Mikas 1:4 - Marahay na Bareta Biblia

⁴ Matutunaw an kabukidan sa irarom niya arog kan taro sa kalayo; maburulos sinda pasiring sa mga kapantayan siring sa tubig na nagbubulos hale sa bulod.

Mikas 1:4 Iomraidhean Croise

Salmo 46:6

Nagkakatarakot an mga nasyon, nagtatarakig an mga kahadean; nagdadaguldol an Dios asin natutunaw an daga.

Salmo 68:2

Siring na an aso ipinapalid, alawon mo logod sinda; siring na an taro natutunaw sa kalayo, an tampalasan mapara logod sa atubang nin Dios!

Salmo 97:5

An mga bukid natutunaw siring sa taro sa atubang nin Kagurangnan, sa atubang nin Kagurangnan kan bilog na daga.

Amos 9:5

An kinaban dinudutaan nin Kagurangnan, an Dios nin mga hukbo, asin tinatakigan iyan; an gabos na nag-eerok diyan nagmomondo. An bilog na daga minaitaas asin minaibaba arog sa Salog nin Nilo.

Nahum 1:5

Minalinog an kabukidan sa atubangan nin Kagurangnan; natutunaw an kabubuldan. Kun minatunga an Kagurangnan tinatakigan an kinaban; minakubogkubog an daga asin an mga tawong nag-eerok diyan.

Habakkuk 3:10

Kan mahiling ka kan kabukidan, tinakigan sinda; nagbulos an tubig hale sa kalangitan. Naghagubohob an katubigan sa irarom kan daga, asin nag-orolanto an saindang mga alon.

Habakkuk 3:6

Kun siya minaontok, an daga minakunogkunog; sa saiyang paghiling an mga nasyon minakubogkubog. Nagkawarasak an mayong kataposan na kabukidan; nag-urulnod an mayong kataposan na kabubuldan, an kabubuldan na saiyang linakawan kan suanoy na panahon.

Zacarias 14:4

Sa panahon na iyan, matindog siya sa Bukid nin mga Oliba, sa parteng sirangan kan Jerusalem. Dangan mababanga sa duwang kabtang an Bukid nin Oliba, magpoon sa sirangan sagkod sa solnopan huli sa sarong dakulang kapantayan. Mapapaduman sa amihan an kabanga kan bukid, asin sa habagat an kabanga.

Kapahayagan 20:11

Dangan nahiling ko an sarong dakula asin puting trono saka an nakatukaw duman. Napara sa atubang niya an daga saka an langit asin dai na nanggad nahiling an mga ini.

Hukom 5:4

O Kagurangnan, kan bayaan mo an kabukidan nin Seir, kan magluwas ka hale sa rehiyon nin Edom, tinakigan an daga, nagbulos an uran hale sa kalangitan. Iyo, nagbulos an tubig hale sa mga dampog.