Markos 13:1 - Marahay na Bareta Biblia

¹ Paluwas na si Jesus sa Templo, kan magsabi an saro kan saiyang mga disipulo, “Maestro, hilinga, anong gayon kan mga gapo saka mga edipisyo!”

Markos 13:1 Iomraidhean Croise

Jeremias 51:61

Tinaraman ko si Seraias, “Pag-abot mo sa Babilonia, basahon mo nanggad nin makosog sa mga tawo an gabos na nasusurat digdi.

Ezekiel 10:19

Inunat kan mga kerubin an saindang mga pakpak dangan naglayog kaiba an mga rweda, mantang ako naghihiling. Nag-ontok sinda sa may trangkahan sa sirangan kan Templo, asin nasa itaas ninda an kamurawayan kan Dios nin Israel.

Ezekiel 10:4

An kamurawayan kan Kagurangnan nag-itaas hale sa mga kerubin dangan nagpasiring sa may palaog kan Templo. An Templo napano nin panganoron asin an patyo nagsilyab huli kan liwanag kan kamurawayan nin Kagurangnan.

Ezekiel 8:6

Sinabihan ako nin Dios, “Aki nin tawo, nahihiling mo an ginigibo ninda, an makauuyam na mga bagay na ginigibo digdi kan mga Israelita, kun paano ninda ako orog na pinapaharayo sa sakong santwaryo? Alagad makakahiling ka pa nin orog pang makauuyam na mga bagay.”