Mga Panambitan 4:9 - Marahay na Bareta Biblia

⁹ Mas marahay pa an mga nagadan sa gera ki sa nagadan sa gutom, na luway-luway na nagagadan huli ta mayo sinda nin makakakan.

Mga Panambitan 4:9 Iomraidhean Croise

Ezekiel 24:23

Dai nindo aarison an saindong buhok, ni tatangkason an saindong sandalyas; dai kamo magmomondo o maghihibi. Manluluya kamo huli kan saindong mga kasalan asin mag-aagrangay kamo sa lambang saro.

Levitico 26:39

An nagkapira saindo na matatadang buhay sa daga kan saindong mga kaiwal, orog na maghahalipot an buhay huli kan saindong mga kasalan saka kan kasalan nin saindong mga ginikanan.

Ezekiel 33:10

Nagtaram sako an Kagurangnan, “Aki nin tawo, ipagiromdom mo sa mga Israelita kun ano an pinagsasabi ninda: ‘Nagagabatan kami kan samong mga kasalan asin mga kasombikalan. Luway-luway kaming nagagadan; paano pa kaming mabubuhay?’

Jeremias 16:4

Magagadan sinda huli sa makangingirhat na mga helang, saka mayo nin matangis ni malubong sainda. An saindang mga bangkay garo odo na matatambak sa daga. Magagadan sinda sa gera saka sa gutom, dangan an saindang mga bangkay magigin kakanon kan mga gamgam asin kan mga lalaw na hayop.

Exodo 16:3

na an sabi, “Marahay pang ginadan na kami nin Kagurangnan sa Egipto. Duman nakakatukaw pa kami, nakakakakan nin karne asin kan gabos ming magustohan. Alagad dinara mo kami digdi sa kalangtadan tanganing magadan sa gutom.”

2 Mga Hade 25:3

Kan ikasiyam na aldaw kan ikaapat na bulan kan taon na idto, kan makuri na an gutom sa syudad, mala ta mayo na nin makakakan an mga tawo,

Deuteronomio 28:51

Kakakanon ninda an saindong mga hayop asin an mga bunga kan saindong daga sagkod na magadan kamo sa gutom. Dai kamo ninda tatadaan nin ani, arak, lana, baka o karnero; magagadan kamo gabos.

Isaias 22:2

An bilog na syudad pano nin mga pagkukurahaw, karibokan asin kaogmahan. An saimong mga lalaking nagadan sa gerang ini, nagadan bakong sa pakikilaban.

Ezekiel 4:16

Nagsabi pa siya, “Aki nin tawo, oontokon ko an pag-abot nin tinapay sa Jerusalem. An mga tawo duman mawawaraan nin paglaom asin mahahandal mantang sinusukol ninda an tinapay na saindang kakakanon asin an tubig na saindang iinomon.

Ezekiel 7:15

Igwa nin ralaban sa mga tinampo asin igwa nin helang saka gutom sa mga harong. An mga nasa luwas kan syudad magagadan sa ralaban; an mga nasa laog kan syudad magigin biktima nin helang saka gutom.