Mikas 1:16 - Marahay na Bareta Biblia

¹⁶ Mga taga Juda, putola an saindong mga buhok sa pagmondo para sa namomotan nindong kaakian. Aroga nindo an pagkaangas kan bwitre, huli ta itatapok an saindong kaakian.

Mikas 1:16 Iomraidhean Croise

2 Mga Hade 17:6

Kan ikasiyam na taon kan paghahade ni Hosea, nasakop kan emperador nin Asiria an Samaria. An mga Israelita dinara niya sa Asiria bilang mga bihag, dangan pinaerok sa syudad nin Hala, asin sa harani kan salog nin Habor sa distrito nin Gozan, saka sa mga syudad nin Media.

An Libro ni Job 1:20

Dangan nagtindog si Job asin ginisi an saiyang gubing sa kamondoan. Inaris niya an buhok sa saiyang payo dangan nagdapa siya sa daga.

Isaias 15:2

An mga taga Dibon minasarakat sa itaas kan bulod tanganing magtangis sa paganong mga lugar na pagsasambahan. Sa kamondoan, tatangisan kan mga taga Moab an mga syudad nin Nebo saka Medeba; inaris ninda an buhok sa saindang mga payo asin barabas sa kamondoan.

Isaias 22:12

Inapod kamo kaidto kan Kagurangnan Dios nin mga hukbo tanganing maghibi saka magmondo, mag-aris kan saindong payo saka magsulot nin sako.

Jeremias 16:6

An mayaman saka an dukha magagadan sa dagang ini; dai sinda ilulubong ni tatangisan. Mayo nin siisay man na malugad kan saiyang sadiri ni maaris kan saiyang buhok tanganing ipahiling an saiyang pagmondo para sainda.

Jeremias 4:8

Kaya magsulot kamo nin sako, magtangis kamo saka maghaya huli ta an mabangis na kaanggotan nin Kagurangnan sa Juda dai nahahale.

Jeremias 47:5

Dakulang kamondoan an nag-abot sa mga taga Gaza, asin dai nagkakaalo an mga taga Askelon. Sagkod nuarin magmomondo an mga natada sa mga Filisteo?

Jeremias 6:26

Tinataraman nin Kagurangnan an saiyang banwaan, “Magsulot kamo nin sako saka magligid kamo sa abo. Magtangis kamo na pano nin kapaitan, arog kan pagtangis para sa bugtong na aking lalaki, huli ta madali nang mag-abot saindo an paragadan.

Jeremias 7:29

“Pagmondo kamo, mga taga Jerusalem; putolon nindo an saindong buhok asin tapokan sa harayo. Manambitan kamo sa ibabaw kan kabubuldan, huli ta ako, an Kagurangnan, naaanggot asin isinisikwal ko an sakong banwaan.

Mga Panambitan 2:19

Sa bilog na banggi magtindog ka asin mag-apod sa Kagurangnan; siring sa tubig, iula mo an saimong puso sa atubangan nin Kagurangnan! Makimaherak ka para sa saimong mga aki na nadidismayo sa gutom sa lambang kanto kan tinampo.

Amos 7:11

Ini an saiyang sinasabi, ‘Magagadan sa gera si Jeroboam, asin an banwaan nin Israel itatapok harayo sa saindang daga.’”

Amos 7:17

Amazias, sinasabihan ka nin Kagurangnan, ‘An saimong agom magigin sarong maraot na babae sa mga tinampo asin magagadan sa gera an saimong kaakian. Pagbabarangaon kan iba an saimong daga asin magagadan ka sa sarong paganong daga. Dangan itatapok an banwaan nin Israel harayo sa saindang daga.’”

Amos 8:10

An saindong mga pyesta magigin mga aldaw nin kamondoan, asin an saindong magayagayang mga awit magigin mga panambitan. Gigibohon kong mapiritan kamong mag-aris kan saindong payo saka maggubing nin sako. Magigin arog kamo sa mga magurang na nagmomondo huli sa pagkagadan kan solo nindang aking lalaki. Magigin mapait sagkod sa kataposan an aldaw na iyan.

Deuteronomio 28:41

Magkakaigwa kamo nin mga aking lalaki saka babae alagad dai sinda mapapasaindo huli ta mabibihag sinda sa gera.