Mikas 1:5 - Marahay na Bareta Biblia

⁵ Mangyayari an gabos na ini huli ta nagkasala sa Dios an Israel. Siisay an dapat basolon sa pagrebelde nin Israel? Mayong iba kundi an Samaria, an pangenot na syudad! Siisay sa Juda an nagkasala nin pagsamba sa mga dios-dios? Mayong iba kundi an Jerusalem!

Mikas 1:5 Iomraidhean Croise

1 Mga Hade 11:7

Sa bukid sa sirangan nin Jerusalem, nagpatugdok siya nin sarong altar para ki Kemos, an makauuyam na dios nin Moab, asin para ki Molek, an nakakauuyam na dios nin Ammon.

1 Mga Hade 13:32

Mapapatotoohan an mga tataramon na, sa pagboot nin Kagurangnan, sinabi niya laban sa altar sa Betel asin laban sa gabos na altar na pagsasambahan sa mga banwa nin Samaria.”

1 Mga Hade 16:24

Dangan binakal niya an bulod nin Samaria sa halagang anom na ribong pedaso nin plata sa sarong lalaki na an ngaran Semer. An bulod pinapusog ni Omri, tinugdokan nin sarong banwa, asin nginaranan niyang Samaria, sosog sa ngaran ni Semer na dating kagsadiri kan bulod.

2 Mga Cronica 34:3

Sa ikawalong taon kan paghahade ni Josias, maski hoben pa siya, nagpoon siyang magsamba sa Dios nin saiyang ginikanan na si David. Pakalihis nin apat na taon, pinonan niyang haleon sa Juda saka sa Jerusalem an paganong mga lugar na pagsasambahan kan mga dios-dios asin an mga tanda kan diosang si Asera pati an inukit saka tinunaw na mga imahen.

2 Mga Cronica 34:4

Sa pagboot niya, ginaba kan mga tawohan niya an mga altar ni Baal saka an mga altar nin insenso na harani duman. Pinasa niya an mga tanda kan diosang si Asera pati an inukit saka tinunaw na mga imahen. An mga ini rinonot niya siring sa alpog dangan iwinarak sa ibabaw kan mga lulubngan kan mga tawong nagsakripisyo sa mga ini.

Isaias 7:9

An pangenot na syudad nin Israel iyo an Samaria, asin an pamayo nin Samaria si Peka na aki ni Remalias. “Kun dai kamo magtubod, dai kamo mapapapusog.”

Jeremias 2:17

Israel, ika an nagdara kaini sa saimong sadiri! Tinalikodan mo ako, an Kagurangnan na saimong Dios, kan pinapangenotan ko kamo sa saindong pagbaklay.

Jeremias 2:19

An saimong karatan iyo an mapadusa saimo dangan an pagtalikod mo sako iyo an makondenar saimo. Maaraman mo kun gurano kapait asin karaot an pagtalikod sako, an Kagurangnan na saimong Dios, pati an dai mo pagdanay na maimbod sako. Ako, an Kagurangnan, an Dios nin mga hukbo, an nagtaram.”

Jeremias 23:13

Nahiling ko an kasalan kan mga propeta nin Samaria: nagpropesiya sinda sa ngaran ni Baal asin linagalag ninda an sakong banwaan.

Jeremias 23:14

Alagad orog pa an karatan na ginigibo kan mga propeta sa Jerusalem: nakikidorog sinda sa bako nindang agom saka nagtataram nin mga kaputikan; tinatabangan ninda an mga tawo sa paggibo nin maraot, kaya mayo nin minaontok sa paggibo nin karatan. Para sako, gabos sinda maraot arog kan mga taga Sodoma saka mga taga Gomorra.

Jeremias 4:18

Juda, ika man sana an nagpadusa sa saimong sadiri huli kan saimong pamumuhay asin gibo. Iyo na ini an saimong kataposan, asin ini mapait; tuminadom ini sa saimong puso.

Jeremias 5:25

An saindong mga kasalan iyo an nag-olang tanganing dai nindo makamtan an mga marahay na bagay na ini.

Jeremias 6:19

Paghinanyog, kinaban! An mga tawong ini dadarahan ko nin karatan, na bunga kan saindang mga plano; huli ta dai ninda dinangog an sakong mga tataramon asin isinikwal ninda an sakong katogonan.

Mga Panambitan 5:16

Mayo nang natada sa mga ipinag-oorgulyo nyamo; nagkasala kami, herak man samo!

Ezekiel 16:46

“An matua mong tugang na babae, kaiba an saiyang mga baryo, iyo an Samaria, sa amihan. An ngohod mong tugang na babae, kaiba an saiyang mga baryo, iyo an Sodoma, sa habagat.

Oseas 7:1

“Sa mga panahon na boot ko nang bolongon an sakong banwaan na Israel asin pauswagon giraray sinda, mayo akong nahihiling kundi an saindang katampalasan na saindang ginigibo. Dinadaya ninda an saindang kapwa; sinasalakat ninda an mga harong; asin hinahabonan ninda an mga tawo sa mga tinampo.

Amos 6:1

Herak man saindo na namumuhay sa kaginhawahan sa Sion asin sa saindo na nakakamate nin katiwasayan sa Samaria—kamong bantog na kalalakihan kaining dakulang nasyon nin Israel, kamong dinudolok kan mga tawo tanganing magpatabang!

Amos 7:9

Mararaot an mga lugar na pinagsasambahan kan kapagarakian ni Isaac. Magkakagaraba an mga banal na lugar nin Israel. Tataposon ko an paghahade kan lahi ni Hadeng Jeroboam.”

Amos 8:14

An mga tawong nagsusumpa huli sa ngaran kan mga dios-dios nin Samaria, na nagsasabing, ‘Huli sa ngaran kan dios nin Dan,’ o, ‘Huli sa ngaran kan dios nin Beer-sheba’—matutumba asin dai na makakabangon giraray.”

Mikas 1:13

Kamong mga taga Lakis, igakod nindo an mga kabayo sa mga karwahe. Inarog nindo an mga kasalan nin Israel, kaya kamo an nagin dahelan kan pagkasala nin Jerusalem.