Lukas 8:7 - Marahay na Bareta Biblia

⁷ An iba naman nahulog sa katonokan na sabay na nagtalubo kan mga banhi kaya napoot an mga banhi.

Lukas 8:7 Iomraidhean Croise

Genesis 3:18

Matalubo sa daga an mga doot saka mga tonok, asin mapipiritan kang magkakan nin mga tinanom sa kadlagan.

Jeremias 4:3

An Kagurangnan nagtataram sa mga taga Juda asin sa mga taga Jerusalem, “Aradohon nindo an saindong daga na dai naaarado; dai nindo ipagtanom an saindong banhi sa tahaw kan mga tonok.

Mateo 13:22

An mga banhing nakasabwag sa lugar na matonok garo idtong mga tawo na nagdadangog kan tataramon, alagad an tataramon pinopoot kan mga kahaditan sa buhay na ini asin kan pagkamoot sa kayamanan, kaya dai nagbubunga.

Mateo 13:7

An iba man na banhi nahulog sa katonokan; pagtambo kan mga tonok, pinoot an mga banhi.

Markos 4:7

An iba man na mga banhi nahulog sa katonokan. Pagtambo kan tonok pinoot an banhi kaya dai nagbunga.

Lukas 21:34

“Mag-ingat kamo ta tibaad malugom kamo sa karakanan, irinoman, saka sa kahaditan kan buhay na ini, asin biglang umabot saindo an Aldaw na iyan siring sa sarong siod;

Lukas 8:14

An mga banhing nakasabwag sa lugar na matonok garo an mga tawo na minadangog, alagad pinopoot sinda kan mga kahaditan, kayamanan asin kaogmahan sa buhay na ini kaya dai nahihinog an saindang bunga.

Lukas 8:6

An iba nahulog sa lugar na magapo; pagtalubo kan mga banhi, naalang huli ta mamara an daga.

Lukas 8:8

Alagad an ibang banhi nakasabwag sa matubang na daga; nagtalubo asin namunga nin mananggatos.” Pakataram niya kaini, nagsabi siya nin makosog, “An may talinga, magdangog!”