saiyang mga parasunod.

Mateo 24:2

Sinabihan sinda ni Jesus, “Nahihiling nindo an gabos na iyan? Sa katotoohan sinasabihan ko kamo, mayo diyan nin matatada ni sarong gapo sa ibabaw nin saro pang gapo; an gabos marurumpag.”